+111111111111111:x1[1]:
عرض للطباعة
عندك حق طبعا
كفايه الضرب اللى فى المنصوره و سوهاج من شويه
رصد |سوهاج - جرجا| نقلا عن شاهد عيان:
بعض اهالي جرجا طالبوا خليفة رضوان مرشح الحزب الوطنى بتسليمهم محلات كان قد اخذها في عهد النظام السابق بوضع اليد فرفض وتم الاشتباك مع الاهالي وبلطجية خليفة رضوان واطلاق النار عليهم وهناك بعض الجرحي في المستشفيات مما اثار حفيظة الاهالي فقاموا بحرق صيدلية تابعة له و سيارته , وهناك انباء مؤكده ان عائلته والتى تسكن في قرية بيت خلاف تجمع اسلحة و رجالا للهجوم علي اهالي مدينة جرجا العزل من السلاح , نرجوا تدخل سريع من الجيش او الامن والا ستحصل مذبحة كبيرة في جرجا
حصري رصد | سوهاج | مؤكد : اشتباكات بالمولوتوف والرشاشات في مركز جرجا بسوهاج , بين انصار خليفة رضوان عضو مجلس الشعب عن الحزب الوطني وابناء جرجا وتساقط الجرحى بالعشرات من جانب المواطنين العزل من السلاح , واشعال النيران بالمباني في شارع فاروق حول مسجد ابو خليفة
نفسى الجيش يفهم ويقتنع ان مصلحته معانا احنا :majd(4):
عندك حق والله أ.وائل أنا عموما بتناقش عادة مع فكر وليس شخص بهدف أثراء الموضوع بتحليل وليس نقل أخبار في محاولة للتوعية بتجاذب أطراف الحوار بتفكير هادف وواضح
ورأي أن القوات المسلحة متسكتش على مايتم من تجاوزات أمنية بالبلد حتى لو لزم الأمر تطبيق الأحكام العسكرية بصرامة ...........دي مصر مش لعبة
لازم ثورة تصحيح داخل المجلس الرئاسي العسكري نفسه
معتقدش ان 19 فرد كلهم ملايكة
الظاهر ان فيه انشقاق بين تنحية شفيق وتركه
وهيمارسوا نفس الدور اللي عملوه مع مبارك
يسيبو شفيق يعدل الحكومة وبعدين يشوفوا رد الفعل
وطبعا رد الفعل من المظاهرة المليونية النهاردة "لا لشفيق"
اليومين اللي جايين هيبان اذا كان المجلس الرئاسي معانا ولا بيثبتنا فعلا
محتار بصراحة من سر التمسك برئيس الوزراء شفيق هي صعبة جدا يغيروا الحكومة ويرضوا الشعب
تباً للعناد
محتاجين مظاهرة ضخمه يوم الثلاثاء ومنستناش الجمعه
وكل المتظاهرين يعتصموا ومايسيبوش شويه قليلة ينفردوا بيهم زي النهاردة
على فكرة
الجيش اساسا مجبر انه ينحاز للثورة والشعب والا هيحصل فيه انشقاق جامد جدا
يعني ميحملوناش جمايل بانحيازهم لينا
متصلة الان على قناة الجزيرة مباشر من ميدان التحرير
اللى بيعمل كده نااااس من الداخلية مش من الجيش
وملثمين وكانوا بيضربوا الناس بالكرابيج وبالصواعق وبيقولوا صاعقة عشان يضللوا الناس
بس دول مش عناصر صاعقة خااالص ....وتدعوا الشعب انه ينزل بكره للتظاهر ...وميدان التحرير دلوقتى فااضى والنصب التذكارى للشهداء اتكسر تماما
----------------------------------------------------------
نوارة على الجزيرة مش مصدقة نفسها و اللي شافته من ضرب الجيش لهم
------------------------------------------------------------
واحد, اتنين, الجيش ضرب الشعب
النهاردة كان في مليونيه, زي اي جمعه, وكان الطلب بسيط
إقالة احمد شفيق
اليوم عدى باحتفالاته, ع اخر النهارد كان في مجموعة معتصمة في شارع القصر العيني, عند مجلس الوزراء, عساكر من الشرطة العسكرية, والجيش, طوقونا لمدة ساعه, بعدين جه لواء جيش لطيف, قرر انه يفك الكردون, ويعمل نفسه انساني لأقصى درجة :-)
نفس اللواء الانساني, بعديها بساعتين"الساعه 2 بعد نص الليل", ادى تحذير ان لو الناس لو مافضتش بالزوق, حيفضوا بالعافية, وان الاحسن لنا نمشي.
5 دقايق, واخدت عساكر الجيش وضع الاستعداد, ووقفوا صف جنب بعض, وبدأوا يصعقوا الناس بالصاعق الكهربائي, ويجرونا في الشارع.
طلعنا نجري وهم ورانا, وكل شوية يصطادوا حد فينا, انا بطلت جري شوية, وكنت ماشي, وقدامي بشوية شريف عازر.
فجأة لقيتهم جم علي, وضابط جيش زغنون "حوالي 170 سنتيمتر, وعمره 23-24 سنه"شاور علي, وقال لعساكره هاتوه من شعره.
لقيت فجأة اربع عساكر من خيرة جنود جيشنا المصري الهمام, نازلين علي بإكعاب البنادق, وواحد فيهم ضربني في ............ , وقعني ع الارض, والباقيين قرروا يكملوا علي الحفلة شوية :-).
