+1111
:majd(4)::majd(4)::majd(4):
عرض للطباعة
رجال أفعال وليس أقوال تحياتي للفريق شفيق والقوات المسلحة
رابط المشاركة
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...p-right-10.gif
القاهرة - بدأت نيابة الأموال العامة العليا في فحص أجور المذيعين وكبار الفنانين ببرامج التليفزيون المبالغ فيها لاتخاذ الإجراءات القانونية اللازمة.
وكشفت التحقيقات المبدئية عن حصول المذيع محمود سعد علي11 مليون جنيه، وغادة عادل علي مليوني جنيه سنويا، وخيري رمضان علي150 ألفا راتبا شهريا، وإيناس الدغيدي على 40 ألفا في الحلقة الواحدة، وسيتم دراسة رواتب يسرا، ولميس الحديدي، وفاروق جعفر، وهبة الأباصيري منذ بداية تعاقداتهم، بالإضافة إلي فحص أعمال عبداللطيف المناوي رئيس قطاع الأخبار من خلال تعاقداته مع الوكالات الإخبارية.
وصرح مصدر مسئول بأنه سيتم اتخاذ الإجراءات القانونية اللازمة لرد الأموال التي أخذت بالزيادة، ومحاكمة المتسبب في ذلك، تمهيدا لوضع ضوابط محددة لأجور مقدمي البرامج.
من ناحية أخري، وضع اللواء طارق المهدي المشرف علي اتحاد الاذاعة والتليفزيون النقاط فوق الحروف بقرار اتخذه بفسخ عقد المذيع محمود سعد واستبعاده من العمل في برنامج مصر النهاردة ووضع المذيعين العاملين من خارج التليفزيون ومنهم لميس الحديدي وخيري رمضان أمام خيار القبول بأجور العاملين في التليفزيون، أو فسخ التعاقد.
المصدر: صحيفة "الأهرام".
تحياتى دون اوتيفا
وده كمان خبر من الاهرام
كشفت بلاغات يحقق فيها مكتب المستشار عبدالمجيد محمود النائب العام عن حجم فساد كبير أهدر ملايين الجنيهات تورط فيه منير ثابت شقيق السيدة سوزان مبارك قرينة الرئيس السابق,
http://www.ahram.org.eg/MediaFiles//...2011_53_51.jpg
وقام بتأسيس عدة شركات. من بينها شركةE.A.F للخدمات الملاحية التي تعاقدت مع شركة مصر للطيران لتقديم هذه الخدمات مقابل32 ألف جنيه تسددها سنويا لمصر للطيران, في الوقت الذي كانت فيه أرباح شركة مصر للطيران من هذه الخدمات32 مليون جنيه,
مما تسبب في خسائر متراكمة للشركة بلغت مليار جنيه.
كما أسس شركة يونيكاب للأوراق المالية التي تولت بيع71 شركة قطاع عام بالمخالفة لقيمة التقويم الحقيقية لها, وتمت تلك الصفقات في فترة تولي عاطف عبيد وزارة قطاع الأعمال العام, ومنها الدلتا لحلج الأقطان, وعمر أفندي, وبنزايون, وصيدناوي, وستيا, و105 شركات في الصناعات الهندسية.
وكشف السجل التجاري بمصلحة الشركات عن أن شركتي سوديك ـ السادس من أكتوبر للتنمية العقارية ـ و بيفرلي هيلز مملوكتان لعلاء مبارك وصهره مجدي راسخ, وخاله منير ثابت وآخرين, وتعمل الشركتان في مجال بناء القصور والفيلات الفارهة وملاعب الجولف في المدن الجديدة, وكانت أرض مشروع بيفرلي هيلز مخصصة للإسكان الشعبي, إلا أن وزير الإسكان الأسبق محمد إبراهيم سليمان سحب الأراضي من الأهالي وسلمها إلي مجدي راسخ.
تفتكر دون اوتيفا مين اللى مسئول عن الخسائر دى
مين المسئول عن معاقبة الطيار على مراد
تقبل تحياتى دون اوتيفا
على فكرة
الفريق شفيق طلع رجل افعال
لكن افعال...............................
