الموضوع: مجموعه على الفيس بوك ضد غلاء قطع غيار سيارات بروتون ( ادخل واشترك )

المشاركة الأصلية كتبت بواسطة tjp

الاقل انتشارا هو الارخص بوجه عام لكن لابد ان هذا الارخص ان تكون قطع غياره غاليه زى مثلا
اللانسر غالى والقطع رخيصه بعكس الالمانى بوجه عام دايما رخيص . ليه؟ علشان غير منتشر مع انه الافضل شعب غريب
اما عن الماركات المنتشره قطعها رخيصه ومتوفره لان الكل بيتداولها ربنا يسهل اما نشوف حال البلد هايبقا شكله ايه اكيد للافضل بس بعد سنه ولا حاجه وساعتها الكل هايركب المانى زيى كده من اشد المعجبين بيه بس قطع الغيار .

فى فرق بين الغلاء و الافترا !!

دة افتراء فعلا نقدر نعمل اية اعتصام داخل التوكيل ولا اية

معاكوا والله فعلا كوبلن اية دة اللى ب 2300 يعنى لو العربية جابت كوبلن اغيرة ب 2300 جنية يا حلاوة يا ولاد

وانا معاكم بس ياريت تكون الوقفة دي يوم سبت
وانا كمان من ملاك الساجا وعايزيبن نعمل وقفة عشان استهلاك البنزين

ياريت لو حد عنده فكرة يقول ايه ال ممكن نقدر نعمله لهذا الموضوع يعرض الفكرة

السلام عليكم،

أعتقد انكم تتكتبو جواب وتبعاتوه على بروتون المركز الرئيسي و-cc الايميل المصري للتوكيل، انكم معترضين على كام حاجة ويكون مكتوب بصيغة محترمة وطبعاً تجميع التوقيعات، عشان تتعرف انها حالة جماعية مش كام واحد مضايق وخلاص، وبردو يا جامعة متنسوش إن التوكيل اتطور عن قبل كدة ودة من كلامكو في المنتدى، إذا كان مفيش رد في خلال مدة معينة، ساعتها إعتصام قدام التوكيل عشان كل المديا من جرايد وتلفزيون يعرفو ا وساعتها حنشوف إيه التصرف، أدم مصر كلها. الحوار دة لو نجح، حتلأقو كل التوكيلات جابت وراه وش.



حاجة تانية، لازم تعرفو إيه الحاجات اللي غالية واسعارها كام في بلد المنشأ وكمان يا جماعه فيه جمارك المصرية وبردو مكسب التوكيل، يعني احسبوها صح، وقارنو بكم حاجة تانية، يعني هي بروتون بس اللي غالية كدة ولا الياباني كمان والكوري أو حتى الاوروبي. يعني تكون محسوبة صح من جميع النواحي، يمكن تكون غلطانين، ويمكن كل الاسعار كويسة جداً وكام حاجة بسيطة هي اللي غالية