الموضوع: مجموعه على الفيس بوك ضد غلاء قطع غيار سيارات بروتون ( ادخل واشترك )

انا معاكو فى غلاء الاسعار بس بعد لما نحسبها ونشوف الاسعار الاساسية والافضل نبعت ميل جماعى يكون فيه على الاقل 50 فى المية من ملاك بروتون انا اعرف ناس كتير معاها بروتون بتعيط من الاسعار وكلو مستعد يمضى على الشكوى

انا كمان معاكم .. ولازم التوكيل يوفر قطع الغيار الاصلية

يا جماعة انا بأكدلكم ان فيه قطع غيار غير اصلية موجوده في التوكيل اهمها تيل الفرامل .. ده من غبائه حاطط صنفين واحد اصلي وثمنه لا يليق بثمن السيارة .. انا عربية والدي اوكتافيا a5 وتيل الفرامل بتاعها اصلي بالتركيب 400 جنيه واعتقد انه مش هيزيد عن كده كتير في الجيتا والباسات
ده غير اسلوبهم الملتوي في انه يطلب دايما عمل خرط للطنابير حتى لو كانت الطنابير في حالة جيدة وده لسبب انه يخلي الطنابير تتلائم مع التيل الزبالة اللي هو ب 250 جنيه وطبعا بياخد ثمن خرط الطنابير
وعلى فكرة يا ريت اللي بيعمل كده بيبقى التوكيل بيخرط الطنابير بتاعت العربية نفسها .. ده بيديله طنابير تانية مخروطة جاهزة وبياخد الطنابير بتاعت العربية الاصلية ..
مبقاش عندي مصداقية للتوكيل ده وبسمع والله يا جماعه ان هشام عز العرب ده راجل بيحب الشغل الكويس بس طبيعي اللي حواليه يكونو كده
انا رشيت عربيتي اكصدام امامي ورفرف و باب تقريبا ب 900 جنيه واقسملكم بالله شغل زبالة اوي.. في ناس بتشتغل برة التوكيل انضف منهم بكتير
استغلّو ثقة الناس فيهم وبقو يعلقونا ويقطعو في لحمنا زي سيخ الشورما
من بعد ما فهمت انهم مش بيجيبو الحاجة الاصلية بقيت بجتهد ان ادور على القطع اللي بحتاجها ولو في قطعه من المفروض ان الاستاذ التوكيل الموقر بيقرر انها تتغير انا بيبقى ليا رأي تاني زي مثلا بلية سير الكاتينة وانصح الكل لو مش سامع صوت متغيرهاش وصدقني مش هيحصل حاجة
عربية موتورها الناس بتشكر فيه ليه يتم تغيير سير الكاتينة على 60 الف ك الا اذا كان هيعود بمصلحة على التوكيل
الواحد كان بيقول ان العربيات الياباني بيديلك العربية رخيصة و يرجع ياخد ثمنها تاني منك مرة تانية عن طريق قطع الغيار .. بصراحة ظلمناهم.. انا ما شوفتش سياسة مش محترمة زي سياسة توكيل بروتون في مصر والله اعلم ممكن تكون دي توجيهات جيالة من ماليزيا
خدو بالكم ان فوانيس العربية بالكام في التوكيل غير اصلية و كمان البوجيهات و كمان تيل الفرامل وموضوع تيل الفرامل ده في حد ذاته انه عنده اكتر من صنف متهيئلي دي حاجة توديه في داهية وتدخله في (س) و (ج) لانه اذعان بانه بيبيع قطع غيار غير اصلية

نجيب منين قطع غيار اصلية ؟ من مترو ولا كارفور ولا خير زمان
ولا المفروض قطع الغيار تكون موجوده في التوكيل وتكون قطعة الغيار قطعة واحدة و بس ويكون ثمنها ملائم ل ثمن العربية