يا استاذ عادل ده في ناس بتقول علي العدو الاول للثورة و المدافع الرسمي عن النظام
اسواء شيئ هو محاولة البعض احتكار الثورة و الظهور بمظهر الابطال المدافعين عنها و اتهام اشخاص نزلوا في الايام الاولي لما كان النزول في خطورة انهم دلوقتي اعداء الثورة و المدافعين عن النظام
يعني حضرتك لو نزلت يوم الجمعة تطالب باقالة شفيق و استبدال المجلس العسكري بمجلس مدني تبقي كده زعيم الثوار و بطل الابطال حتي لو دي كانت اول مرة في حياتك تنزل ميدان التحرير
لكن لو نزلت ايام الضرب و الامن المركزي و بعدين قلت انا موافق علي شفيق و موافق علي بقاء الحكم العسكري حتي تستقر الاوضاع لعمل انتخابات تبقي كده عدو للثورة و المدافع الاول عن النظام
بس الحمدلله انا باقول رأي اللي بيشاركني فيه ناس كتير قوي و لا اخشي لومة لائم
المطالب ممكن تزيد لما يكون في مبرر منطقي و ساعتها هتلاقي الناس كلها موافقة
يعني مثلا قبل يوم 25 يناير كانت المطالب اقالة العادلي...تعديل الدستور...حد ادني للاجور...الغاء قاون الطوارئ...بعد العنف و الاحداث المؤسفة يوم 25 لحد 28 ارتفع سقف المطالب للمطالبة باسقاط الرئيس و اصبح من غير المقبول استمرار الرئيس في الحكم حتي لو تم تنفيذ المطالب كلها...و بعد يوم 2 فبراير اصبح هناك ضرورة لمحاسبة الجميع بما فيهم الرئيس و رموز الحزب الوطني
لكن مرة واحدة يطلع ناس يقولوا نشيل حكومة شفيق و نشيل المجلس العسكري و نحط مدنيين مكانهم و طبعا من غير انتخاب يبقي ده الي مالوش مبرر و محاولة واضحة للقفز علي السلطة و ازاحة حكم الجيش الذي يتفق و يثق فيه الغالبية العظمي من الشعب و استبداله بمدنيين استحالة يتم الاجماع عليهم في ظل الظروف الحالية و ده معناه الدفع بالبلاد لمزيد من الفوضي و الانقسام
لما شفيق مسك انا كنت مبسوط جدا انه بيطلع كتير علي الفضائيات و يتكلم مع الناس رغم ان في ناس اتريقت عليه و قالت ده معاه موتسيكل و بيلف علي الفضائيات لكن الحقيقة انه كسر الحاجز النفسي اللي بين الشعب و الحكومة و بنشوف رئيس وزرا بيرد علي الناس و يتكلم معاهم و لا يخجل من الاعتذار للشعب علي عكس نظيف اللي كان متعالي جدا علي الناس و بيعتبر انهم مش فاهمين حاجة
بس كل حاجة لها مميزات و عيوب...ظهوره المتكرر علي الفضائيات خصوصا انه علي الهوا بدون تحضير وارد جدا يؤدي لحدوث اخطاء و زلات لسان ناتجة عن النفعال و الهجوم المتبادل...و طبعا لو جبت اي شخصية عامة بتطلع كل يوم علي التلفزيون هايتمسك عليها كلمة او اتنين زي ما حصل مع شفيق...بس مش المفروض اننا نشيل رئيس وزرا عشان قال كلمة ماعجبتناش...لان البديل اني اللي يجي بعديه يرجع للنظام القديم و يقعد في مكتبه بعيد عن الناس عشان ما يتمسكش عليه اي غلطة او زلة لسان
ظلم انك تطلب من اي حد في البلد اليومين دول جدول زمني لانه ببساطة ممكن اي حاجة تحصل تلخبط الجدول ده و ساعتها هيبقي هو اللي غلطان عشان لم يلتزم به و البديل انه يطلب فترة طويلة لتنفيذ المطالب و ساعتها الناس برده هاتقول بيماطل
بس مفيش يوم بيعدي من غير ما نسمع اخبار حلوة
و لسه امبارح خبر منع الرئيس و عائلته من السفر
انا مقتنع لو الرئيس هايتحاسب يبقي مفيش حد بعيد عن الحساب
