احتكاك عنيف للسادات في خطابه مع احد القيادات الشابة (نادر جدا )

بسم الله الرحمن الرحيم

السلام عليكم ورحمة الله وبركاته


انا بالصدفة وجدت هذا التسجيل الصوتي النادر اللي بصراحة اول مرة اسمعوا .. انا سمعت عنه كتير ولكن اول مرة اسمعوا عن حقيقة كده ... انا مش ها اتكلم وافتي كتير لأني بحكم سني هناك من هم ابلغ مني للحديث في هذا الموضوع وبإستفاضة كمان عن تاريخ السادات وما قدم وما له وما عليه ولكن بصراحة انا لما سمعت التسجيل الصوتي ده ... حاجات كتير قوي اختلفت من وجهة نظري في الراجل ده ... بصوا بقى انا عايز حاجة بسيطة جدا جدا جدا من حضراتكم ..

انسوا خالــــــــــــــــــــــ ـــــــــــــــــــــــــ ــص انكم تعرفوا الرئيس الراحل محمد انور السادات نهائيا وبالمرة ..

واسمعوا الفيديو ده مرة واحدة بــــــــــــس مش اكثر من مرة واحدة واوصفولي بجملة واحدة رأيكم في شخصية الراجل ده ومتخلوش افعال سابقة تأثر او تشوشر على رد فعلكم تجاهه ....
ملحوظة : ( انا من اشد الناس اعجابا بشخص الرئيس الراجل محمد انور السادات بغض النظر عن عمل ايه وقدم ايه لأني لست مهتما بالتاريخ ولكن انا اعشق هذا الرجل في عنفوانه وكلماته الصارمة ولبقاته وذكائه ) ....

واترككم مع التسجيل ..

YouTube - ‫ط§ظ„ظ…ظ†ط§ط¸ط±ط© ط§ظ„طھظ‰ ظ‡ط²طھ ط§ظ„ط³ط§ط¯ط§طھ‬‎

YouTube - ‫ط§ظ„ظ…ظ†ط§ط¸ط±ط© ط§ظ„طھظ‰ ظ‡ط²طھ ط§ظ„ط³ط§ط¯ط§طھ‬‎

مهما اختلف عليه الناس
تظل كاريزما القياده وقوه الشخصيه هي العامل الرئيسي لبقاء هذا الرجل في الحكم وتمتعه بحب الناس

عبد الناصر كان له ما له وعليه ما عليه
وظلم ناس كتير
بس الناس كانت بتحبه لانه ليه حاجات كتير اوي مع الشعب حبوه عشانها

السادات وذكاؤه وشخصيته القويه وحرب اكتوبر وقدرته علي النهوض بمصر من حرب الي بلد فيها صناعه

انما ياخويا اللي مشفتلوش زي مبارك
واخد البلد لا فيها حرب ولا فيها بتاع
نام علي الارض وخلي اليهود يدوسوا عليه
وبعدها قام بقي داس علينا كلنا
لحد ما فعصنا

اذن فنحن نتفق على نقطة واحد يا اخي الا وهو انه الكريزما لشخصية الرئيس الراحل محمد انور السادات هي شخصية قيادة عصبية متخذة قرار الى حد ما تجيب صنع القرار بطريقة يتقبله الناس ورجل له لهجة عسكرية صارمة في كلامه السياسي المتقن الموجه نهاحية خصمه يجبره على الرضوخ .... ولكن بصراحة في الآخر انا شايف انه راجل 100% وعسل على مهلبية ويستاهل كل خير والله العظيم ... بس انا عجبتني جدا جملة حضرتك اللي في الآخر بشدة ...

اقتباس:

---

انما ياخويا اللي مشفتلوش زي مبارك
واخد البلد لا فيها ح

---

طيب ها اسئل حضرتك سؤال تفتكر لو كان السادات هو اللي لسة ماسك الحكم لحد وقتنا هذا ولم يكن قتل تفتكر كنت ها تبقى شايف مصر ازاي ؟ اقصد اقتصاديا اجتماعيا علميا ؟؟؟؟؟؟؟؟؟؟؟؟؟؟

د. عبد المنعم أبو الفتوح القيادي الإخواني البارز هو من كان يتحدث إلى السادات

اشار احمد زكي في فلمه الى هذا المشهد

هو الأستاذ احمد زكي اشار له في الفلم لما زعق في الولد وقالوا اقعد واعرف انك بتكلم رئيس الجمهورية ولكن هل ده كان فعلا طالب والزمن تغير واصبح قيادي كبير !!!! اعتقد انه لهجة الحوار كانت مختلفة تماما ايمهم عن ايامنا ... وان كنت اتفق مع الرئيس السادات في كلمة واحدة ( نتفق شئ جميل .. نختلف شئ اجمل .. ان تكرهني امر مرفوض )

