بما انى مقر باهمية الشرطة و فى نفس الوقت بكرهم فقلت اقترح حاجة لجهاز الشرطة

1:فصل ادارات الشرطة عن بعض يعنى مثلا بتاع المرور ملوش دعوة بالجنائى و لكن ان لزم التعاون طبعا مشروع
2:ان سلك الشرطة يبقى وظيفة زى الى وظيفة باجازات و ان اللى يغلط يتحطلوا نقط سوداء فى ملفه و لو زاد عن الحد يترفد
3:كل محافظة لها قوة الشرطة الخاصة بيها و مافيش سلطة لشرطة محافظة على محافظة اخرى و يكون فيه قائد للشرطة فى كل محافظة يخضع للمحافظ (يا حبذا لو ينفع انتخاب المحافظ)
4:انشاء هيئة الشؤون الداخلية وظيفتها التحقيق فى تجاوزات الشرطة
5:الغاء الامن المركزى و تدريب بعض الفرق لتصبح وظيفة دائمة لهم (فرقة مكافحة الشغب-مكافحة الارهاب-العمليات الخاصة-الحراسات الخاصة)
6:انشاء جهاز اخر سموه زى ما تسموه يكون ليه سلطة على كافة افراد الشرطةاللى فى الجمهورية
7:جهاز امن الدولة لا يمكن الاستغناء عنه لكن لابد من حله و اعادة تكوينه من عناصر شريفة و وضع قيود على سلطاته
8:تدريس مادة حقوق الانسان فى كليه الشرطة
9:فحص نفسى اجبارى كل 6 اشهر


اى اقتراحات اخرى اكتبوها و يا ريت اقتراح ازاى نوصل ارائنا للمسؤولين