تقيمى لسيراتو كوبيه 6 سرعات بعد 5000 كيلو

**keeero2020** · 29-03-2011 06:10 PM

بص هو صوت التزييق اللي ورا ده كان عندي في أكسنت قديمة و الميكانيكي بص على العفشة و قاللي انها زي الفل بس روح اغسلها في البنزينة بزيت و جاز .... و فعلا روحت بنزينة نضيفة و قلتله اغسلى العفشة بزيت و جاز لقيت الراجل بيقوللي : هي بتزيق ؟ d: فغالبا كدة دي حاجة معروفة يعني ،،، و فعلا غسلتها مبقتش تزيق تاني ،، جرب كدة يمكن المشكلة تتحل

**TAMERMEGAHED** · 30-03-2011 12:12 PM

ربنا يباركلك فيها ويديك خيرها ويكفيك شرها بس عايزين نعرف الى معاك ياباشا 6 سرعات ولا 4 وهل فيها مثبت سرعه ولا ايه وياترى فى ايه مشاكل قابلتك وفعلا لو رجع بيك الزمن هتشتريها ولا هتفكر فى حاجه تانيه

**Hossam_Zaky** · 06-04-2011 11:28 PM

معلش أنا كنت بس بمر في المنتدي عندكم و حبيت أقول ملاحظة بعيد عن الموضوع الأصلي
الأول مبروك العربية و ربنا يديك خيرها و يكفيك شرها
بالنسبة لغسيل العفشة أو الموتور بالجاز فده بيحل مشكلة التزييق في الحال لكن بعد فترة الكاوتشات و الجوانات بتاعة جلب المقصات أو حتي بتاعة خراطيم الموتور بتنشف و عمرها ينتهي لأن الكاوتش بيتفاعل كيميائيا مع الجاز و يفقد خواصه يخليه لين في البداية و بعد كده يتسبب في جفاف و تشقيق الكاوتشات علي المدي الطويل و الكلام ده عن تجربة من زمان مع عربية فيورا و 128 و حديثا أكدهولي صديق هاوي معاه مازدا 3 ( يعشق عربيته و بيصرف عليها بلا حدود ) و كمان عرفته من صديق أخر عنده مصنع بالعاشر من رمضان لتصنيع الكاوتشات و الأويل سيل للمعدات الهيدروليك