هو الشيخ الغزالى كان بيدور على زعامة و بيعمل فتنة ؟؟؟؟؟؟؟؟؟؟

" قف مكانك " ..... سمعت إن نفس الكلمة تقريبا استخدمها السادات للشخص اللى اغتاله ... الشخصية العسكرية لها تأثير برضو

" ألزم الأدب " ... كمان طلع الشاب قليل الأدب لأن له رأى مخالف بدلا من أن يرد على سؤاله بهدوء !!! و فكرتنى بقانون العيب

شجاعة الشاب فى السؤال و الاستفسار و كذلك صوته القوى

دا الانطباع عن الحوار اللى اول مرة أسمعه الحقيقة شكرا لحضرتك إتاحة هذه الفرصة لنا

بس السادات كان واضح للناس عن غيره و هو أول من طبق القاعدة الذهبية فرق تسد فكانت كل القوى تتناحر بفضله حتى انتهت جميعا

و شكرا لصاحب الموضوع على التسجيل

الشاب ده فعلا...هو دكتور عبد المنعم ابو الفتوح القيادي الاخواني حاليا...

احييه على شجاعته....

"السلطه المطلقه مفسده مطلقه"

سيظل دائما في نظري افضل رئيس للجمهورية :)
احترم و اقدر شخصية مثل السادات و هو وضح للطالب ان الغزالي يريد سلطة في عباءة الدين علي ما اعتقد

بس عبدالمنعم أبو الفتوح أحرجه بالزوق
كان السادات ممكن يتصرف أحسن من كدة بدل التوتر اللي بدا عليه

اقتباس:

---

المشاركة الأصلية كتبت بواسطة sayed911

اذن فنحن نتفق على نقطة واحد يا اخي الا وهو انه الكريزما لشخصية الرئيس الراحل محمد انور السادات هي شخصية قيادة عصبية متخذة قرار الى حد ما تجيب صنع القرار بطريقة يتقبله الناس ورجل له لهجة عسكرية صارمة في كلامه السياسي المتقن الموجه نهاحية خصمه يجبره على الرضوخ .... ولكن بصراحة في الآخر انا شايف انه راجل 100% وعسل على مهلبية ويستاهل كل خير والله العظيم ... بس انا عجبتني جدا جملة حضرتك اللي في الآخر بشدة ...


طيب ها اسئل حضرتك سؤال تفتكر لو كان السادات هو اللي لسة ماسك الحكم لحد وقتنا هذا ولم يكن قتل تفتكر كنت ها تبقى شايف مصر ازاي ؟ اقصد اقتصاديا اجتماعيا علميا ؟؟؟؟؟؟؟؟؟؟؟؟؟؟

---

من اهم عوامل نجاح السادات في القياده قوه شخصيته
اما لو كان قدرله ربنا وفضل عايش ومماتش

اعتقد مصر كانت حتكون افضل كتير اقتصاديا
اما علميا واجتماعيا لا
لان السادات كان معادي لرجال الدين بشده
وخصوصا الاخوان المسلمين
وده انا استشفيته من طريقه كلامه علي اي حاجه دينيه صراحه
انا مكنتش اتولدت اصلا ساعه ما مات

انما والدي ظابط جيش
كان دايما يتكلم عنه وعن عبد الناصر كويس
ويقول انهم فعلا كان باين عليهم انهم بيحبوا البلد
والغيره الوطنيه دي مكنش ليها حدود عندهم

يعني فيه كام موقف كده للسادات وعبد الناصر تحس فيهم انهم عندهم غيره دينيه ووطنيه
غير حسني مبارك
مكنش فيه حد زمان يقدر يفتح بقه في وش مصري
حتي لما العرب ابتدوا يغتنوا
بردو كان لينا قيمه

تعرف مش مهم ابقي فقير
المهم الكرامه
طالما فيه كرامه
يبقي حيبقي فيه حريه

عبد الناصر ...السادات...مبارك كلهم طينة واحدة. طغاة لكن بأشكال مختلفة

وجهات النظر كلها وجهات نظر جميلة وشئ رائع حقيقة فعلا وتظهر بأننا نتمتع بفكرة حسن الحوار ولكن اعتقد ان السادات لم يكن يكره رجال الدين ولكن كان يعرف ان اللعب بشعلة الفتنة الطائفية لن تحرق الا حاملها عشان كده كان بيضرب بيد من حديد على اي حد يحاول فتح اي مواضيع يدينية عشان يقفل الموضوع من بابوا ولا قيل ولا قال وينهي الموضوع برمته وبالكامل .. على رأي المثل ( الباب اللي يجيلك منه الريح سده واستريح ) يعني كان مش بيفتح موضوع الدين نهائيا في حين انه كان صريح في اي شئ آخر في الدولة وده الأمر اللي انا مستغربه ..