الموضوع: حقيقة اللى حصل أمبارح فى ميدان التحرير - شاهد عيان ومشاهد من الميدان

اولا يا باشا اوضحلك حاجه . ان الجيش لا يتبع نظام ولا شخص و الجيش المصرى بالذات اكتر جيش فى العالم عنده عقيده و انتماء لوطنه و دى معروفه و عقيدته الاولى الشعب و الشرعيه الدستوريه و امن الوطن خارجى و داخلى و لو سألت اى ضابط جيش هيقولك حمايه الشرعيه الدستوريه و دى حافظها اكتر من اسمه انما عمره ما هيكون تابه لشخص
ثانيا اجمل حاجه فى الثوره دى ان ملهاش قياده لأن لو ليها مجلس قياده ثوره هتبووووظ
و اللى حصل فى ثوره ٥٢ اه كان فى اصلاحات كتيره جدا و تأميم و دى اكتر ايام اصلاحات فى تاريخ مصر و كانت سريعه بسبب وجود مجلس لقياده ثوره بس نفس المجلس كان سبب مشاكل كتيره جدا و اسأل اى حد من اجدادنا اللى حضروها و كلمه السر حكومه العسكر
و دا اللى المجلس الاعلى بيحاول يتجنبو نهائى و اللى للأسف الناس اللى نفسها فى حريقه و تولع بفضلو يشككو فى المجلس و يعملو مقارنات بين الثوره دى و ثوره ٥٢ علشان الناس تهيج على الجيش و تلاقى فى كل برنامج يجيبو ناشط سياسى و يسألوه هل فى خوف ان مصر تتحول الى حكومه عسكريه يحكمها ضباط الجيش؟ و طبعا الناشط السياسى ناشط بقا و متعود على الاعتراض لمجرد الاعتراض و يسمع الكلمتين دول يسخن و يسخن الناس على الجيش مع ان الجيش نفسه يسيب الشارع النهارده قبل بكره لأن اللى الناس متعرفهوش ان رجاله الجيش بيعرفو يعيشو فى الصحراء احسن من الاسفلت و لما بيخرجو من الصحراء بيبقا زى السمكه اللى خرجت من الميه
و كل مهمه الجيش دلوقتى توصيل مصر لبر الامان لحد مايتعين ريس و يتعمل برلمان بأقل الخساير و عمره ماهيمنع الخساير كلها .. ماتطلبش تغير فساد ٣٠ سنه فى ٣٠ يوم
و كله يفتكر (ليبيا.اسرائيل.امريكا.السود ان و حلايب.احزاب بتجهز نفسها للرياسه.عدم وجود شرطه.انفلات امنى )
بصراحه كل ده عبء كتير على الجيش
و لو قلنا حتى ان الجيش من النظام السابق ممكن ارد و اقول طب لو حضرتك مثلا بتشتغل كاذا يبقا ده من النظام السابق و نعيد النظر مع اعتبار ان ده مش هيبقا على حضرتك بس لا هيبقا على ٨٥ مليون واحد (ماهما كلهم من النظام السابق)
اسف على التمثيل بس ده علشان اوصل لحضرتك الفكره
تقبل تحياتى

المشاركة الأصلية كتبت بواسطة wawoo

يعنى الناس تحتفل كدة و تبقى فى حلها اهلا بيهم انما تطالب بمطالب محددة و تعترض حتى تنفيذها يبقى بنشل الدنيا و الموضوع بقى اوفر ..اية المنطق دة

لمعلوماتك المجموعة اللى كانت عاوزة تعتصم فى الميدان كانت حتعتصم فى جزء صغيرفى حديقة فى الميدان ..و مهما كان حيعملو اية دة لا يبرر استخدام الشرطة العسكرية للقوة فى التعامل مع المعتصمين باى حال من الاحول ..

مافيش حاجة اسمها استخدم القوة ضد افراد عزل من السلاح ..البلطجة لمجرد انة بيحمل سلاح وانا لا دة غير مقبول باى شكل من الاشكال هذا التعامل ..احنا عملنا ثورة كاملة عشان نتخلص من هذا الاسلوب الهمجى فى التعامل

يبقى نتعامل باحترام او الحل الاخر ان الجيش يتنحى هو كمان بقى لو بيفكر يتعامل بنفس منطق امن الدولة السابق

كفاية خنوع و زل بقى من اى حد مهما كان داخلية ,امن دولة , شرطة عسكرية او غيرهم مش حنتعامل بالطريقة الهمجية دى تانى

و لازم كل افراد الشرطة العسكرية يفهمو كدة و فكرة البلطجة بااستخدام السلاح دة غير مقبول على اى مستوى

وليه حضرتك بتطالب بالأحترام ومش عايز تطالب المتظاهرين بأحترام حظر التجوال
والناس اللى مشيت بدرى معتبرهم خانوا القضيه ولا ضد الثوره
مش علشان الجيش بيطبق حظر التجوال بمنتهى الحنيه يبقى نسوق فيها