اللي انقذني منهم,تدخل شريف عاذر, واللي دخل معاه ضابط تاني صغير برضه, وفض العساكر من علي, وجرونا تاني.
بعديها بـ 5 دقائق, الضابط الزوغنن الاولاني كان مشاور ع شريف عاذر, وجايبه, وسط عساكره ونزلوا فيه ضرب.
وكملوا تجريه فينا لحد اخر ش القصر العيني, واجمل حاجه حقيقي عملوها, انهم قرفصوا ع ركبة واحدة في نص الجري دا, واخدوا وضع استعداد ضرب النار, عشان يرعبونا.
اللي انضربوا قدامي من صحابنا, مصطفى حسين, و
صديق تاني عرفني ع نفسه انه اسمه Cer
ع تويتر.
احلى هتاف سمعته النهاردة, واحنا بنجري
"1, 2 الجيش ضرب الشعب"
الشعب بس هو اللي ايد واحده....
منقوووول ،،،
و أعتقد ده الواقعي لأني لحد الساعة 12 بالليل كنت هناك و مكنشي فيه اي حاجة
------------------------------------------------------------------------------------
نوارة نجم بتقول لازم الجيش يعتذر
و الحكومة تمشي
مش هنتراجع عن مطالبنا
و اعتقلوا ناس من ضمنهم شادي الغزالي
-------------------------------------------------------------------------
واحد تاني دلوقت بيقول .. رغم ان الملابس عسكرية لكن التصرفات و التكتيك شرطة
و منهم ملثمين
بيضربوا اللي يقع تحت ايديهم بوحشية عجيبة
--------------------------------------------------------------------------------
يقول لبسهم جيش لكن طريقة ضربهم بالجزم والشلاليت للناس والستات وكان فيه ست حامل ضربوها ووقعوها عالارض وكانوا بيعتقلوا الناس وبياخدوهم وبيشتمونا شتايم سافلة
وفيه جروح والناس اللى اتجرحوا راحول القصر العينى
---------------------------------------------------------------------------------------
نوارة نجم بتقول ان كلام هيكل صحيح وان مبارك بيحكم من شرم الشيخ
مصدومين في الجيش المصري ولن نرفع ايدينا عليهم لو داسونا بالدبابات فهو جيشنا
__________________________________________________ ___
العسكرى بيقول لمتظاهر انت بتصور ليه بيحاول ياخد منه الكاميرا والشاب بيقوله هقفلها هقفلها والناس بيجروا واللى بيقولوا عليهم شرطة عسكرية بيجروا وراهم
الجيش يضرب المعتصمين ويسحلهم ويكهربهم عند مجلس الشعب
YouTube - ‫ط§ظ„ط¬ظٹط´ ظٹط¶ط±ط¨ ط§ظ„ظ…ط¹طھطµظ…ظٹظ† ظˆظٹط³ط.ظ„ظ‡ظ… ظˆظٹظƒظ‡ط±ط¨ظ‡ظ… ط¹ظ†ط¯ ظ…ط¬ظ„ط³ ط§ظ„ط´ط¹ط¨‬‎
__________________________________________________
كله منقووووووووووول ،،، طبعا
يا فندم احنا شوفنا ازاي مبارك حكمنا طول 30 سنة بـ"الصرامة" وفي بعض الأحيان بالصرمة بحجة الأمن والأمان وكان بيتعامل مع معارضيه بالعنف بتهمة زعزعة الأمن.
بلاش يا فندم العقلية القمعية دي.
اللي يتمسك وهو بيخرب يتقبض عليه.
لكن مينفعش ناس في مظاهرة سلمية أو معتصمين وقاعدين على الأرض ينضربوا ويتسحلوا ويتقبض عليهم عشان حضرتك مختلف معاهم في الرأي. أنت شايف انهم بيخربوا البلد وهما شايفين انهم بينضفوا البلد من الفساد.
ولو حضرتك شايف ان مجرد التظاهر السلمي بيشجع التجاوزات الأمنية من المخربين يبقى يا ريت الجيش يتشطر على الحمار (الحزب الوطني وأمن الدولة والبلطجية المأجورين والغير مأجورين) وبلاش يتشطر على البردعة (المتظاهرين اللي بيطالبوا بتطهير البلد).
الدكتور شادي اللي كان في لقاء العاشرة مساءا مع اعضاء المجلس الرئاسياقتباس:
و اعتقلوا ناس من ضمنهم شادي الغزالي
كان واحد منهم بيقول لشادي هات معاك المرة الجاية اصحابك ولو كان عددهم 100 علشان "نحاورهم"
حسبي الله ونعم الوكيل
لو الموضوع طلع ان فيه شرطه تبقى مصيبه سودا على دماغهم .. ولو شرطه بتعاون مع الجيش تبقى باظت خالص
وفى حاجه تحرق الدم رجعوا تانى يعتقلوا النشطاء السياسين زى شادى حرب واصحابه !!!!!!!! وبرنامج دريم يتقطع!!!!!! لييييييييييييييييييه
دا تهريج دا الليله دى كأنها قبل 25 يناير
والاخوه الى من اول الثوره نفسهم تتفرض احكام عسكريه ومبسوطين من الى بيحصل.. ارحموا انفسكم اولا وارحمونا ثانيا
ده اللي عمتلوا الشرطة "العسكرية" في بنات مصر وشبابها ... مأساه
YouTube - 25th Feb at night tahrir sq.