ازاى اروح الاماكن دى بالترتيب من رمسيس او التحرير

السلام عليكم ورحمه الله وبركاته.
عايز اروح الاماكن دى من رمسيس او التحرير مواصلات بس بالترتيب يعنى القريب ف الابعد وهكذا واكون شاكر ليكم جدا

مصر الجديدة :
+++ ش احمد رياض ترك - ميدان الحجاز -مصر الجديدة -امام الكلية الحربية
+++ ش الشهيد سيد عفيفى - ارض الجولف -مصر الجديده
+++ ش محمد سعيد الحلوانى - مصر الجديدة

المهندسين :
++ ش العلمين - المهندسين
++ ش السودان - المهندسين

مدينة نصر :
== عباس العقاد - مدينة نصر
== ش انور المفتى - مدينة نصر


النزهة الجديدة :
--- ش مكة المكرمة--- النزهة الجديدة


المعادى الجديدة:
-- ش 315 المعادى الجديدة

الهرم :
-- ش رمزى فرج من ش الهرم- الجيزة

كل ده فى يوم واحد؟؟؟
مصر الجديده و مدينة نصر فى ناحيه ... المهندسين و الهرم فى ناحيه تانيه ... المعادى ناحيه تالته....

بالنسبه لمصر الجديده تروح النزهه الجديده الاول ... تركب اى حاجه رايحه موقف العاشر و تنزل جسر السويس محطة الجراج و من هناك تاكسى (معرفش المكان بتاعك ده فين)
ترجع من هناك على ميدان الحجاز ... تاخد من جسر السويس اى حاجه راجعه و تنزل الف مسكن ... تعدى الشارع و تسأل على ميدان الحجاز (محطه او محطتين)
تركب من ميدان الحجاز ميكروباص لأول عباس ... عند دار الدفاع الجوى هى دى ارض الجولف (معرفش الشارع فين)
و معرفش شارع الحلوانى فى اى حته فى مصر الجديده

بعد ما تخلص ارض الجولف تركب تانى لأول عباس هتنزل ميدان الساعه و تعدى الشارع كده انت فى اول عباس العقاد
ش انور المفتى ده ورا طيبه مول ... و انت ماشى فى عباس العقاد تخش اول يمين فى اول يمين ... هتلاقى لاشارع بيلف شمال ... هو دة انور المفتى

معرفش شارع 315 فى المعادى بس من رمسيس خد المترو و انزل محطة المعادى و اطلع (من الناحيه اللى هتنزل فيها) هتلاقى ميكروباصات بتقول صقر قريش ... بتعدى على المعادى الجديده ... اسأل قبل ما تركب على الشارع

بالنسبه للمهندسين ... شارع السودان طويل و ماسك من امبابه لحد فيصل ... حضرتك حدد رايح فين علشان تركب الصح... غالبا هتركب مترو من رمسيس محطتين و تنزل الاسعاف (جمال عبد الناصر) و تركب من عند مستشفى الجلاء حاجه رايحه ميت عقبه
و معرفش فين شارع العلمين

الهرم... تركب مترو من رمسيس و تنزل محطة الجيزه و تركب من شارع الهرم اى ميكروباص بس اكد عليه انه ينزلك عند السنترال القديم ... ش رمزى فرج فى وش السنترال القديم و على ناصيته بنزينة موبيل

شكرا جزيلا (استاذ محمد) تعبتك معايا انا عارف ووصفك سهل جدا بعد اذن حضرتك عندى شوية استفسارات

انا كده هروح ( مصر الجديدة - النزهة الجديدة - مدينة نصر ) فى يوم وال (المهندسين والهرم ) فى يوم و (المعادى) فى يوم تالت

بالنسبة للمهندسين دا االمكان اللى عايز اروحه:
ط´ط±ظƒط© ط§ظ„ط¬ظٹط²ط© ظ„ظ„ظ…ط´ط±ظˆط¹ط§طھ, ط§ظ„ظ…ظ‡ظ†ط¯ط³ظٹظ†, ط§ظ„ط¬ظٹط²ط©, ظ…طµط± | ط.ط±ظٹظ‚ ظ…ظƒط§ظپط.ط© ظˆط.ظ…ط§ظٹط© ظˆظ…ط¹ط¯ط§طھ | Yellow.com.eg | 111 ط´ ط§ظ„ط³ظˆط¯ط§ظ†

هل بقى انزل محطة البحوث واسال ولا انزل جمال عبد الناصر.
ودا اللى فى شارع العالمين
ط§ظ…ظƒظˆ, ط§ظ„ظ…ظ‡ظ†ط¯ط³ظٹظ†, ط§ظ„ط¬ظٹط²ط©, ظ…طµط± | ط.ط±ظٹظ‚ ظ…ظƒط§ظپط.ط© ظˆط.ظ…ط§ظٹط© ظˆظ…ط¹ط¯ط§طھ | Yellow.com.eg | 125 ط´ ط§ظ„ط¹ظ„ظ…ظٹظ†

وشكرا جزيلا مرة تانية على مجهود حضرتك

تمام كده ... لو ملحقتش تخلص مصر الجديده و النزهه و مدينة نصر فى يوم ممكن تخلى مدينة نصر و الهرم فى يوم و هقولك ازاى
من عند اول عباس (بس الناحيه التانيه مش ناحية عباس) تركب السيده عيشه و تاخد جيزه من هناك و تكمل الهرم

بالنسبه للمهندسين البحوث بعيده ... نصيحتى (انا مش خبير قوى و ممكن لو حد قال حاجه تانيه تكون اصح) اركب كيتكات او امبابه و تنزل ميدان الكيتكات... من عند مستشفى الجلاء (هتنزل جمال عبدالناصر و تسأل فين مستشفى الجلاء و من هناك كيتكات) ده اول شارع السودان ... اركب اى حاجه من هناك تكون ماشيه فى شارع السودان ... معرفش المحطه هيكون اسمها ايه بس تنزل لما الشارع يلف (زى ما الخريطه مبينه) و تروح مشوار العالمين و ترجع تركب نفس الحاجه و تنزل قبل جامعة الدول تروح المشوار التانى ... او تركب كن عند الجلاء عربيه لبولاق (معرفش فيه هناك اصلا ولا لأ) و تنزل عند اخر جامعة الدول (اسأل عند المستشفى اذا كان فى حاجه بتروح شارع السودان عند اخر جامعة الدول)

ربنا معاك

19731973

محطة مترو ايه الاقرب الي..جراحات اليوم الواحد بمنطقة المرج