الموضوع: اتحداكم انكم تقولولى على شخصية واحدة فى البلد تتفقوا عليها

المشاركة الأصلية كتبت بواسطة col. Eng. Khaled

يا جماعة الخير أرجوكم و بدون إساءة فهم ، يبقى مطلوب كمان كل واحد مننا يقدّر ليه المصنعيات في السوق على وشك

الزيادة للضعف ما لم تزد فعلا من البعض ، كلٌ حسب تضرره من الوضع الحالي فمضطر يرفع المصنعية لتعويض قِلّة الطلب .

حبيت أوضح شيء عايشه يوميا و شايفه بيحصل بقاله كام يوم .

الحرية والكرامة ثمنها اغلى بكثير من زيادة المصنعيات
الانسان اللي عايز الحرية والكرامة ممكن يتغذى على عيش حاف لشهور ولا يرجع لحياة الاستعباد والذل

أظن الشخصية اللى الناس كلها متفقة عليها وعليها اجماع بنسبة 80 %

كمال الجنزورى

اظن الناس ممكن تختاره وهما متطمنين لانه مش هيجيب حرامى او واحد عليه شبهه ويعملوا وزير

ولا انتوا رأيكم ايه

المشاركة الأصلية كتبت بواسطة sharky

مين قال كده
واضح ان حضرتك ماسمعتش البيان رقم 1

دا نص البيان

"انطلاقا من مسئولية القوات المسلحة والتزاما بحماية الشعب ورعاية مصالحه وأمنه، وحرصا على سلامة الوطن والمواطنين ومكتسبات شعب مصر العظيم وممتلكاته، وتأكيدا وتأييدا لمطالب الشعب المشروعة.. انعقد اليوم الخميس الموافق العاشر من فبراير 2011 المجلس الأعلى للقوات المسلحة لبحث تطورات الموقف حتى تاريخه.

المصدر : بيان رقم 1 للقوات المسلحة - 100fm6.com

يعنى مافيهوش اى سيرة عن ترك مبارك للسلطة !

حضرتك ما سمعتش بيان عمر سليمان اللى قال ان مبارك نقل السطة للجيش
يعنى مش الشعب اللى طلب كده !!
المتظاهرين فى التحرير لحد خطاب عمر سليمان ماكنش بينادى ان الجيش هو الى يمسك السلطة اصلا :)

لا حضرتك يبقى مفهمتش البيان
اولا المجلس انعقد بدون رئيسه اللي هو حسني مبارك ......... 1
ثانيا البيان ينص على وتأكيدا وتأييدا لمطالب الشعب المشروعة
والمطالب كانت تنحي الرئيس والجيش يعترف انها مشروعة ............2
عايز توضيح اكثر من كده ايه
وعلى فكرة الكلام ده اكدو قادة المجلس الرئاسي في العاشرة مساءا على قناة دريم من كام يوم
خلاصته
ان الجيش ايد ثورة الشعب وايد طلباته في تنحي مبارك وبذلك اكتسب الشرعية فلا يمكن ان تقارنه باي شخص عينه مبارك وكان يسخر من المظاهرات
فاهم الفرق ؟!!

اضف الى ذلك

مطالبة الشعب بنزول الجيش
واحد اثنين الجيش المصري فين

المشاركة الأصلية كتبت بواسطة sharky

ثم انا نفسى اسأل سؤال ايه المغزى من تغيير حكومة مؤقتة ماشية بعد 6 شهور اصلا يعنى حتى لو اتغيرت اللى جاى مش حيلحق يعمل حاجة :)

يعنى المتظاهرين قافشين على حاجة مش حتفيد البلد اصلا

عشان
محدش يقبل ان ناس فاسدين يبقوا موجودين فى حكومتهم
احنا عاملين ثورة للتغيير للافضل والقضاء على الفساد مينفعش نصبر عليهم كنا صبرنا على مبارك