لو انت مدير و معاك شوية عمال " فاهمين الشغل " " غير امناء "
تعمل اية
1 - ترفدهم كلهم
2 - تحاول تعمل تقويم للى ممكن يتقوم و توفر الجهد و الوقت و المال
3 - تسيبهم و تكبر دماغة
الاجابة مش ارقام و بس
و يا ريت تكون ارقام و شرح وجهة النظر
عرض للطباعة
لو انت مدير و معاك شوية عمال " فاهمين الشغل " " غير امناء "
تعمل اية
1 - ترفدهم كلهم
2 - تحاول تعمل تقويم للى ممكن يتقوم و توفر الجهد و الوقت و المال
3 - تسيبهم و تكبر دماغة
الاجابة مش ارقام و بس
و يا ريت تكون ارقام و شرح وجهة النظر
اولا لو انا مدير ومسئول وسمحت انه يكون في القسم بتاعي موظفين غير أمناء يبقى انا السبب ولي يد معاهم
لو انا مثلا كنت جديد واجبرت على الموظفين دول هحاول في الاول اقوم الناس دي ولفترة صغيرة جدا ومن ثم أقوم برفع تقرير كامل للادارة العليا عن الاشخاص اللذين لم يتم تقويمهم
الله يباركلك يا ابو صلاح
عين العقل و الله
هرفدهم واحد بعد التاني...
عن تجربة...طالما وصلت لقناعة ان اللي بيشتغل معايا غير صادق او غير امين...يبقى بقاؤه خسااارة فادحة للشغل
مهما كان فاهم الشغل...
وبالنسبة اذا كانوا مجموعة ...يبقى على مراحل...
شوف يا فندم انا لو كله غير امين كله مينفعش ارفد كله مرة واحدة الدنيا تقع مش كدة ولا اية
احنا نشوف اكترهم قله امانة ونرفدة ويبقى عبرة وف نفس الوقت نقوم الناس الباقيه
بس يبقى هنا سؤال مهم جداً بحكم شغلى (موارد بشرية) لما نلاقي كلهم مجمعين على عدم الامانة يبقى في سبب تاني غير انه اصلا مش امين بمعنى بنسبة 90% مرتبة اقل من جهدة مش هقول قليل وبس لا بيتعب ومش بيلاقي مقابل ولو صلحنا دي هيتصلح ناس كتير لوحدهم بس لازم في اول المشكلة لانه لو اخد على كدة غالبا هيبقى يلا السلامة
بيبني وبينك(ساعات بتبقى عارف ان واحد بيسرق وتسيبة لانه بيكسبك اكتر بكتير من سرقتة وجه نظر يعني تقدر تقول عليها علمانية بس هي عملية)
انا بردو مسؤل فى الشركة عندى عن فرع القاهرة وانا شايف ان زى ما فى وحش فى كتير حلو همشيهم طبعا وهجيب الحلو اللى هيموت وياخد الفرصة
وامبارح كنت بقول لوحد صحبى نفس المثل
هو كان بيقول ان حسنى ملوش زنب قلتلو انا هبسطهالك
لو انت مدير فى شركة وجيه حد تحتيك سرق وانت عرفت وكبرت دمغك يبقى انت كمان حرامى ولا لاء قالى اه قلتلو ولو جيه واحد تانى سؤق وانت برو كبرت دماغك يبقى انت حرامى ولا لاء قالى اه قلتلو نفس الموضوع على حسنى مبارك لآن مصر مش ملكو هو شغال فيها فا هو كمان حرامى ومزنب زنب كبيييير
فيه حاجة اهم كمان انى حراقبهم واشوف هو الكلام اللى اتقال فعلا عليهم حقيقة ولا لا علشان اتأكد وبعدين احاول اغير فيهم مع المراقبة
لان الفساد مش مجرد واحد فاسد ده واحد جاتله الفرصة انه يكون فاسد فى منظومة فاسدة واستغلها كويس
الفاسد نفسه لو اتوجد فى منظومة عليها رقابة محكمة لمراقبة الفساد مش حيعرف يعمل الغلط لانه حيخاف
الفاسد بيبقى اجبن من انه يعمل الغلط فى العلن او يكون اللى حواليه مش فاسدين زيه
علشان كده الفاسد بيحاول يدور على فرصة انه يخلى اللى حواليه كله كده والمنظومة كلها كده علشان محدش يبلغ عنه
انت بالظبط بتقارن بين خسارة حاليا وابدأ بعدها عالطول
ولا خسارة مفتوحة لا تعلم مقدارها والى اين ستأخذني وفي اي وقت ستنتهي
انا طبعا بفضل اني اهد دلوقتي وابدأ من جديد لأن مش هجازف بشئ فيه احتمال اني افضل واقف مكاني مادام في ايدي اني ابدأ دلوقتي
تصرفي اني هطعمهم بناس امناء يبدتدوا يتعلموا الشغل شوية شوية و بدون ما يحسوا
و بعدين يجي الحساب و اللي هيكون عسير
تباً لمؤسسة تستمد استمرارها من اشخاص لا يعرفون الامانة
لو فيه شرف عند القيادة العليا يبقى تكنس كل غير الامناء مرة واحدة ونهائية وتكوين مؤسسة جديدة ونظيفة
العملية مش صعبه بس مش عارف مين حاطط في فكرنا ان الدنيا هتقع لو شفيق وحكومته مشيو
على اي اساس مش فاهم
ما الحكومات في كل الدول بتتغير وحتى شفيق جاي بعد تغيير نظيف ومحصلش حاجة
شوف يا سيدى بما أنى مدير عمليات أجمع تحت إدارتى الإنتاج و الجودة والإمدادات والصيانة فأذكر لك عندما قابلتنى هذه المشكلة ماذا فعلت:
1- مفيش مال بيتسرق الا اذا كان سايب - وبالتالى الرقابة وتشديد الإجراءات الإدارية والامنية والمساءلات وتضييق الخناق حتى تصبح السرقة أو عدم الاخلاص فى العمل أمر صعب للغاية إتيانه . وجود الضوابط ومراجعة هذه الضوابط كفيل بحل هذه المشكلة.