فرض مدنيين علي الشعب من قبل مجموعة لا تمثل الا نفسها هيكون نقطة سودة في تاريخ الثورة و ها يؤدي لفوضي و تناحر علي السلطة و الحكاية مش هاتتلم تاني و لا بعد سنين طويلة
حضرتك بتكلم ناس نزلت يوم 25 و اللي مانزلش كان متابع كل حاجة علي النت
المطالب قبل 25 كانت اقالة العادلي - حد ادني للاجور - الغاء الطوارئ - تعديل الدستور
الاستجابة الكبيرة لاعداد كبيرة من الناس و النزول للشارع بالاضافة لاخطاء النظام في التعامل معهم هي اللي وصلت بينا للمكاسب الحالية و ادينا شايفين الرئيس و عائلته ممنوعين من السفر من امبارح
على فكرة , سواء حضرتك نزلت او لأ , انا مقتنع انك فاهم غلط بصراحة , انا ما شفتش حد خالص هنا قال على نفسه بطل الثورة (شفتها بس اتقالت كتير للتريقة ) سواء نزل من الأول ولا نزل من الآخر , ولا شفت حد قال على اي حد لمجرد - فقط - انه مقتنع بوجود شفيق انه عدو الثورة , لكن للأسف فيه ناس مخدوعين في شفيق ( ده رأيي على الأقل )
انا عن نفسي على فكرة مش شايفك خالص المدافع الرسمي عن النظام ولا عدو الثورة الأول, انا حاسس انك فهمت غلط و اكيد ده حد تاني
اظن ان تاريخ اضافة الصورة واضح , التاريخ مش هايكدب يا استاذ وائل , انا ما عنديش سبب يدعوني للكدب عليك بالمناسبة
واضح من كلام حضرتك انك غير ملم بأحداث الثورة
فمطلب الثورة منذ اليوم الأول هو رحيل مبارك وكانت معظم الهتافات تقول ارحل + الشعب يريد اسقاط النظام
ولو حضرتك كنت نزلت يوم 25 يناير اكيد مكنتش هتردد الكلام دة
وده فيديو انا صورته بنفسي لعمرو واكد (اول فنان نزل يوم 25 يناير) وهو يردد مع الجماهير ارحل ارحل يا مبارك
وشوف تاريخ وضع الفيديو على اليوتيوب
[youtube]http://www.youtube.com/watch?v=63Bn6AfjCek[/youtube]
رجاء مره اخرى من الناس يا ريت محدش يردد اي كلام بيسمعه ويحاول يتأكد من اي كلمة مشفهاش بعينه لأن اصحاب الثورة المضادة موجودين في كل حته وبيحاولوا بثيروا الفتن بين الناس
ها قول لحضرتك ألي بيحصل من أصلاحات ومحاسبة كبار رجال الدولة الفاسدين
حقائق واضحة لا تحتمل التشكيك
ألي حضرتك بتستشهد بيه مجرد أشاعات لا دليل على صحتها
وبفرض بقول بفرض أنه عنده فساد ما رغم عدم وجود أي دليل على ذلك
فيكفيني أن القوات المسلحة تثق فيه لأن الثقة أهم بكتييييييييييير من الأختيار بناء على الكفاءة فقط...........أحنا في مرحلة حرجججججة جدا الولاء كفته ترجح سنة عن الكفاءة
كل الأنجازات الحالية تأكد أن الرجل جاد في الأصلاحات وبدعم من القوات المسلحة والمخابرات المصرية والأمن القومي والأستعانة بعلماء القانون (اللجنة الدستورية)والعلم(زويل على سبيل المثال)
تحياتي دون أمادو
طب هو فيهه امل نشوف واحد ايده نظيفه ينظف القطاع العام
وسط كل هذا الفساد
حضرتك قلت ان فيه بلاغات امام النائب العام صح
يبقي النائب العام يتصرف فيها واي حد مسئول عن فسا د دلوقت قضية يعني مفيش تفاهم
لكن موضوع على مراد متهيالي اتناقشمن كام يوم مع محمد ممودح واثبت ان على مراد مهمل ويستحق الفصل وارجع للموضوعات شوية واقراه
المهم الورقة الموجودة في صفحة 25 يناير اللى اقسم بالله ما شفتها قبل الثورة حتي تاريخ وضعها يوم 25 يعني بعد ما الناس نزلت فعلا وحتي لما وضعت معرفش كانت مخفية فين
