بخصوص لوجو بروتون الخاص بالسياره

**spiderloking** · 26-02-2011 11:21 PM

من فتره كدا كان ليا احد الاصدقاء هنا علي المنتدي و من الناس اللي بعزهم و بحبهم و اللي اتعرفت عليهم عن طريق المنتدي و هوه الاستاذ احمد غنيم ( ykdl) مش اخوا وائل غنيم يا جماعه ههههههههه المهم احمد كان اللوجو بتاع العربيه عندوا وقع من فتره كدا و كان عاوز يجيب واحد تاني فأتصل بيا بصراحه الراجل و حكالي علي الموضوع قولتلوا هوه بيتباع في التوكيل بس غالي شويه مش عارف علي ايه ده لوجو يعني و برا التوكيل موجود بردوا اعتقد كان في ناس هنا اشترتوا بحوالي 35 او 40 جنيه حاجه كدا و كمان صيني و خامه مش قد كدا اوي المهم احمد من المنصوره فنزل الراجل علي مطبعه للأستيكرات و الدعايا و هناك قالولوا ممكن نصبلك واحد و يبقي زي الاصلي تمام ففعلا قرر انوا يعملوا و عملوا وصورهولي و بجد مكنتش متوقع انوا يطلع بالجمال ده زي الاصلي تمام و خامات كويسه كمان جدا هوه بياخد وقت حوالي اسبوع علشان كمان ينشف كلفوا حوالي 35 جنيه انما الراجل قالو لو كميه السعر هيقل شويه اكيد

يلا اسيبكم بقي مع صورة اللوجو و عاوزكم تقولولي رأيكم ايه

يا رب تعجبكم لو حد قريب من المنصوره او بينزل هناك و عاوز العنوان و الرقم بتاع الراجل يقولي او يقول لأحمد (ykdl) و احنا نبعتلوا المعلومات علي الخاص

**ykdl** · 26-02-2011 11:31 PM

تماموز يا لبيد باشا تشكر على مساعدتى فى الموضوع

**shakshak2011** · 26-02-2011 11:38 PM

ممتاز جداً ..

**sayed911** · 26-02-2011 11:44 PM

حركة ممتازة والى الأمام يا لبيد :d اظن فاكر انا ايه اللي حصل مع اللوجو بتاعي :d لما لزق في الناس اللي كانت قاعدة على العربية .. :d
بس حركة ممتاااااااااااااااااااااا اازة يا جماعة واعتقد احنا لو عند القسم مستودع لقطع الغيار حاجات زي دي الى الأمام قيمتها الأستثمارية ها تزيد .. والله اكثر حاجة بتعجبني فينا كملاك لبروتون حس الإبتكار اللي موجود عندنا :d :d