الموضوع: سؤال فني وعايز رأيكوا

الحرارة مازالت بتسخن وده مضايقني جدا جدا جدا

ياريت حد يساعدني اعمل ايه؟؟؟

نوع العربية؟
الموديل؟
معدل السخونة؟

شاهين 1600 سي سي 2006

معدل السخونه تقريبا من 97 ل100 من غير المكيف وازيد بالمكيف مع العلم ان سلكت الردياتير 3 مرات وتتضبط وترجع تاني تبوظ وفي ناس قالولي لازم اخد هوا خدت هوا تتضبط وترجع تاني لحد ما اتخنقت خلاص

يبقي الحل غير الردياتير بواحد نحاس الماني 3 ماسوره و انسي مشاكل الحراره للابد.
بس قبل ما تغيره شوف ضغط طلمبه الميه الاول و لو ما بتستعملش ميه خضره استعملها .
و شوف ساعه الحراره و هات واحده واطيه.
لو كل دا ما جابشنتيجه يبقي غير الردياتير بالمواصفات اللي كاتبهالك فوق

طيب انصحوني اشيل الثرموستات خالص اخلي الميكانيكي يشيلها ولا ايه؟؟؟


لان بجد موضوع الحرارة ده خانقني جدا

اشيلها ولا اخليه ينظفها ولا اغيرها خالص اساسا

انصحوني في اسرع وقت قبل الحر ما يشد اوي

بسرعه لو سمحت

وكمان عايز اعرف خطورة اني اشيل الثرموستات بتاع الكوعه؟؟؟

وايه وفائد وجوده؟؟؟

الكثير من الناس يشيرون الى تغيير الرادياتير الحديد بواحد نحاس, ده سمعته كتير لكن أنا مش مقتنع بيه لأن دورة تبريد أى سيارة مصممة لتبريد المحرك بشكل كافى.
لاحظ انو فى بعض الحالات من الطبيعى انو الحرارة تعلى قليلا :
- عند تشغيل التكييف, نظرا لأنه بيحمل على المحرك.
- عند السير بسرعة كبيرة لمدة طويلة ثم التوقف, نظرا لانهاك زيت المحرك.
- عند تشغيل الاضاءة ليلا, نظرا لأن الأمبير كثيرا ما يتأثر بكهرباء السيارة.

بالنسبة لثرموستات الكوع فهو مهم الى حد ما, خاصة فى البلاد الباردة, أما فى بلادنا الحارة فأهميته أقل, و لكن يظل ذو فائدة, ومهمته هى اغلاق دورة المياه و فتحها, و الهدف من ذلك هو :
- عند ادارة السيارة صباحا, يكون الفرق بين درجة حرارة المحرك بعد الدوران, و مياه التبريد كبيرا, و ده بيعمل حاجة اسمها "ضغط حرارى" على المحرك, الضغط ده بينهك المحرك, و عشان كده بنقفل دورة المياه لحد ما المياه توصل لدرجة حرارة مناسبة.
- لما بتمشى بسرعة كبيرة, بتقل درجة حرارة المياه نظرا لاستمرار التبريد بالهواء, فنضطر الى اغلاق دورة التبريد حتى لا تقل كفاءة المحرك.
- طبعا يساعد أيضا على سرعة تسخين المحرك صباحا.
غالبا بيعطل ثرموستات الكوع من المياه العادية (ميه الحنفية), لأنه بيصدى, و بيتسبب فى سخونة السيارة, و فى الحالة ديه الأفضل تغييره, لكن البعض بيشيلو لأنه ملوش أهمية كبيرة فى مصر.
لو الحرارة بتعلى لفترة قصيرة أو ليلا فقط, يبقى مفيش ضرر على المحرك و ده شىء طبيعى, أما لو الحرارة بتعلى لفترة كبيرة و ليلا و نهارا و سواء قدت بسرعة أو لا, فممكن تبص على دورة التبريد.
و لكن لا يفضل انك تشيل ثرموستات الكوع, و معتقدش انو السبب مادام انت محطتش مياه حنفية قبل كده.
ممكن تغير مياه التبريد لأنها المفروض تتغير كل سنة ده بالنسبة للمياه الخضرا, لأن عمرها الافتراضى سنة.
و ممكن أيضا تبص على الزيت, و حالته هل فقد لزوجته أم لا, ناقص و لا لا.