[youtube]http://www.youtube.com/watch?v=yxziuBBUA84[/youtube]
اقال وزير الداخلية مدير امن البحيرة (احنا اسيادهم)
عرض للطباعة
[youtube]http://www.youtube.com/watch?v=yxziuBBUA84[/youtube]
اقال وزير الداخلية مدير امن البحيرة (احنا اسيادهم)
الخبر ده اكيد؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
المصري اليوم لسه بعات لي رسالة علي الموبايل
انا دخلت علي موقع المصري اليوم مفيش اي حاجة تدل عااقالة ياباشا كل اللي موجود الفيديو بس والتعليق عليه.
عموما ياااااااااااااااااااااااه لو يطلع حقيقي فعلا هتبقي فرحة كبيرة
الخبر اكيد
وكان لازم ده يحصل علشان ده واحد غبى ومعملش احترام للكاميرا اللى بتصوره
ربنا يستر بقى من اللى زيه واذكياء ومبيتصوروش
أصدر اللواء محمود وجدي، وزير الداخلية، السبت، قرارًا بإقالة اللواء مجدي أبو قمر، مدير أمن البحيرة، من منصبه، وعين مكانه اللواء محمد صلاح الدين زايد، اعتبارًا من الأحد.
وجاء قرار «وجدي» بعد نشر المصري اليوم، السبت، فيديو لمدير الأمن السابق يقول فيه لعدد من مساعديه: «إحنا أسياد الناس.. واللي يمد إيده على سيده يضرب بالجزمة».
وتبلغ مدة مقطع الفيديو 3 دقائق و22 ثانية، لكن المتداول منه على نحو واسع عبر موقع فيسبوك مدته دقيقة واحدة و48 ثانية، ويظهر فيه اللواء مجدي أبو قمر وحوله عدد من قيادات ضباط المديرية، منهم اللواء محمد بدراوي، مدير المباحث، واللواء طارق هيكل، مفتش أمن الدولة بالبحيرة، في ساحة بنك القاهرة بدمنهور، ويبدو مدير الأمن محاولا بث الثقة والطمأنينة في نفوس ضباط وأفراد الشرطة الواقفين حوله، فيقول: «إحنا موجودين ورجالة، وبندافع عن المواقع بتاعتنا صح، وما فيش أي (..) يقدر يقرب منكم، وإحنا يد واحدة، وعمالين يطلعوا في إشاعات أن مساعدين الوزير يروحوا المحاكمة.. أنا بقى أمشى؟.. الكلام ده كله كذب، المقصود بيه يستولوا على البلد والسلطة، وأي شخص غلط لازم ييجي ويتعمل معه إجراء قانوني.. واللى يمد ايده على سيده لازم ينضرب بالجزمة».
ربنا يبارك في اللي صور ونقل الحدث علشان يفضحه
اسياد مين ؟
ده الشرطة بتاكل من دم الشعب ده من امين شرطة اقسم لي ان ضابط الشرطة بيأجر الكمين بالساعة
نقلا عن جريدة الدستور تم نقل مدير امن البحيرة صاحب الكليب غير المهذب وتعين بدلا منه اللواء محمد صلاح الدين وعند الاستفسار عن المكان الذي نقل اليه وهذا سؤال مشرو اجاب المجيب من الداخليه بانه تم نقاه وخلاص برده اللي في داء عمره مايبطلوا
بالقانون والعدل .... تمت اقالتة ...
مش بالدعوة لقتل كل الشرطيين اللى فى البلد فقط عشان فى قيادات قذرة بتعبر عنهم
ونحمد ربنا ان الجيش قدر يسيطر على الوضع امام مديرية الامن فى مظاهرة امس ومحدش ولع نار او حرق حاجة
السلام عليكم و رحمة الله و بركاته
أنا قلت من الأول أن الشئ ده ماينفعش يبقى مدير أمن, ده بالكتير أوى, يبقى مدير مراجيح مولد النبى !!!!
على موقع مصراوى ...تم نقله مش اقالته !!!!!!!!!!!!!!!!!!!!!!!!!مع ان المفروض تم اعتقاله وتعليمه الأدب.....