بالطبع لا يوجد ما يدعوك للكذب ولكن الدعوة للتظاهر او الثورة يوم 25 يناير بدات قبلها باكثر من شهر تقريبا والصورة نزلت يوم 25 يناير بعد ما الناس كانت في الشارع فعلا وكان الهتاف بعيش حرية عدالة اجتماعية هذا هو الهتاف الذي سمتع باذني في التحرير ولن اصدق ورقة تتعارض مع سمعته اذني او راته عيني
الدليل
من عنده دليل على فساد شفيق او اي شخص يكون عنده الشجاعة ويقدمه للنائب العام اما القاء التهم بدون دليل ونشر الشائعات فكلنا نعرف حكم الشرع فيها
بالوضع الحالي لا
لان اي مدير لو خصم يوم لموظف مهمل او تسبب فيخسائر وكان الموظف له شلة اصحابه في الشغل هايعملوا مظاهرة ويطلبوا طرده وطبعا هايطرد وهكذا على كل المستويات وهذا هو الوضع الحالي
مثال بسيط محمد الصاوي صاحب ساقية الصاوي الكل يشيد بدوره في احياء الفن ولامعرفة الراقية من خلال الساقية والكل كان بيقول ليه واحد زي ده ميمسكش منصب في الثقافة فجاة عين وزير للثقافة خرج شوية موظفين في وزارة الثقافة يعترضوا وشوية كان عندهم امل في كرسي الوزارة يعترضوا
انا معاك ان الاهم الكفاءة وليس الثقة
هات ادلة حقيقية ان شفيق غير كفئ كرئيس للوزراء وده مستحيل لانه اصلا بقاله اقل من شهر والموظف في اي مكان لازم يقعد 6 شهور فترة اختبار وهو اصلا مش هيكمل المدة دي
وفي المقابل هات لي اسماء الناس اللى هاتمسك المجلس الرئاسي المدنيين والدليل على انهم كفاءة وانا متاكد ان كل واحد منها هايطلع لها انصار الاخرين ملفات هو كمان
ببساطة شديدة هو شفيق بيجيب اي واحد يقوله تعال ابقي وزير من غير الامن القومي ما يقول رايه ؟ ومن غير المجلس العسكري ما يوافق ؟
وبعدينبسيطة وزير التبرول الجديد ووزير العدل ووزير الخارجية وعلى البيع ةوزير الداخلية الاربعة خارجين قريب لسة قاري الخبر من شوية
ولو عايز شفيق يمشي حلفت قبل كدة اني موافق انه يمشي بس ننهي بقة موال الاعتصامات اليومية الشاملة الكاملة والتهديد بيها كل شوية على الانترنت لسبب شكل
كدة الخسائر اكبر من المكاسب بكتير جدا
وزي اوتيفا ما بيقولك
تحياتي دون امادو
غير ظاهرة فعلااقتباس:
دلوقت تتحط في الوجه صورة لم تكن ظاهرة من قبل ويقال ان هذه المطالب من اول يوم
لا تعليق
http://www13.0zz0.com/2011/03/01/11/276275913.jpg
ما كنتش اعرف خالص انها مطالب غير ظاهرة , بس مصراوي طلع يعرفها من يوم 4
ط£ظƒط¨ط± ظ„ط§ظپطھط© ظ„ظ…ط·ط§ظ„ط¨ ط´ط¨ط§ط¨ ط§ظ„طھط.ط±ظٹط±
و الراجل ده يعرفها من يوم 26
ظ…ط·ط§ظ„ط¨ ط§ظ„ط´ط¹ط¨ ط§ظ„ظ…طµط±ظ‰ ط§ظ„ط¹ط§ط¯ظ„ط©
http://sphotos.ak.fbcdn.net/hphotos-..._7508325_n.jpg
و طبعا الجريدة دي ما كانتش تعرف ان المطالب دي غير ظاهرة هي كمان
ط£ظ‡ظ… ظ…ط·ط§ظ„ط¨ ظ…ط¸ط§ظ‡ط±ط§طھ “ظٹظˆظ… ط§ظ„ط؛ط¶ط¨”: ط§ظ„ظ…ط·ط§ظ„ط¨ط© ط¨طھظ†ط.ظٹ ط§ظ„ظ‚ظٹط§ط¯ط© ط§ظ„ط³ظٹط§ط³ظٹط©.. ط.ظƒظˆظ…ط© ظˆظپط§ظ‚ ظˆط·ظ†ظٹ.. ط.ظ„ ط§ظ„ط¨ط±ظ„ظ…ط§ظ†.. طھط¹ط¯ظٹظ„ ط§ظ„ط¯ط³طھظˆط±.. ط¥ظ„ط؛ط§ط، ط§ظ„ط·ظˆط§ط±ظ‰ط،.. ط¥ط·ظ„ط§ظ
ولا دي كانت تعرف انها غير ظاهرة
http://www.ommahconf.com/Portals/......U5TVNZPSt1.plx
ولا الراجل اللي جاوب الاجابة دي كان يعرف من يوم 26 يناير انها مش ظاهرة , باتكلم عن تاني واحد مش اول واحد , هاه ؟
ظ…ط·ط§ظ„ط¨ ط«ظˆط±ط© 25 ظٹظ†ط§ظٹط± - طھظ…طھ ط§ظ„ط¥ط¬ط§ط¨ط© ط¹ظ†ظ‡ - Google ط¥ط¬ط§ط¨ط§طھ
أكمل باقي النتايج اللي طلعت في السيرش ولا ايه ؟
