دلوقتى أنا عايز أعمل الإعفاء ..
المفروض أعمل إيه ولا أجيب ورق إيه ؟؟؟
عرض للطباعة
دلوقتى أنا عايز أعمل الإعفاء ..
المفروض أعمل إيه ولا أجيب ورق إيه ؟؟؟
و لا يهمك
البلد مش هتقف عليك
بلطج براحتك
و طبعا مفيش كماين علشان تسالك موقفك من التجنيد
يا عم قول يا باسط
و لا يهمك
البلد مش هتقف عليك
بلطج براحتك
و طبعا مفيش كماين علشان تسالك موقفك من التجنيد
يا عم قول يا باسط
الاعفاء بسبب ايه ؟؟؟؟؟ مالكش اخوات ولاد؟
يبقى بطاقتك + صورة
قيد عائلي مميكن للأب
شهادات ميلاد مميكنة للأخوة
البطاقة العسكرية
انا رايح بكرة منطقة التجنيد ان شاء الله
تحب اسالهم عن ايه بالظبط
نصيحة يا سيف ابقى طلع كذا واحدة عشان لما تسلمها لجهة العمل يبقى معاك واحدة تانية عشان لو حبيت تطلع باسبور او حاجة ..... او عشان لو هتغير الشغل و الشغل القديم رذل عليك يبقى معاك واحدة تديها للجديد
مين قال لك الكلام ده ؟؟؟؟ انا معايا اتنين ...... اما طلعت الاولانية قلت له لو عايز اطلع واحدة تانية اعمل ايه؟ قال لي تستنى لما الاولانية تطلع و تصور الاولانية و تصور البطاقة و تشتري استمارة بتتباع جوة التجنيد و تسلمهم لشباك عندهم و تستلمها بعد يومين ...... و عادي جدا ........ و عندي اتنين طالعين من نفس ادارة التجنيد بينهم يومين بالعدد و زي الفل
انا تبع منطقة الغربية السنة اللى فاتت حبيت اطلع واحدة عشان اسلمها للشغل قالولى لازم اعمل محضر
الاسبوع اللى فات رحت اعمل واحدة جديدة بعد ما استلمت الاعفاء النهائى من حوالى 3 اسابيع قالولى مينفعش لانك لسه مستلم واحدة وكنت جايبلهم محضر الفقد لكن بعد ماعرفوا انى محتاجها ضرورى عشان الشغل وانى ممكن اروح فى داهية بسببها قالولى تعال الاسبوع اللى جاى اللى هو بكرة
وليه واحد من اسكندرية كان طلع كذا واحدة بس من كام سنة لما قلتلهم كده قالولى لا التعليمات دلوقتى ان احنا منطلعش غير واحدة بس
هو مش كدا كدا اللى عامل تاجيل علشان موضوع سن ال60 بعد زوال السبب هيقدم تانى فى الجيش عادى و ممكن يتاخد؟
شكرا جزيييييييييلا يا رجاله
انا سالت فى منطقة الاستعلامات فى التجنيد محتاجين الاتى :
قيد عائلى
صورة بطاقة الوالد
الشهادة المؤقتة
ولو فيه اى استفسار اسالهم عليه لانى رايح فى وسط الاسبوع عشان استلم الشهادة
التاجيل بيبقي كل 5 سنين لو في حالة انك وحيد ووالدك تحت ال 60
او الي حين وصولك 29 سنه او زوال السبب زي مثلا لو اخوك في الدراسه او والدك مريض او والدتك مطلقه وانت العائل
هو ايه الفرق بين تاجيل و اعفاء مؤقت؟
متابع
تأجيل معناه انت ظروفك حاليا تسمح لك بالتجنيد (صحتك كويسة و عندك اخوات ولاد و مش انت العائل الوحيد لوالد او والدة فوق الستين الخ الخ الخ) بس هما مش محتاجينك دلوقتي فهيدوك تأجيل لحد ما ربنا يفرجها و بعد 3 سنين تقدم تاني و يا يأجلوا لك تاني يا ياخدوك يا يعفوك (لم يصبه الدور)
او تاجيل لانك مثلا العائل و عندك اخوات ولاد بس كلهم لسه في الدراسة فتاخد تاجيل لحد ما واحد منهم يتخرج و بعدها تخش الجيش
اعفاء مؤقت ده بقى لما تبقى وحيد بس والدك سنه تحت الستين (من باب انه ممكن يعمل فيك مقلب و يخلف لك أخ هههههههههه ...)و دي بتفضل تجددها لحد ما يا إما انت تتم 30 (سن الامتناع عن التجنيد) او والدك يتم 60 أيهما أقرب ... أو والدك يعمل فيك المقلب و تخش الجيش ههههههههههههه ...... او لمزدوجي الجنسيات (لحد ما يسقط الجنسية التانية و ساعتها يسقط عنه الاعفاء ...... أو يوصل لسن الامتناع عن التجنيد و هو 30 و ساعتها ياخد بدالها اعفاء نهائي ..... ) .... إلخ ......
هو عملها فيا وكنت مضايق قوي وغيران طحن (انا دلوقتي عارف شعور محمد ابني لما ابراهيم الصغير وصل)
دلوقتي محمد اخويا زي ابني وانا اللي مربيه لدرجه ان ابويا لما يحب يخوفه يقوله هندهلك هيثم
وابويا بالمناسبه عنده 49 سنه يعني لسه في عزه يعني ممكن يعملها تاني وتالت ورابع وعاشر
شكراااااااااااااااااا إلى كل مش شارررررررررررك ...... ربنا يخليكم ليا