دبابة مصرية دهست تاكسي بالاسكندرية
عرض للطباعة
دبابة مصرية دهست تاكسي بالاسكندرية
لا حول ولا قوة الا بالله العلي العظيم
الحمد لله ربنا نجاهم من موتة بشعة كفاية الرعب
لا حول ولا قوه الا بالله
ومين حيعوض صاحب التاكس ده
الموقف ده كان حيحصل معايا فى شارع ابو قير الساعه 2 باليل
بس اديته كلكسات جامد وحرقت جامد وصوت الديفل نبهه ان فيه حد جنبه وطلعت منه بسرعه الحمد لله
مش خسارة في معروف نِمَر صفرا ........... الحمد لله إن الركاب طلعوا بخير كان حيضيعهم بغباءه .
سواقين ملهامش دعوة بمرايات جنب أو صالون و يقف و يهدي مطرح ما ييجي في بالهم ، المرة دي وراه دبابة و مش في دماغه .
دة تعليق عجبني قوي عالفيديو دة
اقتباس:
- من تحليلى للفيديو وجدت التالى :
1- سائق الدبابة شخص محترف حقا.
2- سائق التاكسى شخص غبى أعتقد أنه بيفادى عربية ملاكى!
3- سائق الدبابة مجرد لمس جانب السيارة لم يدهسها أصلا.
4- أستحالة فرملة الدبابة فى تلك المسافة القصيرة جدا فكان حله هو دورانه مع الفرملة وهو تفكير سليم تماما ، ولهذا قلت عن سائق الدبابة محترف ، لاحظوا ان الدبابة ليس بها ترة للدوران أصلا.
- ألوم سائق التاكسى فقط توقف فجأة على يسار الطريق ولست ألوم سائق الدبابة أبدا.
يا ميسو باشا حضرتك عارف إن إللي سايق الدبابة بيبص على الطريق من مغازل زجاجية مستطيلة فالرؤية مش بالوضوح لإللي
سايق عربية أو نقل ، كمان المناورة بالدبابة علشان يلحق تفادى الوقوف المفاجيء مش زي مركبة (عربة) على كاوتش و كذلك الفرامل .
سواق الدبابة على ما لحق لم الدبابة كان فعص تلت الشنطة بأول القايم ....... الحمد لله ما أخدتش الركاب تحت الجنزير
بغباوة التاكسجي أعمى البصر و البصيرة إللي مش شايف دباااااااااابة في المراية وضيع العربية مصدر رزقه و كان حيضيع أرواح راكبين معاه .
طيب واللي كان بيصور عرف منين ان هايخبط العربية
تحليل كويس وانا عارف كمان ان فرامل الجنزير بتاع الدبابه على الاسفلت غير الرمال والجبال وكده
بس سائق الدباابه المفروض يراعى انه ماشى وسط بشر وعربيات
اقسم بالله انا شفته بعينى بيجرى عندنا فى شارع جانبى والعربيات على الصفين والطريق يا دوب يعدى عربيه ملاكى او مكروباص ولو عربيه نقل بتعدى وهى ماشيه على الاول وتاتا تاتا
ده سايق الدبابه كأنه راكب لانسر طاير بيها وسط الناس ولا كأنه ماشى فى شارع فيه ناس ماشيه وعيال صغيره ممكن تطلع من اى حته فجأه وانت عارف الشوارع المصريه
انا عارف ان اكيييييييييييد سواق التاكسى فعلا غلطان بس هو فاكر ان الدبابه دى ملاكى وفيها abs بس طلعت اوت منه واتحط عليه
والله ربنا يستر علينا كلنا انا بحرص منهم جدا وانا سايق جنبهم بس الحظر لا يمنع القدر
ده كان بيصور مرور محرم بك اشهر مرور فى اسكندريه وهو بعد مولعو فيه والعربيات الى مولعه جوه
وهو ماشى لقى الى حصل ده
وتقريبا كان سايب الكاميرا مفتوحه عشان يصور توكيل bmw الى بعديه بكام متر لانه برضه اتكسر واتدمر واتاخد منه عربيات كتير
والجنب التانى من الكوبرى فيه الحضانه بتاعه المرور الى اتسرقت وولع فيها اكتر من 100 عربيه بكتير
المهم الحمد لله ان محدش مات
:(
ربنا يصبر صاحب التاكسي
اللي سايق الدبابة ده كان حيتسبب في كارثة بسبب سوء تقديره و الاسلوب الخاطئ الذي يستخدمه في السير بالدبابة و ده ظاهر في المشهد الجانبي و الدبابة بتعدي من جنب المصور المسافة بين التاكسي المدهوس و الدبابة حوالي 2 متر فقط
المدن و الاسفلت مش البيئة الافضل للدبابة لكن يجب الاحتياط من موقف زي ده
1- السير بسرعة مناسبة و ترك مسافة كبيرة و تتناسب مع كتلة الدبابة حتي تتوقف حين الحاجة و في الطوارئ
