الموضوع: ايه المغزي من تعيين نائب رئيس وزراء

المشاركة الأصلية كتبت بواسطة skybird

لا يا باشا اسمح لي اختلف معاك ونفسي النظرة دي تتغير
الجيش مجبر انه ينضم للشعب لان اي اوامر باطلاق الرصاص على الناس هيعمل انقسام حاد في الجيش علاوة على ان ضباط الميدان لن ينفذوا الاوامر لان عقيدتهم مختلفة والضابط احمد شومان خير دليل
فالجيش ميمنش علينا انه انحاز لينا لان الجيش ملك الشعب اصلا وليس السلطة حسب الدستور المادة 180
واللي حصل في ليبيا مثال ايضا
حيث ان الجيش رفض اطلاق النار على المتظاهرين والطيارين منهم اللي خد طيارته وراح مالطة ومنهم اللي قفز منها واتحطمت علشان مينفذوش اوامر القذافي
لكن اللي بيحصل في ليبيا مش من الجيش الليبي لكن من كتائب المرتزقة اللي استوردهم القذافي من تشاد وبعض الدول الافريقية وده حقيقي وتصور فيديو

لا ياباشا اعذرني
احمد شومان ده كان اشاره من الجيش لحسني مبارك
اللي عايز يتخلي عن منصبه في الجيش مش هيطلع في الجزيره ويقول كده
هو هيتخلي بدافع من وطنيته ولكن هيقول ياحيطه داريني لان عقوبته ممكن تصل لاعدام
محدش هيضيع مستقبله يايده بسهوله وخصوصا انه مش لوحده هيعدل الموقف
ده كان اعلان اخر من الجيش ضد حسني مبارك
دي وجهة نظري
اما بالنسبه لجيش الليبي ففيه كتير ضربوا فعلا
والجيش لو عايز يسحل الناس هيسحلهم
اللي الجزيره جابته ده طيار او اتنين
ولكن في كتير ضربوا
والجيش لو ماكانش عايز مصلحة الناس والبلد كان ساب المتظاهرين تحتك بالحرس الجمهوري
وشوف بقي اللي هيحصل دول الحرس الجمهوري
انا عند رأيي ان الجيش منع مجزره وبلاش ضغط اكثر من كده حاليا
اتركولهم فرصه يلتقطوا انفاسهم

المشاركة الأصلية كتبت بواسطة sharky

هو مش الجيش ضرب امس المتظاهرين :)

فعلا وطلع بيان يعتذر
يعني هو قادر علي الضرب بس هو رافض
وانا شايف ان لو كان ساب الشعب للحرس الجمهوري كان الشعب هتبهدل
ارجوكم انتظروا الجيش لما يعمل اللي شايفه صح في الوقت المناسب