الموضوع: الملاية ....... هي الحل !!!!!!!!

سؤال لابد أن نجيب عليه بكل صراحة:
هل المؤسسة العسكرية متؤاطة مع النظام السابق؟
لو الإجابة بـ (نعم):
إذا ماذا نتوقع وماذا نريد ... هل سندخل في صراع وتصادم مع الجيش، ونضيع البلد وتخرب على راس اللى فيها.
طيب لو الإجابة بــ (لا):
يبقى لماذا لا نثق في المؤسسة العسكرية ونتركها تحقق ما وعدت به. وها نحن نرى ما يحدث في ليبيا سلمها الله من كل سوء،

وهنا لابد من البحث عن أسلوب آخر للتعبير عن الآراء بدلا من التظاهرات وقف الحال ونزيف الخسارة الذي لم يتوقف منذ بداية الثورة المجيدة ، ولابد من التوقف عن الدعوات المستمرة للتظاهر مرة لمظاهرة مليونية ومرة لمظاهرة تريلونية !!!! أخاف أن يندس بيننا من أعد العدة ورتب أوراقه للنيل منا ومن بلدنا الحبيبة ومن وحدتنا وترابطنا، وعلى رأي المثل " نص الحبايب شمات".

لابد من البحث عن وسيلة أخرى تحفظ لنا ما حققناه وتجنبنا ما لا يحمد عقباه.

أنا أقترح :
إن كل واحد يجيب قطعة قماش بيضاء ( واللى معندوش يطلع ملاية السرير البيضاء) ويكتب عليها اللى هو عاوزه ويعلقها في البلكونة أو على سور السطوح في البيت اللى عايش فيه. أن شاء الله حتى لو أضطررنا الى تعليق يافتات على الصدور ونمشي بها في الشارع دون ملل أو كلل ، حتى سخر منا الناس، هذا أفضل من الصراع والعند الذي لا يعلم مداه إلا الله وحده.

تخيلوا معي هذا المشهد الجديد الذي لم يرى العالم له مثيل في الإحتجاج والتعبير عن الآراء . هذا المشهد سوف تراه المؤسسة العسكرية وكل صحف العالم والقنوات الفضائية وسيراه المليارات من البشر، لنثبت للعالم أن شعب متحضر وما زال ينبض بالتحضر والرقي، ثم نعود الى أعمالا ومصالحنا ، ونبدأ في علاج الأهم وهو فساد القاعدة ، وهي الخطوة الأصعب والأخطر، فيجب الا نخدع انفسنا بأن المشكلة كانت في قمة الهرم متمثلة في النظام ، والحقيقة التي يعلمها الجميع أن إصلاح وعلاج فساد الأخلاق والذمم في القاعدة قد يحتاج الى سنوات وسنوات طويلة. يجب ألا ننخدع في نشوة النصر ونظن أننا أصبحنا ملائكة تمشي على الأرض وأن الشيطان الوحيد بيننا قد رحل.

ملحوظة أخيرة:
العناد والإصرار على التحقيق الحرفي لكل المطالب ، ليس له تفسير عندي سوى عدم وجود ثقة بأنفسنا بأننا غير متأكدين أو عازمين على تكرار من قام به شبابنا العظيم ، وهو أمر خطير ، الفساد كالسرطان قد يهدأ بعض الوقت ثم يعود حين تتهيأ له الفرصة ، ويعود أبشع مما سبق .... يعني لابد أن نكون واثقون من أنفسنا بشكل أفضل ممن نحن عليه الآن. لإن عادوا عدنا... والآن دعونا نحافظ على بلدنا ، دعونا نرجع حضارتنا اللى ليس لها وجود الا في كتب التاريخ، دعونا نسترد مكانتا بين الأمم.


أعلم أن هذا الإقتراح قد يسخر منه البعض وقد لا يعجب البعض الآخر ، المهم ان نبحث عن أي وسيلة للتعبير عن الرأي من غير تعريض البلاد والعباد للضياع ، وبعده لا نكتشف إلا أننا قد صعدنا الى الهاوية.