2- اذا مكنش قادر علي الرؤية بشكل واضح عليه انه يتخذ تدبير اخر يضمن عدم حدوث مثل هذه الحوادث اقلها ان احد افراد الطاقم يخرج و يساعده في التوجيه
و الحمد لله ان الركاب بخير
و الحمد لله ان ربنا الهمه ان يدفع بالدبابة بقوة لليمين حتي يتفادي التاكسي
مين الشاطر اللى يعرف المعلومات دى
ما هو نوع هذه الدبابة و بلد الصنع ؟؟
ما هو وزن هذه الدبابة ؟؟
ما هو ثمن هذه الدبابة ؟؟
تصدق كان نفسي اكون راكب الدبابة دي من زمان
ميكروباصات وتاكسيات وملاكي بيقفوا شمال وفي نص الشارع فجأه ومن غير حتى اشاره أو تشغيل الانتظار
ولا لما عجلة تاكسي تنام يقف في وسط الشارع يغيرها
ادي اخرة اليقف شمال
مفيش إي نقطة شك أن سزاق التاكسي هو اللي غلطان
لا حول و لا قوة إلا بالله
الحمد لله ان ربنا نجاهم و ربنا يصبر سواق التاكسى على الخسائر
ده غير موضوع الدبابة ملاحظين ان الناس بتنهب مكان معين وواحد بيحاول يفك البوابة
علشان بس تعرفوا ان عوامل الامان في اللادا تخليك تنداس من دبابه وتطلع سليم
لو كانت سيراتو كان الناس اللي فوق الكوبري كمان ماتو
الروسي يعني باي وتراي ومجانص
الحمد لله ان ربنا ستر على اللى فى التاكسى
هوه احنا كمان هنختلف علي الموضوع ده
مين اللي غلطان سائق التاكسي ولا سائق الدبابة
اولا سائق التاكسي مواطن مصري زيه زي الكثير من المواطنين السائقين في مصرنا المحروسة اللي مبيعرفوش يسوقو اصلا
وانا لا اتهمه هو لاني لم اراه يسوق قبل ذلك و هو مهروس من الخلف
و سائق الدبابة هو ايضا مواطن مصري و مثله الكثيرين حينما يخرجو من الجيش يذهب يطلع رخصة مش عارف (( اولي ولا تانية )) و ادينا شايفين سواقين النقل و الربع نقل و الميكروباص عاملين ازاي في شوارع مصر المحروسة
يا جماعة الخير الموضوع مش في التاكسي ولا الدبابة
الموضوع في النهب و السرقة اللي عيني عينك و علشان كده سائق تاكسي اخر طلع موبايله يصور السرقة و التخريب
عمار يا مصر
م.حاتم السباعي
الفيديو معايا من زمان و وريته لناس ف المنتدى بس شرط عدم النشر
بس الحمد لله المهم مفيش خساير بشريه
الحمد لله ان الناس عايشه دى الخضه لوحدها تموت
ده كان هيبقى فيلم رعب
السؤال المهم الى صور الفيديو دة كان قصدة يصور ولا كانوا بيسرقوا ؟؟
لو حد ركز هتلاقيهم عايزين يخلعوا الباب الحديد و التانى الى معدى و هو شايل السارينة و بيقولة يا عم انت بتصورنا احنا ؟؟
و الله اعلم ان بعد الظن اثم ..
اولاً الحمد لله انها جت سليمة و مافيش ضحايا و زي ما بيقول جات في صاج
و فعلاً سواق التاكسي غبي علشان يقف مرة واحدة كده و يكون زانق في الي قدامة او واحد عدا من قدامه فجأة
و حكاية ان الدبابة ملهاش عجلة قيادة , لأ ليها بس مش زي العربيات , يعني الموتوسيكل بتحود بجسم البيك مش بأنك تلف الجيدون
الدباباة ليها دراعين , واحد للجنب الشمال و واحد للجنب اليمين , لما يزق الاتنين لقدام علي حسب السرعة الي هو عايزها الدبابة تتحرك لقدام بسبب ان الجنزيرين مشتهم التروس علي سرعة واحدة مع بعض و لو قلل سرعة مثلاً من الدراع اليمين الدبابة تحود يمين و علي حسب الترن يا معلم ينزل الدراع (الحاج كان جيشة في دباباة توبازا برمائية , حكالي ان سواقن الدبابات كانت بتجري بيها و يشد اي دراع فيهم يوقف الجنزين بيها فالدبابة تخمس بيه و يقعد يلف , و طبعاً السواق محترف و مش بيخدوا التجنيد مدة سنة لسواقة الدبابات , بيخدوا الي حيقد اكتر علشان مش سهله )
و ربنا يكون في عن السواق و صاحب العربية و الركاب و السواق بتاع الدبابة لأنه اكيد زعلان برضة علشان مكنش قصدة يعني
و اظن ان القوات المسلحة حتديله تعويض حتي لو جزئي لأن مننساش ان كان لازم الدبابة تسيب مسافة كويسة مبينها و مابين التاكسي , صح ولا غلط