ايه فرامل بوش اللي زلنا بيها
دي فرامل على قدها اوي وموجوده في العربيات اللي بتكح زي الفيات واعرفو ان لو مرسيدس بتوكل بوش بصناعة الفرامل ليها فبتكون بمواصفات تانية بعيد كل البعد عن الفرامل اللي بتنزل في عربيتنا
اقسملكم بالله ان بيجي عليا شهر و اقول هبيع العربية ويقوم ربنا يهديني و اقول اصبر شوية وعلطول على الشكل ده
تروحلهم ان مثلا يشفولك موتور الفوانيس الامامي بيشتغل علطول لغاية ما الفيوز بتاعها يتحرق ويطفي انارة الطبلو كله معاه عقبال ما يستقبلو العربية لغاية ما تخادها 6 ساعات ولا كأنهم بيعبرو قناة السويس ومفيش يومين و يرجع الموضوع تاني
ده توكيل موتوسيكلات مش عربيات

الله الله عليكم ياجماعه

ده انا فكرت ان انا بس اللي مبقوق من التوكيل واسعاره وقطع غياره اللي منها فعلا مش اصليه وده كلام انا عارفه من سنين ولكن مش لاقي تشجيع ولا حد بيتكلم

كنتواااا فين طيب

والله التوكيل ده مش هيتصلح حاله الا بينا

ولازم نبقى ايد واحده

ياجماعه العربيه دي حاجتها غاليه جدااااااااا

انا هقولكم بعض الاسعار ولكن هي انا اعرفها من فتره كام شهر ولكن بالتقلريب واحكمه


سير كاتينه = 450 جنيه
بلية كاتينه = 450 جنيه
فلتر تكييف الاصلي لما كان موجود كان بردو ب 450 جنيه واللي موجود دلوقتي اعتقد ب 250 جنيه واللي هو بره ب 100 جنيه ووحش جدا واوعى حد يرمي الاصلي بتاعها لان ده هيحتاج يتنضف كل 15 يوم بالكتير او مش هتلاقي هواا ساقع خالص

تيل فرامل بوش امامي كان ب 1300 جنيه وسمعت انه نزل بأه ب 750 جنيه
!

طيب اشرحولي انتوا بأه دي

لما نزل بره وبأه ب 350 جنيه زي الاستاذ اعتقد اسلام وعبد الرحمن جابوا سعره نزل هو سعره كمان يعني بيكسب حوالي 400 جنيه في الطقم غير المصنعيات !

لا اله الا الله

كوبلن امامي يمين ب 2300 جنيه

شمال ب 2100 جنيه

كارتيرة الزيت ب 2700 جنيه

فلتر بنزين ب 120 جنيه

اقول ايه تاني ؟

بالمناسبه انا اعرف مثلا ان كارتيرة الزيت في الافيو بالكتير 600 جنيه لو مش 400 جنيه في التوكيل

ومثلا تيل الفرامل الامامي في الجيتا 2008 مع اخويا الاصلي ب 550 جنيه بتركيبه كمان وبيقعد كمان والله اكتر من 50000 كم


شفتوا بأه ماحدش يقنعني انه الجمارك وهي الجمارك مش على الافيو والجيتا مثلا !

لأ لأ هي الفكره ان الاستاذ عز العرب عارف اننا محتاجين قطع غيار اصليه ومش هنلاقيها بره ومش عارفين اصلا سعرها فبيقول السعر اللي هو عاوزه

وطبعا ده يضايقني بجد

انا معايا العربيه من 2008 لحد النهارده ومبسوط بيها جدا ولكن لما بيحصل فيها اي مشكله ومحتاج قطعة غيار اصليه بزعل اوي لان فلتر التكييف ده مثلا حتة كرتون ب 450 جنيه ليه الاصلي

ده لما يتمعظم اوي 120 جنيه الاصلي المفروض

انا فعلااااااا

بطاااااااااااالب اننا نجمع اكبر عدد من الاعضاء والملاك الجادين وبكرر الجااااااااااااااادين مش كلام وخلاص هنا واسف لقولي ذلك لكن حصلت في اكتر من موضوع الحماااااااااس في الكتابه فقط ولكن عند التنفيذ على ارض الواقع بنبقى 5 او 6 بالكتير


بقترح نتجمع فعلا في اي مقابله ونكتب طلب ونقدمه للاستاذ ااامر ونشوف رده ولو ماحصلش تغيييييير جذري مش خصم 15 % والكلام اللي بيضحكوا علينا بيه ده نقدم شكوى لحماية المستهلك بكل اللي نعرفه كبيع قطع غيار اصليه مثلا

