عاوزين نمنع احتكار طفايات بافاريا فى وحدات المرور
السلام عليكم و رحمة الله و بركاته
طبعا كلنا عندنا عربيات و فينا كتير أوى اللى عنده أكتر من عربية و كلنا بنفحص فى المرور, كل 3 سنين و بالتالى , كلنا بنتسأل عالطفاية ال1كجم بتاع الحريق اللى فى العربيات الملاكى, اللى سعرها كان 55 جنيه و آخر مرة فحصت من سنتين, بأت ب100 جنيه و هما فى الفحص ماشيين بمعدل فحص و فحص, يعنى اذا اشتريت طفاية الفحص ده, تعدى الفحص ده و اللى بعده, لكن اللى بعد بعده, بعد 6 سنين يعنى, تشترى واحدة جديدة, لحااااااااااااااد, مابقى عندنا فيه بتاع 7-8 طفايات فى البيت مش عارف أعمل بيهم ايه:_Alshmokh08[1]:.
يعنى لو بينفعوا فى الطبيخ, كنا طبخنا بيهم, بس للأسف ماينفعوش .
لأن المفروض, أن طفاية الحريق, حتى, لو مش نافعة لأن تاريخها انتهى أو لأنها استخدمت, أن اللى أنا هشترى منه طفاية جديدة, أنه ياخد القديمة -هو يصلحها و يملاها تانى- و يدينى واحدة جديدة و أنا أدفع الفرق.
و طبعا من غير المنطقى أن شركة معينة محددة و بدون أى داعى و لا أى لازمة و من غير مايكون على راسهم ريشة و لا حتى حته قطنة ولا أى حاجة, أنها تحتكر كوووووووووووووووووول أنواع طفايات الحريق فى كوووووووووووووووول أنواع المركبات اللى ماشية على أرض مصر و بالتالى بيبيعوا بالسعر اللى هما عاوزينه.
عشان كده, كنا عاوزين نعمل حملة و نوجه طلب للواء / محمود وجدى -وزير الداخلية- عشان يوقف احتكار بافاريا لكل طفايات الحريق و يسمح للشركات التانية, أنها تدخل و تصنع طفايات الحريق بتاع العربيات و بالتالى هيبقى فيه منافسة و بالتالى, هيبقى فيه, تخفيض فى السعر و جودة أفضل و مصانع جديدة هتتعمل و عمالة هتشتغل و ممكن كمان, نلاقى ناس مستودة طفايات حريق من بره.
بس, أنا مش عارف نعمل الحملة دى ازاى, يعنى نعملها على الفيس بوك و لا هنا فى المنتدى و لا ننزل التحرير و لا ازاى و بصراحة, أنا مابعرفش, أعمل جروب على الفيس بوك و كده, و كمان, أنا كنت سمعت, أن فيه صفحة لوزارة الداخلية على الفيس بوك و كمان ليها ايميل لتلقى الشكاوى و الاقتراحات و كده.
أنتوا ايه رأيكم, نعمل الموضوع ده ازاى و لا بلاش نعمله و خلينا مع بافاريا :00020140:؟؟؟؟
شكرا و جزاكم الله كل خير .