سبحانك اللهم وبحمدك ، أشهد أن لا إله إلا أنت أستغفرك وأتوب إليك
الخبر غير صحيح
لم يقال نقله وظيفه اداريه
المصدر : نشره اخبار مصر وبعض المواقع وحالا فى العاشره مساء بعد ما عرضوا الكليب بتاعه
هو فين الناس اللي كانت بتدافع امبارح عن الباشا المنقول
حبيبى محدش كان بيدافع عن الظابط
حتى بعد ماغير كلامة
انا واحد من الناس اللى معترضة على تفكير البعض ان حلال ذبح كل ظباط الشرطة اللى فى الشارع عشان فيهم روؤس فساد
دة تفكير سادى و متوحش وغير حضارى بالمرة .... أقرا التعليقات فى موضوع ضابط المعادى
حبيبي كان فيه ناس بتدافع عن الظابط وقالت احنا حطينا الجزء اللي يدينه بس واهملنا الجزء اللي يبرءه حتي لو كان الجزء ده اتقال بالذات بعد مالظابط اللي جنبه ( كلمه في ودنه ) ومش هجزم انه لفت نظر انه بيتصور لان اكيد التصوير كانه واضح مع اني ( متأكد انه لو كان عارف انه بيتصور مكنش قال اللفظ اللي قاله ومقولة الجزمة ) عموما حاجة بسيطة منعلقش عليها ( انه واخد باله انه بيتصور ولا لاء ).
وانا مقولتش اني عايز ازبح كل ظباط الشرطة ( واراهنك ان كل الشباب اللي هنا مش عايز كدة ) انما اقل واجب يتم ازالة العناصر اللي مفيش فيها شك انها تسوء لجهاز الشرطة ( لاننا مش هنقدر نعيش من غير شرطة بس برده لازم الاول يتطهر ويتنظف من الاشكال اللي تسيء ليه ).
واخر حاجة اراهنك ان وزير الداخلية اقاله بسسسسسسسس عشان الفيديو اتنشر واتذاع وكانت الاقالة نوعا من تهدئة الرأي العام انما لو مكنش الفيديو اتنشر مكنتش هتطلع منه كنوع من القناعة الشخصية انه لازم يقاوم الفئة اللي تسيء لجهاز الشرطة.
وبخصوص ظابط المعادي قاري كل التعليقات ومهما كانت التعليقات مش هتبقي بحجم الخطأ اللي ارتكبه الظابط انه يضرب نار عالسائق حتي لو السائق تعدي عليه والا هتبقي غابة اللي معاه سلاح هو الاقوي.
انا شايف ان دلوقتي بقي في Dead Lock
الشعب عمال يقول الشرطه مش بتنزل ليه
وفي نفس الوقت الشرطه اللي بتنزل بتتهزأ وتتشتم وفي اول فرصه بتتضرب
اختلف مع حضرتك . لان بتأكيد من افراد الشرطة نفسهم ان لما نزلو الشارع كان فيه ترحيب من الشارع بس بشرط ( نزول محترم وقناعة بتغيير فكر واسلوب تعامل مع الناس ).
-- انما هتنزلو بنفس الفكر والاسلوب ( واننا اسيادهم والضرب بالجزم ) يبقي مينزلوش احسن لان الشعب خلاص طفح الكيل عنده واي تصرف مهما كان بسيط من اي شخص لابس لبس شرطة هيكون رد الفعل عنيف جدا.
شكرا ياباشا لتأييدك.
ومن ضمن التعليقات قبل كدة ( انه بيكلم رجالته بعد حالة نفسية صعبة مرو بيها فكان لازم يشد حيلهم ويشجعهم ). فعلا لازم يخليهم يثقو بنفسهم بس مش لدرجة الكلام اللي قالو ( اننا اسيادهم......... والضرب بالجزم.......... وسيبكو من الكلام اللي بيتكتب............)
لان ببساطة دول سلاحه وهما اللي بيتعاملو مع الشعب فلما ياخدو كلام زي ده من مديرهم هيخرجو يعملو ايه فالناس وهما متأكدين ان رئيسهم واقف في دهرهم.
