الجيش يستخدم القوة لتفريق المظاهرات فى التحرير !!!

**AmAhmed** · 27-02-2011 04:18 AM

اخترت الاختيار الثالث قاصدا به اغلب قيادات الجيش و لا اقصد به عموم الجيش
فالجيش يتكون من الاباء و الابناء و الاخوة و الجيران و ابناء الوطن
اما بعض القيادات فهي تسعي لاستمرار النظام القديم و تهدئة الثورة حتي تحافظ علي مناصبها و مكتسباتها من خلال هذه المناصب للاسف
و يظهر ذلك من خلال المواقف الضعيفة تجاه بعض القضايا المحسومة اصلا و علي راسها قانون الطوارئ و محاسبه شخصيات لا يختلف احدا في مصر علي فسادها

**misoalex** · 27-02-2011 04:21 AM

المشاركة الأصلية كتبت بواسطة wawoo

لواء جيش يريد وقف المنصة بالقوة و عند الرفض يهدد بضرب المتظاهرين

youtube - ‫ظ„ظˆط§ط، ط¨ط§ظ„ط¬ظٹط´ ظٹظ‡ط¯ط¯ ط§ظ„ظ…طھط¸ط§ظ‡ط±ظٹظ† ط¨ط§ظ„ظ‚طھظ„‬&lrm;

هو اللواء بيقوله اموتك ولا انا سمعت غلط

**metenawy** · 28-02-2011 12:31 AM

المشاركة الأصلية كتبت بواسطة Moe86

يا metenawy كل واحد حر فى رأيه,
بس الجيش ليه مالغاش قانون الطوارىء و أفرج عن كل المعتقلين السياسيين لحد دلوقتى و قدم القتلة من الشرطة للمحاكمة؟ القرارات دى هتريح الناس و بتمثل 80% من طلبات اللى فى التحرير
لو أخويا كان اتقتل فى التحرير من الشرطة هفضل قاعد هناك لحد ما الزبالة منهم يتحاكموا

كل واحد حر في رائيه تقدر حدرتك تعمل مظاهرة عشان تعبر عن رايك في مظاهرة لكن انك تعتصم فا انت كده بتجبرنا علي رايك و دي مش حرية ولا ديمقراطية

**Moe86** · 28-02-2011 04:00 AM

المشاركة الأصلية كتبت بواسطة metenawy

كل واحد حر في رائيه تقدر حدرتك تعمل مظاهرة عشان تعبر عن رايك في مظاهرة لكن انك تعتصم فا انت كده بتجبرنا علي رايك و دي مش حرية ولا ديمقراطية :_alshmokh08[1]:

هو أنا مثلا لما أبقى قاعد فى التحرير ليل نهار فى عز السقعة , بيأثر عليك شخصيا فى ايه ؟!!
و بعدين ماجاوبتنيش, قرار زى الافراج عن المعتقلين السياسيين, هايكلف الجيش اية ؟ و فى أصلا حوالى 20,000 مسجون هارب !!

**dr-mohamed** · 28-02-2011 04:08 AM

المشاركة الأصلية كتبت بواسطة moe86

هو أنا مثلا لما أبقى قاعد فى التحرير ليل نهار فى عز السقعة , بيأثر عليك شخصيا فى ايه ؟!!
و بعدين ماجاوبتنيش, قرار زى الافراج عن المعتقلين السياسيين, هايكلف الجيش اية ؟ و فى أصلا حوالى 20,000 مسجون هارب !!

لو قعدت في الحديقة وسط الميدان انت حر
لو نزلت الشارع وعطلت العربيات والطريق تبقي مش حر وتبقي كدة بتضرني
وحدد مين هما المعتقلين السياسيين اللى تقصدهم
اللى اتقبض عليهم علشان مربيين دقنهم او مشيوا في مظاهرة او زي بدو سينا او زي عبود الزمر بتبحث ملفاتهم وبدا الافراج عنهم لكن شوف لما تفحص ملفات الكل هتاخد منك وقت اد ايه
اللى اتقبضعليهم في تهمة جنائية وكانت دوافعها سياسية اسف مش موافق يخرجوا غير بعد تنفيذ مدة العقوبة زي اللى سرقوا البنك في العياط وغيرهم
وعلى فكرة العدد 20 الف مبالغ غيه

اه صحيح
هو ده هايبقي السبب الجديد للتظاهر 24 ساعة في التحرير لو تم اقالة شفيق ؟؟؟؟؟؟؟