طيب ايه رايكوا في الحل ده ؟؟؟((ارجو من الجميع المشاركه ))

**cheetos_892005** · 26-02-2011 06:18 AM

انا بس قعدت افكر علي حل وسط يرضي الجميع ....... و يمشي حال البلد ....

ايه رايكوا نقبل الحكومه و نسيبها تشتغل براحتها ......واللي مش قابلها زي كده يعصر علي نفسه لمونه ....

مع متابعة اعمالها و طريقها اللي هي ماشيه فيه .....

في نفس الوقت ....كل جمعه ننزل التحرير نصلي الجمعه و نقعد فتره ....

بدون هتافات لسقوط الحكومه ... مجرد اظهار للجيس تايدنا ليه و ان حنا وراه .....

وكمان نبين لديول النظام القديم ان احنا لسه موجودين وصوتنا موجود ......

مع الاخذ في الاعتبار ان مفيش وزير معاه عصا موسي ....يعني الصبر

والله الوزير الفلاني مقصر .....نهتف ضده مش ضد الحكومه كلها .....

وهكذا ......

المكاسب :

1- تدي الجيش ثقه و تبينله انك وراه وواثق فيه ..

2- حال البلد يمشي طول الاسبوع عادي جدا ..

3-الوزير اللي يتدلع يبقي عارف ان مستنيه ناس يوم الجمعه مبتفوتش ..

4- نبين لذيول النظام ان احنا لسه هنا منمناش ..

5-اللي بيعمل شغب و قلق يبان والجيش يعرف يطرقعلوا بسهوله ..

((علي فكره كل ده المفروض مجلس الشعب اللي عمره ما كان من الشعب و اللي هو مش موجود دلوقتي اصلا ))

يا ريت الكل يشاركني الراي موافق ولا معارض واي ملاحظات انا قابلها .....

ويقترح بردو نوصل الفكره دي للناس ازاي ....

تقبلوا تحياتي ......

**د.أبونضال** · 26-02-2011 06:54 AM

هو الاعتراض مش على الحكومة كحكومة
لكن فيه طار بايت بين أحمد شفيق ومحمود وجدي وبين المعتصمين السابقين في التحرير وهو إن الاثنين دول كانوا في المسئولية وقت أحداث الأربعاء... الاثنين دول بالذات لو مشيوا كل حاجة هتهدى تاني. وما حدش يقول ما كانوش عارفين ومالهموش ذنب لأن الطار ما فيش فيه تفاهم

**omaroof** · 26-02-2011 07:02 AM

الافضل ان الحكومه تفضل بس الوزراء اللى مشو يتحاكمو محاكمه عادله وعلانيه ده حايدى ثقه فى الحكومه

**cheetos_892005** · 26-02-2011 07:36 AM

المشاركة الأصلية كتبت بواسطة د.أبونضال

هو الاعتراض مش على الحكومة كحكومة
لكن فيه طار بايت بين أحمد شفيق ومحمود وجدي وبين المعتصمين السابقين في التحرير وهو إن الاثنين دول كانوا في المسئولية وقت أحداث الأربعاء... الاثنين دول بالذات لو مشيوا كل حاجة هتهدى تاني. وما حدش يقول ما كانوش عارفين ومالهموش ذنب لأن الطار ما فيش فيه تفاهم

طيب ما نفرض ان الجيش سيطر عليهم ؟؟؟ ونشوف هيعملوا ايه الفتره اللي جايه
او نطلب برحيل الاتنين دول بس ....مش حكومه شفيق كلها ....

المشاركة الأصلية كتبت بواسطة omaroof

الافضل ان الحكومه تفضل بس الوزراء اللى مشو يتحاكمو محاكمه عادله وعلانيه ده حايدى ثقه فى الحكومه

ده لازم ومن اهم الحاجات اللي هنتابعها

**misoalex** · 26-02-2011 07:43 AM

وهل تقبل بأن الذئب يرعى الغنم

اذا رضيت بذلك فهذه عقليتك

**cheetos_892005** · 26-02-2011 07:55 AM

المشاركة الأصلية كتبت بواسطة misoalex

وهل تقبل بأن الذئب يرعى الغنم

اذا رضيت بذلك فهذه عقليتك

والله مارضاش ....

بس ايه الحل؟؟؟

المندسين من الحزب و امن الدوله مستغلين اسم المظاهرات و شغالين الله ينور

ولو وقعوا بيننا و بين الجيش هتبقي مشكله و معلش في اللفظ الهبل كتير وهيمشوا وراهم من غير مخ .....

**misoalex** · 26-02-2011 08:32 AM

المشاركة الأصلية كتبت بواسطة cheetos_892005

والله مارضاش ....

بس ايه الحل؟؟؟

المندسين من الحزب و امن الدوله مستغلين اسم المظاهرات و شغالين الله ينور

ولو وقعوا بيننا و بين الجيش هتبقي مشكله و معلش في اللفظ الهبل كتير وهيمشوا وراهم من غير مخ .....

صح كده

طيب دلوقتى مين الى بيحرض المندثين دول

انت قولت اهو الحزب الوطنى واعوان النظام القيديم

طيب مسألتش ليه الناس دى موجوده لحد دلوقتى ومتحاكمتش ولا اتقبض على اغلبهم بالرغم من معروف تورطهم فى فساد كبييييييييير

يبقى نمنع المظاهرات ولا نمسك الى بيحرضو والى هما اصلا الى المظاهرات والثوره قامت عشان نشيلهم ؟

فكر فى كلامى وانت تفهم

عاوز اقولك حاجه اخيره ليه فيه عناصر كبيره مشتركه فى الفساد وكانت تحكم فى النظام القديم لسه موجوده ومحدش جاب سيريتها

ومتقوليش لسه شويه ودورهم جاى ده كلام فارغ الناس بتصبر نفسها بيه

فكر كويس وانت تعرف ايه الى بيحصل دلوقتى