السلام عليكم و رحمة الله و بركاته
أنا كنت هكتب الرد ده بالظبط, بس لما لقيته مكتوب, قلت أعمل +111111111111111111
:b4_388::b4_388::b4_388::b4_388::b4_388:
ببساطة هو ده اللى الشعب عايزه, و أى حد مش شايف الحتة دى, يبقى يا اما بيستعبط, يا اما أعمى و مابيشوفش.
هى الشرطة, يا انا يبقوا بلطجية و يطيحوا فى الناس, يا اما يبقوا حريم و بطرح؟؟؟!!!!, يعنى كفيش حل وسط خااااااااااااااااالص .
حاجة غريبة أوى و الله العظيم, ايه القرف ده!!!!
على فكرة, حبيس العادلى, هتبدأ محاكمته 5-3-2011 الجاى .
ألف مبروك, و هنشوفه بقميص النوم الأبيض و الشبشب البلاستيك و هيتصور تصوييييييييييييييييييييير يا جدعااااااااااااااااان .
1) اقدر اقولك بكل ثقة ان اللى دافع كان عشان حالة الغليان فى الشارع ضد كل ماهو شرطى ... مكنش عايز يزود النار يعنى زيادة ... لأن كان خلاص الفيديو نزل وكان فى ناس اعرفهم شخصيا بيقولوا رايحيين نهد امن الدولة عليهم
بالذمة دة يرضى حد ... حتى لو مديرها زبالة ؟؟؟؟
2) بخصوص ظابط المعادى اكيد انت مقرتش التعليقات كلها كويس ... لأ دة معظم اللى ردوا قاللوا حلال فى الضابط القتل
ودى اهم نقطة يعنى اية حكم الشارع هو اللى يمشى؟؟؟؟؟ حتى لو كان الغلط راكبة من ساسة لراسة وقتل السواق متعمد ميبقاش الحكم لشريعة الغاب فى حاجة اسمها قانون ويتحاكم بالقانون
لكن شوف بقى حكم الشارع ادى الى اية ؟ بعد ماخلصوا علية اتلموا و حرقوا عربيات شرطة و راحو يحرقوا القسم لأ وكمان راحوا على البيت بتاعوا عشان يحرقوة بأمة والدتة يعنى اللى قاعدة فية .... شفت حكم الشارع
عرفت لية بنهدى ونقول ياجماعة مش كدة
بالطريقة دى اى حد يعور نفسة ويشاور على ضابط مش عاجبة والناس تتلم وتروح تقتلة
يبقى بيتى و بيتك ومصر كلها تحت حكم مييييييييييين = البلطجية و قانون الغاب
لازم يكون فى وقفة بالعقل
يعنى نطالب ذى مالثورة كلها طالبت (سلمية سلمية) ان يقال كذا وكذا و وزير كذا وتغير القيادات الامنية كلها ال 22
ونشوف حيحصل اية من رد من الحكومة ولو منفعش نكمل و نعتصم
لكن حكم الغابة دة ... لأ لأ لأ
مينفعش عشان حالة غليان فالشارع ( وبتأكيد هي هي صواب من ناحية الشرطة بسبب اللي طلع منهم ) يدخل ناس تدافع عنهم وبالذات علي فيديو يبين اد الاصرار عالاسلوب القديم المعروف عنهم
خلى بالك اللى دافع ... دافع على وجهة نظرة اللى شايفها من الفيديو لكن مش دفاع على اعمال الشرطة بصفة عامة ... لأ هم قاللوا اللى شايفينة ودة حقهم تعترض علية او تتفق معاة دة بناء على وجهة نظرك
انا معاك ان ده مينفعش بس احنا عرفنا واتاكدنا ان الحسني مبتنفعش ولازم المطالبة بتظاهر وثورة عشان اللي بيطلبه الشعب يتحقق . ولو مديرها زبالة يبقي يتشال اسهل ( انما الاصرار علي بقاء فاسدين لمصلحة مين ؟؟؟؟؟؟؟؟؟؟؟؟؟
ياباشا مفيش حد اصر على بقاء فاسدين دة كان بس تحليل فيديو... وخلاص رأى الاغلبية اتنفذ وهو نقل مدير الامن ...لكن هل انت تضمن ان كل مرة التظاهر يبقى سلمى وان محدش يخش (من عناصر امن الدولة) ويرمى مثلا ازازة مولوتوف لافساد البقية الباقية من الشرطة والشعب
لا حضرتك تابعت وقريت كل التعليقات وقولت ان حتي مهما كانت قسوة التعليقات ده برده ميديش الحق ليه انه يضرب نار علي السائق. بس الاهم من الفعل ورد الفعل ( لو انا ظابط شرطة وعارف ان الناس كرهاني لله في لله واليومين دل بزيدة يبقي اتلم بقي انما استفذ الناس زيادة ( فبعد كدة قابل بقي رد فعل رهييييييييييييييييب ضد اي تصرف ولو بسيط من اي شخص لابس لبس شرطة).
