مبدئيا ال iOS مستقر اكتر من الاندرويد حاليا
و ليه ابلكيشنز اكتر بكتير
و الهاردوير انضف بكتير غير مسكة التليفون نفسها
الايفون وشه و ضهره جورييلا جلاس .....
الجالاكسي وشه جوريلا جلاس و ضهره بلاستيك معمول تحت الكوبري .....
عرض للطباعة
طب هوا ولا الجالكسي 2
مفيش مقارنة اصلا يا باشا .... انا باتكلم عليه هو و الجالاكسي إس
كمال دخل الموضوع يبقي هاتشتري ايفون :-)
يا عمرو مش هاقولك غير كلمه واحدة بس عشان كمال بياخد نسبة من ايفون لدرجة ان مديرة في الشغل كتبلة يافطة ممنوع الكلام عن الايفون في الشغل :-)
مستخدمين الايفون بينزلو اندرويد على الايفون دلوقتي
يبقي انهي اوبريتنج سيستم اقوي
ده انت بتعمل سنكورنايز على حسابك على جي ميل لو الموبيال ضاع ولا راح في داهية واخد نسخة من الكونتاكت والايميل وكل حاجة
والابلكيشن بتاعت اندرويد اكتر بكتير
والهاردوير اقوى بكتير
يا راجل موبايل ب 4500 مفيهوش راديو
لازم اركبله اكسيسوري ب 300 ولا 400 عشان يكون في راديو
ايه الخنقة دي
ده الموبيالات الصيني ام 150 جنيه وخطين فيها راديو :-)
بتكلم عن الهاردوير مش راديو انترنت
والاي تونز هايعقدك في عيشتك :-)
والبلوتوث كارثة :-)
وبيسقط شبكة ولازم تركبله فريم عشان تقوي الشبكة
فريم ب 400 جنيه :-) بيسموه اسم عيب شوية مقدر اقوله لاتوقف :-)
واذا كان على ضهر الموبايل الجلاكسي فالبلاستيك بتاعه نضيف ومصقول جدا جدا لدرجة انك لو مسكته من غير جراب يتزحلق من ايدك لو عرقانة شوية
مش اجيب موبايل لو بطاريتة باظت معرفش اغيرها غير التوكيل شووف بكام بقى
وامشي بدبوس عشان اشيل السيم كارد
اجيب موبايل يشلني :-)
انا اللي كاتب الورقة أصلا :44:
مستخدمي ايفون مين يا حبيبي اللي بينزلوا اندرويد؟؟؟؟ دول قلة مندسة !!
و بعدين ده عالايفون ثري جي بس
و على فكرة iOS أقوى ميت مرة لانه مبني على UNIX مش LINUX زي الاندرويد
غير انه بيتم اختباره على عدد محدود من الاجهزة قبل اصداره (3 موديلات ايفون + موديلين تلاتة ايبود تاتش) و خلاص
مش ميغة و خمسميت جهاز زي اندرويد و صباح مشاكل عدم التوافق بين الهاردوير و السوفتوير اللي بتظهر
نفس الشئ موجود في ايفون من ايام عام الفيل
سوري هنا بقى دي أوت منك .... حاليا عدد الابلكيشنز للاندرويد لا يتجاوز الربع لنظيره في الايفون و دي نقطة تفوق الأيفون حاليا
لا طبعا ..... هاردوير ابل و البروسسور ال A4 و الضهر الجوريلا جلاس انضف ميت مرة من الجالاكسي البلاستيك !!
و الله مفيش حاجة كاملة .... و الراديو ده انا شخصيا ما باسمعوش و ناس كتير مش محتاجاه .... لو حابكة معاك اوي الراديو بلاها ايفون :)
اي تونز ابن حلال خالص بالذات الفيرجنز الجديدة انت بس بقالك سنين ما استعملتوش
و البلوتووث كارثة ليه؟ جيلبريك و نزل iBluenova مجانا و عيش حياتك
و مفيش تسقيط شبكة ولا حاجة الشبكة بتضعف ضعف بسيط ..... و ده العيب الوحيد
و العيب على فكرة اسمه مش قليل الادب اسمه Death Grip أو "قبضة أو مسكة الموت"
برضه مش في نضافة و لا مسكة ال gorilla glass ابدا ابدا ابدا .....
مش لازم ممكن تغيرها في بيتكم ..... مسمارين بيتفكوا و خلصت و فيه فيديوهات بالعبيط عاليوتيوب
و على فكرة فيه ناس بقالها 3 و 4 سنين معاها ايفونات و البطارية ما باظتش
عشان ابل == جودة عالية جدا و قيمة لفلوسك فعلا
و معلش انت بتشيل السيم كارد كام مرة من الموبايل؟؟؟؟؟ و ممكن اي دبوس ان شالله دبوس طرحة او دباسة او دبوس مكتب بيشيل السيم .......
يالهوي ..طب بالله عليكم حد يقولي اعمل ايه ..انا اتجننت
ده رد استاذ كريم منير ليا حول جالكسي اللي خلاني اغير وجهتي له اللي عدلت عنها بعد رد ا.احمد كمال
والوجهة غير معروفه عشان باقيلي ردين واشنق نفسي
اقتباس:
وعليكم السلام ورحمه الله
ليه ده حوار كبير قوي هاقولك بس زور موقع واحد
ce4arab.com
ده اكبر موقع كمبيوتر كفي في العالم العربي وخد جولة
لكن من وجهة نظري البسيطة
جالكسي اس ده اندرويد
وده نظام تشغيل عملته جوجل وسابته مفتوح المصدر يعن ياي حد يقدر يطور فيه
وكل شركة بتاخدة تطور فيه وتنزله في موبايلاتها
اس نازل ب اندرويد 2.2 عربي كمان
حجم فوق الرائع
شاشة كبيرة وماتتخيرش عن الاي فون في اللمس بدون مبالغة وده ميزتة الوحيدة
مالوش اي عيوب غير ان كاميرته من غير فلاش فقط
بس صورها واضحة جدا جدا
كل اللي بتحلم فيه في مبويال موجو وشاشة نقائها غريب
كمية برامج مرعبة في كذا ماركت
كمية جيمز وهيمة لو بتحبها
اللي يضحك بقي
ان مستعملين الايفون في امريكا بقو يعملو دبل بووت وينزلو اندرويد للاي فون عشان قرفو من الاوبريتنج سيتم الغبي ده
الجالاكسي الاس فيه هارد وير كتيرة مش موجودة في ايفون
زي تيونر راديو
اف ام تراسميتر
بلوتوث بيدعم نقل الملفات وكل حاجة
سنسورز للاضئة وحساس اضائة تحفة
سنسورز عشان تحدد الميل وكل حاجة في اتجاهات الموبايل
ادخل اكتب في جوجل
iphone4 vs galaxy s
واقرا واعرف بنفسك
إنه الأيفون... ان كنت زيك... ووالله واحد نصحنى نصيحة.. قالى اللى يشيل ايفون .. مش ممكن يشيل جهاز تانى.. ودا مع انى معايا 3gs