مين راح الشغل النهاردة؟؟ (مساحة للفضفضة)

**hazem_khidr** · 06-04-2008 07:56 PM

انا ليه مش مصدقة ان الأهالي همه اللي بيكسروا العربيات و يخربوا؟

لا صدقي يا علا
اصل دول ناس بلطجيه و عندهم غل
يعني انت متغاظين من الحكومه تكسروا ممتلكات الشعب ليه
ما تروحو تكسروا قسم شرطه او مجلس مدينه

**hamdy** · 06-04-2008 07:57 PM

المشاركة الأصلية كتبت بواسطة ضيفو

وفكرة الاضراب عن انواع معينه من السلع عشان( سعرها) فكرة كويسة ومعمول بيها من ناس كتير واناا منهم من رمضان اللى فات ياريت تتعمم الفكرة دى وتنجح زى فكرة الاضراب النهاردة
والمهم فى الموضوع ان المصريين قالوا لأ:):):)

اهو انا مع فكرة مقاطعة المنتجات ايه رايكم ننشر الموضوع ده علي النت يا جماعة
زي ما الحكومة سبب في حاجات كتير متنسوش ان فيه تجار طماعبن برضو هما بيغلوا مع الهوجة وثقافة اهبش واجري بقت هي ثقافة المجتمع لو كلنا نشرنا فكرة مثلا زي مقاطعة بضاعات معينة لجشع التجار العمليه هتنصلح
اما بقا حكاية الاضراب دي نحن لنا في رسول الله صلي الله عليه وسلم قدوة ولا ايه ؟؟؟
مسمعناش مثلا مرة ان الصحابة عملوا اضراب ولا طلعوا في مظاهرة صح .
انا مش بهبط المعنويات بالعكس انا مع كل الناس الغلابة اللي ابويا و انا و انت منهم ولكن ولكن ....
فيه خطوات افضل وليها تاثير قوي زي فكرة المقاطعة لسلع معينة

**alaa_dash** · 06-04-2008 08:00 PM

A pic from Mahalla

**hazem_khidr** · 06-04-2008 08:03 PM

الصوره دي في اول المحله.
اخر الاخبار :
فيه عمليات شغب و فيه حريقه علي كبري مشاه في شارع البحر امام العباسي القديم

**TaoTao** · 06-04-2008 08:08 PM

رحت الشغل النهاردة، أنا لسة مستلم الشغل الجديد أول الشهر، مش منظر يعني أغيب في أول أسبوع :)
ثانيا والكلام ده قلته لزملاء العمل الجديد ولحضراتكم أيضاً أن الغياب عن العمل مش هو الحل، واقترحت عليهم أسلوب الماهتاما غاندي، نصوم ونتقشف، والحمد لله ربنا قدرني وصمت النهاردة وحاسس إني عملت حاجة كويسة أحسن من القعدة في البيت.
وكمان قللت مكالمات الموبايل للحد الأدنى، مافيش مثلجات ولا مقرمشات ولا أي دلع لمدة أسيوع.
بس أنا مبسوط، المشاركة (المشاركة بالامتناع عن العمل!!) كانت متميزة جداً وأعطت الواحد إحساس إن المجتمع ممكن يتحرك، شيء مشرف

**alaa_dash** · 06-04-2008 08:29 PM

الناس ولعت كاوتشات في الطرقات..
ميدان الشون تعرض لتخريب على نطاق واسع ...و انباء عن قطع الكهرباء عن الميدان ..
الاهالي رموا اوراق و مخلفات للناس في الشوراع عشان تولعها ..!
انباء عن وفيات من عمال الغزل و طفل عمره 9 سنوات ...(من الوعي المصري)..
العملية تحولت الى تخريب للاسف الشديد..

انا حاولت انقل الصورة على قد ما اقدر ليكوا و سأكتفي بهذا القدر و تابعوا الاخبار على برامج التوك شو و القنزوات الاخبارية ..
استاذ حازم ربنا معاكواو اتمنة انك تكون بخير و كل اهل المحلة ان شاء الله ..
المصادر: منتديات مختلفة و مدونات و البي بي سي

**dreslam** · 06-04-2008 11:28 PM

انا جيت الشغل بس اظرف رد قاليتهولي واحده شايفه نفسها قاليتلي انا عملت اضراب..ماعملتش شوبينج ولا اشتريت حاجه النهاردة

**badblood** · 07-04-2008 03:26 AM

انا رحت لان الكلام لا هيدم ولا هيأخر حاجة
والضرب في الميت حرااااااااام

**mohamed_88sk** · 07-04-2008 11:33 AM

يا ترى بقى عملتوا نفس الأضراب ده بنفس الهمه دي عشان نصرة نبيكم ....

جينا نعمل حاجه مسانده ورد الأساءة هبطوا همتنا (إلا من رحم ربي)

عالعموم اللي بيحصل من شغب وتكسير ده قلة أدب ..
أنا ليا ناس في المحله بيقولوا متبهدله ..
وعمرو أديب بيقول كمان في تكسير بسيط في الأسكندرية
بس بصراحة ملاقيتش حاجه في الأماكن اللي شفتها ...
بس يارب الغمه اللي في المحله دي تنزاح وربنا يسلم أهلها ...