ما هى اقصه سرعه وصلت بها بسيارتك؟
الموضوع هدفه معرفه اقصى سرعه ممكن توصلها اى سياره..........وفين وصلت بالسياره بالسرعه دى واهل العربيه ثباتها نظامه ايه على اقصى سرعه
وانا هبدا
لانسر 2007 1600 سى سى اوتوماتيك 195 كم على طريق العين السخنه والثبات جيد جدا الى 180 تقريبا مع بعض التغيرات لعد 180
كورولا 2003 1300 سى سى اوتوماتيك 182 كم والثبات بعد 170 كان وحش جدا انما قبل السرعه دى مقبول وكان على طريق الساحل الشمالى
كورولا 2006 1600 سى سى اوتوماتيك 208 والثبات كان رائع لان السياره معدله الارتفاع عن الارض والكاوتش ومش انا اللى كنت سايق
باجيرو 2005 3800 سى سى اوتوماتيك 190 والثبات ممتاز جدا ماعدا على الملفات تشعر بميل السياره ودا على طريق الساحل الشمالى ايضا
فيرنا 1600 سى سى مانيوال 2007 190 والثبات كان .......كنت حاسس ان العربيه هتنقلب والحمد لله هدا السرعه مع ان العربيه معدله
بى ام دبليو 318 2000 سى سى موديل 2004 اوتو 210 وعربيه خرافه ما شاء الله فى الثبات وعفشه ملهاش حل وكان الكلام دا فى طريق الساحل
شيفروليه اوبترا 2007 1600 سى سى اوتو 185 والثبات كان وحش واقل من الكورورلا وفى مستوى النيو اكسنت تقريبا
ستروين c4 2005 1600 بانوراما اوتو 179 ودا اخرها وثباتها ممتاز بس عيبها مزودتش عن كدا مع ان المفروض الكتالوج والارقام المعلنه 188 وكان فى الساحل