فيه حاجة غلط ....... خواطر
أنا مش مستريح خالص ........
لما سمعنا كلنا أعضاء المجلس الأعلى للقوات المسلحة في العاشرة مساءً ....... استبشرنا خير
ناس كتير من الثوار حسو بإطمئنان شويه و بدأ ناس كتير تقول لازم ندي فرصة ....... نستنى شوية ...... بلاش مظاهرات تاني لغاية ما نشوف
أنا على فكرة كان رايي حتى بعد ما شفت العاشرة مساءً إن المظاهرات كل يوم جمعة تستمر بس مش بغرض تخوين الجيش أو إقالة أحمد شفيق لوكان بغرض حماية الثورة
بس منكرش إن كان جوايا نوع من الإطمئنان ........
بس حصل كم حاجة ملهمش أي تلاتين لازمة .......
تصريحات وزير الداخلية برضه عن الاجندات و العملاء و الاجانب إلي كانو بيضربو المتظاهرين
التأخير في حساب الفساد ..... هل يعقل إن القضية إلي حبيب العدلي بيتحاكم عشانها غسيل أموال فقط ؟؟؟؟!!!!!! فين البلاوي التانية ؟؟؟؟!!!!
فين صفوت الشريف و زكريا عزمي و فتحي سرور و حسين سالم و نظيف و جمال مبارك ؟؟؟؟؟!!!!! ليه مش بيتم التحفظ على أموالهم بشكل إحترازي ؟؟؟!!!! فين متابعة أموال دول في الخارج ؟؟؟؟!!!!!
أنا ماقلتش نرميهم في السجن من غير دليل ...... بس ياجماعة احنا لو سألنا توب الأرض في مصر حيقلك دول رؤوس الفساد
فين لجنة تقصي الحقائق عن أحداث موقعة الجمل و قناصة إلي كانو بيضربو المتظاهرين و العربيات إلي بتدوسهم ....... أخر حلقة لعمرو الليثي كان جايب واحد من الشباب إلي بيساعدو اللجنة بيقول إن الشباب هم إلي بيساعدو اللجنة في جمع الأدلة و إن مفيش أي جهة في مصر ذي المباحث مثلاً بتساعد بأي حاجة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!
و بعدين إيه الأخبار إلي سمعناها عن برنامج عمرو الليثي و محمود سعد ؟؟؟؟؟!!!!!
إيه المشكلة في الافرج الفوري عن معتقلي الرأي مالم يكونو مطلوبين في قضايا اخرى ؟؟؟؟؟؟؟؟!!!!!!!!
فين التحقيقات إلي بتعملها الحكومة مع ظباط الداخلية ؟؟؟؟؟؟!!!!!!!!!!
إلي عنده حاجة تانية يزودها ......... الموضوع مطروح للنقاش و من غير ما نخون حد
أنا عندي إستعداد للنقاش مع أي حد حتى إلي زعلان مني