شوفت بقى انت حكمت على الموقف وكأنك كنت واقف فية مع ان كتيير على النت قالوا ان الموقف كالأتى:
سواق الميكروباص واقف فى نص الطريق بيحمل و وراة عربيتين الملاكى بتاعت الضابط و ملاكى تانى .. الضابط طلع من الشباك وقال بصوت عالى حمل على جنب (يابنى) --(طبعا كلمة عبيطة)-- المهم سواق الميكروباص شاف البارية (برنيطة) الضابط على التابلوة قام نازل ومذعق الزمن دة مش زمنكم ياباشا وفاتح سنجة او سيف على حسب الروايات ... نزل الضابط ومعاة الطبنجة وضرب فى الهوا الشواق مخفش وهجم على الضابط ومسك ماسورة المسدس ومع الشد والجذب انطلقت رصاصة فى كتف السواق وبعدين حصل اللى حصل
دى الرواية على حسب شاهد واقف والله اعلم صحيحة ولا لأ
يبقى فى كلتا الحالتين منقدرش نحكم لاننا محضرناش الموقف يبقى نترك القضية للقضاء يشوفها مش نصدر احكام بناء على النتائج بس.. لو عكسنا الموقف والضابط اتقتل والسواق عاش كنت تفتكر اية اللى ممكن يتكتب ؟؟؟
انا طبعا معاك في عدم قبول قانون الغابة بس لو عايز تنفذ قانون يتنفذ عالكل والقانون ميدلوش حق بضرب سائق بطبنجته ( هنقول يتمسك ويتحاكم ) من خبرات الشعب السابقة مع البلاغات ضد ظباط الشرطة وخصوصا مع الاوضاع الحالية محدش فيه دماغ لسسسسسسسسسة يعمل بلاغ ويشوف اللي هيحصل.
اديك انت قلت خبرات سابقة فى عصر بائد راح واذاى محدش فية دماااااغ يبقى انت لو اتخانقت مع سواق ومثلا انت عورتة فى وشة ...يبقى عشان محدش فية دماغ ياخد حقة بالقانون او يسلكم مثلا للقانون يفتح عليك مطوة مثلا ويموتك ؟؟؟ ساعتها حتقول اية ؟؟ حقة اصل انا اللى عورتة الأول !!طب افرض كان الحق معاك وانت دافعت عن نفسك بس رد فعلة طلع همجى تعمل اية ؟؟؟
شوفت انتا بقي زي ماقولتلك علي ابسط المشاكل ( اسبقية المرور ) وصلت لايه وحرق عربيته وعربيات شرطة وقسم شرطة ( تفتكر ده لو شخص عادي مدني او ظابط جيش كان هيبقي رد فعل الناس بالشكل ده ؟؟؟؟؟؟؟؟؟؟ اكيد لاء بس الناس في قلوبها معزة خاصة لجهاز الشرطة بزيادة اوي اليومين دول
هى دى الكارثة بجد ... ذى مافى وحشين فى كويسين محدش يقدر ينكر اننا محتاجين الشرطة تنزل تأمن تانى ...بس مش عشان الوحشيين كتير نقتل فى الكويسين اللى بيضحوا بحياتهم دلوقتى خلى بالك و واقفين فى الشارع .... المستفيد الوحيد من عدم الأمان هم سواقين الميكروباص صباحا و البلطجية مساء و اذيال النظام البائد مستقبلا من حالة الفوضى المنتشرة
مش هتوصل للدرجادي ان شاء الله لان الشعب المصري اثبت ان قادر عالتمييز. واراهنك ان لو كان السواق هو اللي غلطان والظابط نزل كلمه باحترام كان فيه ناس هتظهر تقف جنب الظابط انما رد الظابط اخدته العزة والجلالة والعظمة المتعود عليها قبل كدة وبالتالي شال من قلب اي حد نية للوقوف جنبه.