ونلم مشاكل كل العربيات اللي فيها مشكله ونبعتهم لحماية المستهلك

وده اقل حاجه ممكن نعملها

وانا عن نفسي بفوض نفسي لأكون مسؤول مسؤوليه كامله عن اي حد عاوز مني مساعده اني اروح معاه او اي ترتيبات


فكروا كويس ياجماعه وانا معاكم واللي عنده اقتراحات افضل يتفضل


اسف للاطاله واشكركم جميعا لرحابة صدوركم


اتمنى من الله الموضوع ده مايمتش ويتنسي مع الموضوعات القديمه

ياجماعه لازم نتغير بجد و تكون دي بدايه لتغيير سياسات التوكيلات في الاسعار الخرافيه في قطع الغيار والمصنعيات


اخيرا اللي موافق ومستعد يكون جااااااااااااد وبكرر جاااااااااااااااااد في العمل بالموضوع ده يسجل اسمه هنا

انا اولكم

احمد عبدالرحمن

gen2 ( at ) hi line 2008




السلام عليكم ورحمة الله وبركاته

بالمناسبه ياجماعه

شوفوا كده كام واحد دخل الموضوع ده وعدد المشاهدات

وكاااام واحد ردوا وتفاعلوا مع الموضوع


عشان تعرفوا انا ليه قلت الجااااااااادين فقط واللي فعلا هيعملوا حاجه مش هيتكلموا وخلاص هنا مع احترامي الشديد لكل الاعضاء وانا ياجماعه اقل واحد فيكم هنا وكلكم اساتذتي


بجد الناس اللي متفاعلتش وقرت الموضوع ومشيت

انا متأكد انكم لسه ماقابلتوش مشاكل مع العربيه عشان العربيه لسه جديده ومافيهاش اي مشكله ولكن لما العربيه دي تقدم معاكم شويه هتعرفوا لما تروحوا تقولوا لاقدر الله الفتيس فيه مشكله ويقولك ده الفتيس انتهى وتكون خلصت ضمان هيبقى قدامك حل من اتنين

ياتشتريه من عز العرب ب 40000 جنيه ايوا ( اربعين الف جنيه ) جديد زي ماقاللي البشمهندس كريم لما كان ماسك مدير الضمان وقتها في 2008

او تطلع على الحرفيين وتجيب واحد استيراد ب 5000 ولا 6000

براحتكم ياجماعه وفكروا ولكن للاسف انا مش هقدر اقف ضد غلاء الاسعار وسياسة التوكيل دي لوحدي

وبالمناسبه

اقسم بالله انا عربيتي مافيها اي غلطه ولا اي عطل وبعمل كل ده عشان نفسي بس

لاو الله

انا عشان الحلفان فقط انا عربيتي هعملها صيانة 120000 كم ممكن بعد كام شهر

لاني حاليا 110000 كم

تحياتي للجميع

والسلام عليكم ورحمة الله وبركاته


اخوكم احمد عبد الرحمن

المشاركة الأصلية كتبت بواسطة tweety26980

بالمناسبه ياجماعه

شوفوا كده كام واحد دخل الموضوع ده وعدد المشاهدات

وكاااام واحد ردوا وتفاعلوا مع الموضوع


عشان تعرفوا انا ليه قلت الجااااااااادين فقط واللي فعلا هيعملوا حاجه مش هيتكلموا وخلاص هنا مع احترامي الشديد لكل الاعضاء وانا ياجماعه اقل واحد فيكم هنا وكلكم اساتذتي


بجد الناس اللي متفاعلتش وقرت الموضوع ومشيت

انا متأكد انكم لسه ماقابلتوش مشاكل مع العربيه عشان العربيه لسه جديده ومافيهاش اي مشكله ولكن لما العربيه دي تقدم معاكم شويه هتعرفوا لما تروحوا تقولوا لاقدر الله الفتيس فيه مشكله ويقولك ده الفتيس انتهى وتكون خلصت ضمان هيبقى قدامك حل من اتنين

ياتشتريه من عز العرب ب 40000 جنيه ايوا ( اربعين الف جنيه ) جديد زي ماقاللي البشمهندس كريم لما كان ماسك مدير الضمان وقتها في 2008

