الموضوع: شهاده حق فى اوماترا

السلام عليكم ورحمه الله وبركاته
من فتره كنت اشتكيت من ان الكلاكس بتاع الايفو بتاعتى فصل مره واحده والعربيه لسه ماعملتش غير 250 كيلو المهم سالت مركز البرقان وهو مركز معتمد من اوماترا وقريب منى لانى من اهل فيصل قالولى ان الكلاكس خارج الضمان والاحسن انك تروح اوماترا
المهم اتصلت وحجزت فى اوماترا وبصراحه المقابله كانت كويسه جدا هناك والعربيه شافوها وقالولى ان الكلاكس فعلا فيه عيب وان العيب اتصلح ولو عايز كلاكس جديد ممكن تيجى بكره وتركبه لان مافيس كلاكسات جديده النهارده بصراحه انا كسلت وقولتلهم ان شاء الله وادى الكلاكس شغال ومش مهم
المهم بعدها بكام يوم لاقيتهم بيتصلوا وبيقولولى هو حضرتك مش عايز تركب الكلاكس ولا ايه
بصراحه بقيت مش مصدق المهم حجزت معاهم يوم السبت اللى هو النهارده
وروحت الساعه 11 بصراحه كان عندهم ضغط جامد قوى بس خدوا العربيه منى 11:30 وقالولى لان فى بريك وكده هتستلمها الساعه 1:30 قولت مش مهم
1:30 على الشعره كنت بستلم العربيه ومادفعتش ولا مليم احمر وكلاكس جديد
بجد ده اول تعامل مع اوماتر ولو انى سمعت فيهم العجب بس عن تجربه شخصيه حتى الان
ممكن اقول ان التعامل افضل كتير من اماكن تانيه ولو كانوا وحشين جدا فأظن ان فى تحسن ولا رأيكم ايه ؟؟؟؟