لو حنتكلم على موقف الضابط فأنا رديت على حضرتك فوق..انا عايز افهمك بس ان اة الشعب المصرى واع بس مش كلة
حتلاقى اى حد مستفيد من قتل شرطى مثلا دخل ورمى كلمة ولع الموقف ... صايع بلطجى .... والاهم عناصر امن الدولة السابقين و الحاليين و اذيال النظام القديم مستفدين جدا بحالة الفوضى عشان الناس تلعن اليوم اللى جت فى الثورة.
لحاجة اللي مبتخدهاش في وقتها بتتنسي ومتهيالي لو مكنتش الثورة استمرت لحد دلوقتي مكناش حصلنا علي اللي وصلناله لحد النهاردة.
فمتهيالي تغيير وزير داخلية او مديرين امن وقيادات شرطة مش محتاجة جداول زمنية ده نشرات تطلع وتتنفذ وقتي.
متفق معاك .... بس هل البدائل النظيفة متاحة وقتى كدة ؟؟
انت كدة بتتنفذ وقتى عايز تحل جهاز الشرطة كلة و تعيد بناؤة من جديد ... دة مش حياخد اقل من 6شهور عايشين من غير امن ..!! لية متبقاش تغيير المديرين بس وبعدين القيادات بشويش فى حركة التغيرات عشان نحافظ على وجود الامن فى الشارع ولو بنسبة بسيطة حتى لو كفائتهم ذفت ومعاملتهم اذفت بس كلها مرحلة وقتية فى وقت الحركة الشرطية
وانا ازود معاك لأ لأ لأ لأ لأ لأ لأ لأ بس نضفها الاول وبعد كدة نقول حكم الغابة لاء مينفعش نقولها وهي علي قديمها وبقيادتها القديمة اللي واخدة علي حكم الغابة وتفكيرهم ( انهم اسيادنا واننا نستاهل ضرب الجزم )
معاك بس احنا الشعب بنواجة
3 اعداء
الاول : البلطجية والهاربين من السجون وقطاع الطرق
التانى: اغلبية الشرطيين المعقدين نفسيا اللى عايزين يطلعوة على الشعب
التالت: بواقى النظام القديم و عناصر امن الدولة المستفيدة تماما و بتحاول بشتى الطرق نشر الفوضى فى الشوارع عشان الناس تدريجيا تقول ومالة النظام القديم على الاقل كنا منظمين و حلوين
يبقى بالعقل نحكم بالعقل نحافظ على القلة القليلة من الشرطة النضيفة اللى فى الشارع وناخد بالنا ان فى وسطينا ناس عايزة تولعها لاغراض اخرى
انا كمان مستمتع بالنقاش :))
حنهى بقصة قصيرة حصلت النهاردة:
مجموعة مسلحة كانت بتسرق محل وبتهرب وكان فى ضابط مرور واقف بنقولة مضربتش نار لية ومسكتهم ... قاللى تضمنلى ان محدش يقول اهو الضابط قتلوا والشارع كلة اللى مش شاهد الموقف ميجيش يتقلب عليا انا ؟؟؟؟؟؟؟؟؟؟؟؟؟؟
بصراحة مناقشتكم جذابة و جميلة و مفيدة جدا انا متفق تماما تماما مع رأي mr_vampire في كل كلمة قالها و متفق معاك انت كمان يا احمد شهدي بس هو ممكن يغير واحد فاسد متعجرف و معقد زي الاستاذ مدير الامن مش ينقله يبقي عملنا ايه هي هي نفس السياسة الزفت هتبقي في محافظة اخري انت اللي ممكن تعمله دلوقتي و ده رأيي انه يشيل الاشكال ديه تماما و يعزلها و يجي بقيادات نضيفة مكانهم و القيادة النضيفة لا تقبل بأي حال من الاحوال باصغر عسكري عندها انه يلوث سمعته اللي بناها في سنين
الله ينور عليك. ادي الحل ببساطة اهو. انما ليه الاصرار عالعناصر اللي تسيء لجهاز الشرطة.