او تطلع على الحرفيين وتجيب واحد استيراد ب 5000 ولا 6000

براحتكم ياجماعه وفكروا ولكن للاسف انا مش هقدر اقف ضد غلاء الاسعار وسياسة التوكيل دي لوحدي

وبالمناسبه

اقسم بالله انا عربيتي مافيها اي غلطه ولا اي عطل وبعمل كل ده عشان نفسي بس

لاو الله

انا عشان الحلفان فقط انا عربيتي هعملها صيانة 120000 كم ممكن بعد كام شهر

لاني حاليا 110000 كم

تحياتي للجميع

والسلام عليكم ورحمة الله وبركاته


اخوكم احمد عبد الرحمن

يا استاذ احمد لا تلوم احد انا يوم ما حصل موضوع ان الطنابير بازط بسبب التيل التعبان اللي بيركب في التوكيل و قولت ان هروح حماية المستهلك لقيتلك كام واحد من هنا طالعين بيجيبو العيب مني وان ركبت التيل خارج التوكيل وكلام غريب
وفي نفس الوقت هتلاقي ناس معاك في رايك بانه لازم تاخد موقف
بس لازم ندرس الكلام اللي هيتقال وفي نفس الوقت لازم تبقى عارف ايه الرد اللي هيترد عليك بيه وهتلاقيهم بيطلعولك ملفات و فواتير وشوف حضرتك الجمارك بتاخد كام وارضية البضاعه في المينا وكلام هيحرق دمك
دي طبيعة اللف والدوران


اللي عنده مشكلة وشايف ان التوكيل مقصر فيها في الوقت الحالي يبقى كلآتي:
تجمعو بعض و تطلعو مرة واحدة على حماية المستهلك

انا عربيتي موديل 2008 وهي عاملة حاليا 65000 وانا يمكن خرجت برة الضمان من وانا عامل بيها 25000 لاني مش مستنضف التوكيل ده وشايف انهم كفتجية

على فكرة انا كان معايا قبلها لانسر كريستاله وبيعتها وهي عاملة 126000 وبحالة محترمة لان توكيل ميتسوبيشي برقبة عز العرب وبيعتها سنة 2001 وهي كانت موديل 98
وكانت معايا نوبيرا موديل 2003 وبيعتها وهي عاملة 116000 وبيعتها سنة 2006 وكانت بحالة ممتازة لان كنت بعمل صيانتها في توكيل ابو غالي و برضو التوكيل هناك برقبة توكيل عز العرب
انا والله فاكر توكيل ابو غالي ده كان متابعني باتصالات كتيرة من وانا تحت البيت لغاية ما وصلتلهم التوكيل في العبور وانا كنت وقتها في السويس وكانت مشكلة كبيرة في دورة تبريد المحرك

عز العرب لا عنده استقبال سريع ولا فهم للمشكلة ولا قطع غيار موثوق فيها ولا نتيجة نهائية ترضى بيها
يا ريت حد منهم يشوف الكلام ده وشايف نفسه راجل و يحاول يشتكيني وانا اعرفه مقامه

انا مينفعش ان اشتكيهم بحجات حصلت معايا من اكتر من سنة ونص وبالرغم من كده لو ينفع وحد شايف انه ينفع فأنا معاكم والله
انا بحاول اجتهد بان اجيب قطعة الغيار تكون سليمة و مضمونة من هنا في مصر بالرغم من اني مضيف جوي وبنزل بلاد اكيد فيها قطعة الغيار للعربية دي واكيد اضمن الف مرة من عز العرب الّا مبيكنش عندي وقت

يوم ما اشتريت العربية دي كنت فرحان بيها جدا ومكنتش باخد بكلام اللي بينصحني بان التوكيل مش قد كده

و صحيح هقولكم حاجة بان اصحاب محلات قطع الغيار او قطع الغيار المستعملة بقو عارفين ان التوكيل غالي جدا وبيديك قطعة الغيار اللي مش اصلية ويكبرها و بسعر غالي عليها و يقولك لو مش عاجبك روح التوكيل.. لدرجة ان فيهم واحد بسئله على فانوس خلفي يمين قالي ب 800 جنيه وانا بقوله ده في التوكيل ب 500 قالي اللي في التوكيل مش اصلي .. وانا معاه عارف ان اللي في التوكيل مش اصلي وكمان مش مطمن ل اللي ب 800 جنيه