الموضوع: منين اشترى ماكينة حلاقة الشعر بالكهربا moser الاصلية؟؟

من القاهرة
عاوز اشترى ماكينة خلاقة الشعر الكهربائية اللى اسمها moser الالمانى دية ؟
ياترى الاقيها فين فى القاهرة ؟؟؟ بس عاوز مكان يكون مضمون انها تكون الاصلى مش التقليد...
لانى اشتريت تسجيل باناسونيك قبل كدة مكتوب علية بارز على البلاستيك made in jaban وطلع صينى

فعاوز مكان مضمون رنا يكرمكم
وياريت لو حد يعرف رينج السعر بتاعها كام؟؟

في العتبة
هناك منطقة فيها محلات متخصصة في بيع مستلزمات الحلاقين فقط، أنا مش هاعرف أوصفها لك أوي لأني مش قاهري، لكن هي في المنطقة اللي فيها محلات العجل ومشايات الأطفال ، أنا اشتريتها من هناك قبل كده ، لف كتير واسأل عند الجميع، وقارن بنفسك، وما يغركش المحلات الكبيرة، باكرر هات من المحلات المتخصصة في لوازم الحلاقين وليس من محلات الأجهزة الكهربائية.

رأئ خاص بيا لو عاوز تشتري حاجة مضمونة يعني لو صيني حتبقي صيني ولو الماني حتبقي الماني خليك في كارفور وريح دماغك او سبينس

فيه موديلين موديل في كارتونة بيضة مستطيلة وموديل في كارتونة صغيرة

تقريبا اللي في كارتونة بيضا اغلى ومكتوب عليها ياباني واللي في كارتونة صغيرة ارخص شوية ومكتوب عليها الماني

انا نفسي اجبها واحلق لنفسي :)

الواحد زهق من موضوع الحلاق ده

المشاركة الأصلية كتبت بواسطة MRBEBO

فيه موديلين موديل في كارتونة بيضة مستطيلة وموديل في كارتونة صغيرة

تقريبا اللي في كارتونة بيضا اغلى ومكتوب عليها ياباني واللي في كارتونة صغيرة ارخص شوية ومكتوب عليها الماني

انا نفسي اجبها واحلق لنفسي :)

الواحد زهق من موضوع الحلاق ده

+1111111
أنا من ساعة ما جبتها في 2009 ما رحتش للحلاق!!!!! مشوار الحلاق ده كان مشوار غلس قوي و ممل

المشاركة الأصلية كتبت بواسطة wael17

+1111111
أنا من ساعة ما جبتها في 2009 ما رحتش للحلاق!!!!! مشوار الحلاق ده كان مشوار غلس قوي و ممل

يا باشا انا نفسي اعمل الخطوة دي بس قلقان اني ابوظ شعري

وغلطة زي كده عاوزلها اسبوعين على الاقل علشان تبقى مش باينة قوي

فقولنا خبرتك بتحلق ازاي وهل بنفسك ولا حد بيساعدك ؟ هل الموضوع بيطلع مظبوط ولا فيه ملاحظات ؟

والمكنة اللي حاطط صورتها دي اللي هي الموديل الالماني اللي شوفتها في العبوة الصغيرة

المشاركة الأصلية كتبت بواسطة MRBEBO

يا باشا انا نفسي اعمل الخطوة دي بس قلقان اني ابوظ شعري

وغلطة زي كده عاوزلها اسبوعين على الاقل علشان تبقى مش باينة قوي

فقولنا خبرتك بتحلق ازاي وهل بنفسك ولا حد بيساعدك ؟ هل الموضوع بيطلع مظبوط ولا فيه ملاحظات ؟

والمكنة اللي حاطط صورتها دي اللي هي الموديل الالماني اللي شوفتها في العبوة الصغيرة

تبوظ شعرك؟ بس دي للناس الي ماعندهاش شعر
أنا باهزر طبعا
المكنة دي بتجيبها و فيها مشط بتتحكم في طوله و لو شلت المشت خالص هاتبقي نص او واحد

طبعا لو شعرك طويل شوية و عايز تجيبها عشان تقصر الجوانب يبقي انصحك بلاش لانك ممكن تبوظ الدنيا

لكن لو زي حالاتي كده وشعرك بيخف من النص (داخل علي صلع) يبقي ممكن تيجيبها و تحط المشط علي اقصر حاجة و تقص كله علي واحد او اتنين زي ما انت عايز .كده كده انا بقالي كم سنة لما كنت باروح للحلاق باخليه يعمل شعري بالمكنة و ده السبب اللي خلاني اشتريها
...المشكلة الوحيدة الجزأ الخلفي مش بتبقي مالكه كويس و مفيش حاجة هاتبوظ...بس ممكن حتة صغيرة تبقي مش مقصوصة كويس و شكلها محتلف عن الي حواليها...عايزة تتعمل كويس بالمكنة...في الأول كنت باخلي زوجتي تساعدني بس بعد شوية اتعودت اعملها لوحدي و باستخدم مراية صغيرة و اعكسها مع مراية الحمام
و بعد كده باشيل المشط و اروح عامل دقني بيخليها يادوب خضرا...يعني من 2009 انا ما روحتش للحلاق و ما اشترتش مكن حلاقة للدقن كمان...فعلا المكنة دي عملية جدا و مش بتحتاج تغير امواس لانها بتشتغل باسلوب المقص مش الموس