الموضوع: مساعدة يا اهل المنتدى - التجنيد

المشاركة الأصلية كتبت بواسطة ainshouka

للأسف بيرفضوا انهم يطلعوا غير هى واحدة بس ولو عاوز تطلع تانى يبقى لازم تعمل محضر بدل فاقد عشان يطلعوا واحدة جديدة وبتبقى بعد استلامك للأصلية بفترة كمان

مين قال لك الكلام ده ؟؟؟؟ انا معايا اتنين ...... اما طلعت الاولانية قلت له لو عايز اطلع واحدة تانية اعمل ايه؟ قال لي تستنى لما الاولانية تطلع و تصور الاولانية و تصور البطاقة و تشتري استمارة بتتباع جوة التجنيد و تسلمهم لشباك عندهم و تستلمها بعد يومين ...... و عادي جدا ........ و عندي اتنين طالعين من نفس ادارة التجنيد بينهم يومين بالعدد و زي الفل

المشاركة الأصلية كتبت بواسطة ainshouka

انا تبع منطقة الغربية السنة اللى فاتت حبيت اطلع واحدة عشان اسلمها للشغل قالولى لازم اعمل محضر

الاسبوع اللى فات رحت اعمل واحدة جديدة بعد ما استلمت الاعفاء النهائى من حوالى 3 اسابيع قالولى مينفعش لانك لسه مستلم واحدة وكنت جايبلهم محضر الفقد لكن بعد ماعرفوا انى محتاجها ضرورى عشان الشغل وانى ممكن اروح فى داهية بسببها قالولى تعال الاسبوع اللى جاى اللى هو بكرة

وليه واحد من اسكندرية كان طلع كذا واحدة بس من كام سنة لما قلتلهم كده قالولى لا التعليمات دلوقتى ان احنا منطلعش غير واحدة بس

يمكن تعليمات جديدة ...... انا الكلام ده عملته سنة 2003 ...... يعني من 8 سنين

المشاركة الأصلية كتبت بواسطة som3aa

هو مش كدا كدا اللى عامل تاجيل علشان موضوع سن ال60 بعد زوال السبب هيقدم تانى فى الجيش عادى و ممكن يتاخد؟

فيه فرق بين تاجيل و اعفاء مؤقت

فيه ناس بيبقى وحيد بس ابوه تحت الستين

بياخد اعفاء مؤقت و بيجدده كل 3 سنين تقريبا (مش متاكد من عدد السنين) لحد ما والده يتم الستين بياخد اعفاء نهائي


و عموما زوال السبب ممكن يخليك تتاخد فعلا

المشاركة الأصلية كتبت بواسطة ainshouka

انا سالت فى منطقة الاستعلامات فى التجنيد محتاجين الاتى :

قيد عائلى
صورة بطاقة الوالد
الشهادة المؤقتة

ولو فيه اى استفسار اسالهم عليه لانى رايح فى وسط الاسبوع عشان استلم الشهادة

لو أول مرة بيحتاجوا البطاقة العسكرية لأن ما بيبقاش فيه شهادة مؤقتة