ومتهيالي قرار تغيير قيادات شرطة انشالله تغيير كاااااااااااااااااااااااا ااااامل للجهاز من اوله لاخره مش محتاج وقت لانك مش هتستني لدفعات تتخرج لاء انتا هترقي ناس موجودة فعلا فالخدمة وتستأصل العناصر اللي تسيء للنظام.
ريحتني يا شهدي من الرد ومهما تفهم في الناس ان مش دفاع عن بتاع دمنهور ده توضيح لكيفية وضع معلومة بطريقة معينة مما يؤديلتكوين اراء في اتجاه محدد واخفاءباقي المعلومة او وجود معلومة تثير الغضب برغم كذبها زياشاعة ان شفيق منع استيراد قطع السيارات المستعملة يقولك لا انت بتدافع عن ظابط شرطة فاسد طيب ما تقراوا باقي المشاركات وكلها بتقول ان ايظابط فاسديمشي واللى ارتكب جريمة يتحاكم لكن لا يجوز التعميم يقولك لا بردو انت بتدافع
المهم ان القصة اللى حضرتك قلتها حصلت بالحرف في الجيزة لكن من كام يوم وظابط الشرطة تصرفه اتغير شوية هو اتحرك فعلا ناحية الحرامية لكن اول ما لمحوه ضربوا عليه بالنار فبعد عن المكان فورا قلت له ليه انا عارف انك مش جبان حلف الف يمين انه مش جبن وانه يقدر يصيبهم كل واحد طلقة في رجله ويقبض عليهم طيب ليه معملتش كدة كان رده ايه يضمن لي انى لو ضربتهم الناس في الشارع ماتجيش تقتلني او تحاول تقتلني وايه يضمن لي انى متحولش محاكمة عسكرية وقتها لو فلت من الموت وايه يضمن لي انى لو مت الناس متقولش عليا كنت بقتل مواطن برئ وسمعتي تتلوث بعد ما اموت وحتي المعاش ولادي يتحرموا منه
وعرضت المشكلة هنا في اكتر من موضوع علشان حد يقولي كان يتصرف ازاي ومفيش حد بيرد
اعذرني يا دكتور محمد طيب طالما هو خايف علي المعاش و السمعة اللي هتتلوث و خايف من انه يتضرب من الناس في الشارع و خايف من المحاكمة العسكرية و خايف من الموت و كل ده مش جبن طبعا بس خوف علي اللي قلناه ينزل لييييييييييييييييه ؟؟؟!!!! طالما مش هيقوم بدوره و يقعد يحكيلي علي الحاجات اللي خايف منها يتعب نفسه ليه و ينزل طيب ما نبعتله المرتب لغاية البيت طالما ديه الحاجة الوحيدة اللي نازل علشانها (انا بتكلم هنا عن حالة الضابط ده بس مش كل الضباط)
اصل انا شايف ان طالما الضابط مش هيقوم بدوره خوفا من القائمة السابقة يبقي نجيب اللي ميخافش علي المعاش و الحاجات التانية مع اني قريت اقتراحات فوق الممتازة هنا في الموضوع ده تخص انهم يتجمعوا مع بعض و اللي كان هيتعدي علي ضابط لوحده استحالة يتعدي علي 5 ضباط مع بعض و طبعا معاهم عساكر و امناء