2- دا ئما أى مجموعة لها كبير ومحرض و أكبر راس لابد تجنيبه (نقله أو رفده) وذلك سيؤدى الى بث الرعب فى نفوس الأخرين
3- محاولة تقويم المجموعة واستخدام الوازع الدينى فى ذلك
4- محاولة رفع الراتب أو الحافز لهم أو عمل تقييم عادل لأدائهم وتطبيق مبدأ الثواب والعقاب عديهم.
سأحكى لك عن أحد الأشياء التى تم ايقاف سوء استغلالها فى إدارتى : فقد كان بعض العاملين بإدارة الإنتاج يقومون باستهلاك كمية كبيرة من بعض أنواع العدد على خطوط الإنتاج ونما إلى علمى أن ذلك غير صحيح وأن بعض هذه العدد يتم سرقتها فما كان منى إلا أن طلبت تسليمى العدد المستهلكة فى مكتبى والشراء بناءا على عدد المستهلك الذى استلمته بنفسى . أتعلم كم انخفضت قيمة الإستهلاك ؟؟ لقد انخفضت إلى 25% من قيمتها قبل هذا الإجراء. هذا بعض من كل وأشياء أخرى كثيرة ولو تحب ترسل لى المشكلة على الخاص بالتفصيل أعتقد أننى قد أستطيع أن أرسل لك الحل إن شاء الله.
لو فيه البديل الفاهم والى يمكن فاهم اكترمنهم كمان همشيهم حالا
وهضرب لحضرتك مثل (معرفش خطر فى بالك ولا لأ )زى ما الناس بتطالب بان النظام الفاسد يمشى دلوقتى حالا وانا موافق على ده ومش هيحصل اى مشاكل - أن شاء الله -عشان البديل الموجود اكثر كفاءه بكتير من الحرامى الموجود
الموضوع مش محتاج خاص
هو بيفترض انك لو مكان المجلس العسكرى وعندك وزاره ورئيسها مشكوك فيهم
هتغيرهم بسرعه ولا هتحاول تكمل بيهم
بس نسى حاجه مهمه ان اكيد مصر فيها بدائل كثيرون وان الموضوع مختلف عن العماله واكيد فيهم كتير فاهمين احسن من الموجودين
وكمان ممكن تكون مرتباتهم اقل بكتير
وتقدر تحاسبهم وقت الغلط لانهم مش مسنودين ولا كلهم من عيله واحد وقرايب صاحب المصنع القديم
عملينا مش هقدر ارفدهم بس هحاول اشوف البديل وبعدين هترقعلهم واديهم بالبارطوش وهحسبهم علي القديم كلة زي الشرطة في الوقت الحالي شويه شوية نخلعهم من كل حاجة ونخلي تعاملهم كلة اعمال كتابية
4- أرفدهم كلهم فورااااااااااااا وبدون اى تاخير واجيب غيرهم فاهمين فى الشغل وأمناء
خصوصا ان دول خسارتهم اكبر بكتييييييييييييييير من مكسبهم
ومصر مش شركة خاصة عشان تقارن الوزراء بالمديرين
هاروح اقعد فى شرم الشيخ و اسيبهم يتخانقوا لغاية لما يخلصوا على بعض
فى موقف المجلس العسكرى وابقاءه على النظام حتى الان لازم نفقول كمان على فرق مهم
الحراميه مش ساكتين وبيحالوا باقصى قوتهم انهم يخلصوا منى (انا المفترض انى مديرهم ) ويلموا بعض ويرتبوا اوراقعم من جديد واى دقيقه باصبر عليهم فيها هى مكسب ليهم وخساره ليها
طبعا لو فى مقارنه بين (ناس معندهمش امانه وفاهمين الشغل) و (ناس عندهم امانه وعاوزين وقت علشان يفهمو الشغل)
من وجهة نظرى العامل الى معندوش امانه ده خطر جدا وللأسف اى شئ هو بيعمله فى رقبة مديره لأن هو طبعا المسئول أمام ربنا وده الاهم وطبعا امام صاحب الشركه
فالاول ياريت يبقى فى محاوله أن يتعمله تعديل للسلوك الخاطئ ده لأن قطع العيش برضو فيه ضرر كبير وبعد المحاوله دى لو أكتشفت ان ريما على عادتها القديمه فهو بقى الجانى على نفسه أنما لو أتغير صحيح يبقى انت كده كسبان فى كل الاحوال لأن طبعا انت غيرت سلوكه للأحسن وفى نفس الوقت مقطعتش عيشه وده طبعا ثوابه كبير
وتحياتى