استشارة عاجلة في تشطيب واجهة منزل .

**ehab** · 26-02-2011 08:27 PM

السلام عليكم و رحمة الله

دلوقتي احنا بنعمل الواجهة بتاعة البيت بتاعنا الواجهة الامامية الصنايعي الي شغال بيقول انه مش هيعمل طرطشة قبل المحارة لانه هيعمل طبقة اسمنت سمكها 10 سنتي و دا كافي

السؤال هل الكلام دا كدا مظبوط ؟
لان في واحد جارنا قال دا كدا لو جيت تدق اي حاجة في الواجهة هتلاقي المحارة بتقع علشن الطرطشة هي الي تخلي المحارة تمسك كويس ارجو الافادة العاجلة و شكرا .

**hugan** · 26-02-2011 08:38 PM

اولا انتوا هاتشطبو دهانات ولا طرطشه يعني بورده واسمنت ابيض واوكسييد لون حسب الطلب
لكن الطرطشه مهمه جدا لانها تعمل علي التصاق طبقه المحاره جيدا بالطوب لانها بتكون خشنه جدا وعباره عن بروزات ونتؤات غير متساويه
مما يعمل علي التصاق طبقه المحاره جيدا بالطوب
لكن لو تم عمل المحاره مباشره علي الطوب وارد جداا انها تفصل مع اي خبط او تكسير

وكلام جارك سليم
لكن كلام المبيض غير سليم لان سمك طبقه المحاره ووصولها الي 10 سم ضار جدا وبيحصل تنميل وتشققات بالواجهه

**mrghost** · 26-02-2011 09:12 PM

10 سم كتير اوى اوى وده غلط جدا جدا جدا مع الوقت هتقع بسهوله
والطرطشه دى شيى اساسى
نصيحه شوف صنايعى غير ده

**korkor** · 26-02-2011 09:20 PM

الطرطشه بند اساسى فى اعمال البياض كما ان سمك البياض الاعتيادى لا يزيد باى حال من الاحوال عن 5 سم , انصحك تشوف واحد تانى بتاع محاره

**ehab** · 26-02-2011 10:41 PM

الف شكر لكم كلكم لاهتمامكم

استاذ hugan

المفروض احنا هنعمل التشطيب حاجة اسمها جرافيتو من داري و هيكون تحتيها المحارة المفروض
لو حضرتك ليك رأي تفضل ممكن تنصحنا بيه

استاذ mostafa3000

معلش سؤال بس المفروض نرشها ايه لمدة 4 ايام ؟

استاذ mrghost
الف شكر لاهتمامك

استاذ korkor
الف شكر لاهتمامك

**mohamed2002** · 26-02-2011 10:47 PM

انا قبل ما اركب السيراميك في الحيطة السباك قالي لازم الحيطة يتعمل لها طرطشة عشان يمسك السيراميك وكلام جارك سليم بس غالبا الصنايعي بيستسهل
الا بكام طن الاسمنت؟

**Ralliart** · 26-02-2011 10:53 PM

ازاي يعني؟؟؟؟ 10 سم ده مبالغ فيه وكمان مفيش حاجة اسمها من غير طرطشة يعني كل الأسباب لوقوعها متوفرة

مش هيعرف أصلاً يعملها لأنها هتقع لوحدها قبل ما يخلصها

**tarekzein** · 26-02-2011 11:00 PM

أولا سمك البياض مبالغ فيه جدا

ولو ضرورى السمك ده لضبط الواجهه فى بعض الأماكن وليس كلها يبقى لازم يتم على مراحل أسمها تلبيش

ولازم يضاف مواد ربط للمونه مثل السيكا أو الأديبوند

طبعا الطرطشه شىء أساسى جدا

والطرطشه لازم تكون مثل المسامير على الواجهه (تقيله يعنى )

بعض الصنايعيه لما يلاقى أن المبانى الموجوده فى الواجهه عباره عن ضهر مبانى

بيستغل الفراغات اللى بتكون بين الطوب عشان ميعملش طبقة طرطشه

وده غلط

الطرطشه عباره عن طبقة ربط بين الطوب والمحاره

ووجودها ضرورى

نصيحه شوف صنايعى أو مقاول غيره

**tarekzein** · 26-02-2011 11:07 PM

آه يا أيهاب لو حابب

أنا ممكن آجى معاك وأعمل معاينه وأقولك على المفيد

وأستلملك من الصنايعى كمان

بس على شرط

مليش دعوه بأى أتفاقات ماليه بينك وبينه

وأنت اللى هاتجيب الصنايعى مش أنا

لو حابب أبعتلى عالخاص