المشاركة الأصلية كتبت بواسطة dr ahmed

مش فيه حظر تجوال بعد 12 مساءا؟
أنا مش مندهش إن الجيش يطبق الحظر ولو كانوا يقصدوا التنكيل بالمتظاهرين كانوا ضربوهم الصبح أو مسمحوش بالتظاهر من الأساس
كنت أفضل إن المتظاهرين ينفضوا الساعة 12 بالذوق ويتجمعوا تانى تانى يوم لو عايزين

يا ريت الناس تفهم

المشاركة الأصلية كتبت بواسطة wawoo

بالفعل كان فى محولات الصبح امس لتفريق المتظاهرين من الميدان و حدث بعض الاحتكاكات بالخصوص دة بالفعل ..لكن حصل التراجع من الجيش بسبب عدد الناس اللى كان كبير وغير متوقع و لا يوجد موضع لقدم بعد كدة

انا مش فاهم الجيش عاوز يعمل اية بالضبط ..بس اللى حصل دة تفسيرة انها محاولة لجس النبض لقوة الثورة و اصرار المتظاهرين و مدى قدرتهم على التصدى لاى محولات تهديد بالقوة ..

و جس النبض دة فى حد ذاتة معنى ان فى قوى متربصة بالثورة وعاوز تستغل اى ضعف يحصل الان و دة توجة مقلق جدا فى حدا ذاتة

بدليل أن الجيش كان بينظم الدخول وجايب ضباط أناث لتفتيش السيدات
هو الجيش عايز يجس النبض برضه طب ليه
ما يسيبهم عادى وبعد الساعه 12 يقبض عليهم ومحدش فى البلد يقدر يقول أنه غلطان
يعنى تقصد القوى المتربصه من الجيش

سؤال : هو حضرتك شفت بنفسك اللى حصل ولا سمعت
وكلامك عكس كاتب المقال ليه
أرجو الأجابه

المشاركة الأصلية كتبت بواسطة wawoo

مهو انا مقدرش اتهم الجيش مباشرة انة هو القوة دى .. مهو ممكن جدا يكون فى عناصر داخل الجيش مناصرة لقوى اخرى لوجود مصالح مشتركة ما و للتستر على حاجات داخل الجيش ايضا...

مهو الجيش دة زية زى الحكومة و النظام السابق و لا احد يستبعد بشكل مطلقة انة مافيش حالات فساد داخل الجيش نفسة !!!

الموقف مش واضح و مؤسسة الجيش اساسا مش مؤسسة معلومتها متداولة بشكل علنى فى الصحافة والاعلام ..و لا يعمل الكثيرين ماذا يحدث بالفعل داخل الجيش

دى مش محاولة للتشكيك فى نزاهة الجيش او كدة ..لكن فى فترة الثورة دى و فى اتجاهة عام لمحاربة الفساد والفاسدين ..ممكن تتوقع اى حاجة

معلش كلامك ده مش منطقى
لو عندك دليل قوله , لو أنت ضابط جيش وشايف كده يبقى توضحه
لكن كلام فى الهوا وخلاص ده أسمه تهريج غير مسئول
وأنا بعتبر حضرتك بتثير الفتنه بين الشعب والجيش لغاية ما تجيب أثبات لكلامك

استاذ عادل بعد اذنك الكلام بالراحه دا كله وجهات نظر و افكار شخصيه الله اعلم ممكن كل ألكلام اللى بنتكلم فيه غلط
و زى ماحضرتك قلت بعد الساعه ١٢ الصح الصح لو حد ماشى فى الشارع المفروض يتقبض عليه و محدش يقدر يغلط الجيش فى كده لكن الجيش بيتعامل بهواده جدا و مش مجبر على كده لو ربطنا الموضوع ده بموضوع ان الجيش بيستخدم القوه يبقا اى حد ممكن يفهم ان الغلط ممكن يكون من اى حد غير الجيش و الا كان زمانه قبض على اى حد بعد الساعه ١٢ و ده حقه
بس اقولك ... لو الجيش نفذ حظر التجول صح الناس هتكره الجيش و هيقولو (السعب يريد اسقاط الجيش)(الشعب و الشعب ايد واحده)
واللهى حرام ده دلوقتى مثلا لو واحد وااقف لابس ابيض و اتخانق مثلا مع حد فى ميدان التحرير لأى سبب عادى جدا هيقولو الحق دا الدكاتره ضد الثوره و بيضربو فيها و هكذا و هكذا

طب تقولك على حاجه ... واللهى العظيم لو ده حصل حتى الناس مش هيعبهم برضه
اللواء مختار الملا فى العاشره مساء قال ان حكومه احمد شفيق مش هتكمل للأنتخابات مش لازم يعنى نصحا بكره نلاقى كله اتغير .... و ياريت كل واحد يعد الانجازات اللى تمت فى الثوره دى و كان دور الجيش فيها ايه مع حساب الزمن و متنسوش المشكلات اللى قلت عليها و الجو اللى كانت فيه القوات المسلحه