لابد أن نحكم عقولنا فالفرصة ما زالت في أيدينا ولابد من الحفاظ عليها

المشاركة الأصلية كتبت بواسطة hobiko

على فكرة انا داخل اقول كويس ان احنا بندور على فكرة نوصل بيها صوتنا من غير مشاكل ولا وقف حال

ولا كنت حقول عملاء ولا خونة ولا اى حاجة من الكلام ده

لو حضرتك شفت مشاركات اعضاء كتير هتلاقى انهم بيهاجموا بطريقة عنيفة
وفيه مواضيع بيكتب فيها سب واتهامات بالسفاهة وقلة العقل

بس نقول الى لينا والى علينا

هى المظاهرة يوم الجمعة بتوقف حال البلد ازاى ؟؟؟؟!!!!!
معرفة الدول الخارجية ان فيه مظاهرات مستمرة فى بلد
هتضرب السياحة
السياحة مش مجرد قطاع
السياحة قطاع بيطلب
يعنى بيعمل طلب على النقل والاكل والملابس واماكن الترفيه وهكذا
وكل ما قطاع بينام
بينيم قطاع تانى
وكمان هيا جهد على قوات الامن

هى المظاهرة يوم الجمعة بتدمر اقتصاد البلد ازاى ؟؟؟؟!!!!

هى المظاهرة يوم الجمعة بتعرض البلاد للضياع ازاى ؟؟؟؟؟!!!!

انا اعرف ناس كتير ..... بتشتغل طول الأسبوع و تنزل المظاهرة يوم الجمعة و بعد كده تروح

ايه المشكلة فى ده

من اول الثورة و ناس كتير للأسف ..... محملة الثورة مسئولية وقف حال البلد

كأننا احنا الى قولنا للشرطة اضربونا و موتونا و بعد كدة انسحبوا

ده اللى لينا

ايه بقى اللى علينا و ده الأهم

لغة خطاب الثورة لازم يتغير .......

ماينفعش ندخل فى معارك تخسرنا جزء من الناس ...... اتفاق الناس و وحدتهم و رغبتهم فى الأصلاح و التغيير اللى بيأدى انهم ينزلوا الشارع ...... هو ده سلاحنا الوحيد

فى اختلافات كبيرة على شفيق ....... خلاص ماشى بلاش شفيق يمشى ..... فى سبيل وحدة الصف

بس اكيد مش حنلاقى اختلافات كبيرة على ممدوح مرعى ..... على ابو الغيط .... على صفوت الشريف ..... على زكريا عزمى ..... على حبيب العادلى ..... على جمال مبارك
ما هو ده اللى بنقوله
المشكلة ان شفيق دلوقت كانه سبب المشكلة الوحيد
وتلاقى ناس بتقول
اكيد تلاقيه سرق فى الطيران
طيب
معاك دليل قدمه
لا مفيش
بس هو اكيد سرق
مش كان شغال مع مبارك
طيب
ادى له فرصة
ابدا
الباقيين انا معاك انهم يتحاكموا


و اكيد اكتر مش حنلاقى اختلافات كبيرة على سرعة اجراء التحقيقات و محاسبة المتورطين فى موقعة الجمل .... فى ضرب المتظاهرين بالرصاص الحى ...... فى انسحاب الشرطة .....

ممكن مثلا تبقى الجمعة الجاية عنوانها اقالة نرعى و ابو الغيط و محاسبة بقيت الشلة الزبالة

ممكن يبقى عنوانها تطهير الداخلية ...... محاسبة القتلة و الجناة و الفاسدين

ممكن يبقى عنوانها بناء مصر و دعم الجيش فى مهمته الوطنية و هى محاربة الفساد و اصلاح البلد

لو الناس مختلفين على شفيق ....... بلاش نعمق الخلاف و نزود الشرخ

نقصقص ريشه ...... وهو كده كده ماشى

و بلاش موضوع البيات فى التحرير و الأعتصامات و الكلام ده

كفاية المظاهرات المليونية ايام الجمع ......

و بلاش بلاش بلاش نخاطر بعلاقتنا بالجيش
المشكلة دلوقت ان ممكن حد تيت يستغل المظاهرات فى ضرب العلاقة بالجيش
مدام نور القمر كتبت ان فيه عربية ملاكى نزل منها ناس لابسة زى جيش وضربوا المتظاهرين واتقبض عليهم
لو انت واقف فى الميدان بعيد وشفت واحد منهم بيضرب متظاهر
هتقول الجيش بيضرب
هتلاقى الميدان بقى معركة بين المتظاهرين وبين الجيش
مدام فيه تواصل بين الشعب وبين الجيش
ليه مش نستعمله للتعبير عن راينا دون ارهاق الجيش وتحميله باعباء كتير
تقبل تحياتى