كل دول من جوجل لسه الفيس بوك كمان
عادي جدا بقى , انا و اغلب الناس شايفين هجومك الغير موضوعي على الثورة و كل ما فيها من اول يوم لحد دلوقت و اللي يبص بصة سريعة في مواضيعك و مشاركاتك هايفهم من غير اي تعب
ببساطة شديدة هو شفيق بيجيب اي واحد يقوله تعال ابقي وزير
الفريق شقيق هو اللى اختار الاسم
و المشكلة فى موضوع اهل الثقة زى ما دون اوتيفا قال
يبقى مين صاحب الاختيار من الاول دون محمد
اكيد الفريق شفيق
(وبعدينبسيطة وزير التبرول الجديد ووزير العدل ووزير الخارجية وعلى البيع ةوزير الداخلية الاربعة خارجين قريب لسة قاري الخبر من شوية)
المصدر دون محمد
لحسن فيه ناس هتفرح اوى لو الخبر طلع صحيح وياريت الفريق شفيق معاهم
وزي اوتيفا ما بيقولك
تحياتي دون امادو
تقبل تحياتى دون محمد لك و لدون اوتيفا
:x1[1]::x1[1]::x1[1]::x1[1]::x1[1]::x1[1]::x1[1]::x1[1]::x1[1]::x1[1]:
ردوا بقى ..... يلا حتقولوا ايه ؟؟؟؟ ...... كنتوا بايتين بره
بس انتوا عندكوا حق ...... فى ناس كتير منكو ماكنتش مركزة ايه هى مطالب الثورة ولا كانوا عايزين ثورة اصلا
فى ناس كانت مركزة بس فى شتم المتظاهرين و التقليل من شأنهم و التطاول عليهم
محدش قعد كدة يتكلم و يناقش المطالب دى ...... عشان نشوف ايه هو الصالح لبلدنا
لأ الكلمة اللى على طول ماسكنها ..... المطالب مش حتخلص ...... المطالب ملهاش سقف
زى مايكونوا الثوار طالبين شقة و عربية و رحلة لدبى لكل واحد فيهوم
ولما ترد عليهم و تفحمهم بالدليل ....... فى مواضيع كتير
مايردوش و ينقلوا الحوار لموضوع تانى
رجاء بس ما تستخدمش صيغة الجمع لأن فيه ناس بتاخد الكلام على نفسها بالغلط و فيه ناس بتفتكرك موجه كلامك لكل الناس اللي ضد مبدأ التظاهرات (و فيهم ناس رايدين خير) , و انا و انت فاهمين ان كلامك موجه لمجموعة معينة واخدة الخط ده من لحظة رجوع النت مرة تانية بالتحديد و اسلوبها باين عليه اوي ان الموضوع مش طبيعي
للعلم الموضوع مش تحدي ولازم كل حاجة تطبق بالملي لأنه مش هايحصل ومش فارق بالفعل
ألي يفرق والأهم روح ومضمون المطالب (العدالة والأصلاحات السياسية)والطريقة الأصلح للوصول لها
ها أيه رأيك دون أمادو........3 حيتان في ضربة واحدة أيه رأيك في الشغل البروفيشنال والتقسيم الجامد ده
أضاع على الدولة 5 مليارات
منع وزير العدل من السفر
الثلاثاء, 01 مارس 2011 13:20
http://www.alwafd.org/images/news2/ny33ro70.jpg
ممدوح مرعي
كتب- صابر مشهور:
كشفت مصادر رقابية أن المستشار عبد المجيد محمود النائب العام، قرر منع المستشار ممدوح مرعي وزير العدل من السفر خارج البلاد على خلفية تورطه في قضية إهدار 5 مليارات جنيه لصالح رجل الأعمال سليمان عامر الممنوع أيضا من السفر.
وأوضحت المعلومات أن وزير الزراعة الأسبق يوسف والي منح رجل الأعمال سليمان عامر نحو 2000 فدان في طريق القاهرة الإسكندرية الصحراوي لاستصلاحها وزراعتها، مع السماح له ببناء مساكن عليها في حدود نسبة 7% من مساحتها.
وبعد عدة سنوات، حصل عامر على موافقة هيئة التنمية الزراعية بزيادة المساحة المسموح بالبناء عليها إلى 60%، ولدى مطالبة وزارة الزراعة لعامر بدفع فارق السعر، اجتمعت لجنة وزارية من 9 وزراء لبحث موقف عامر.
وترأس اللجنة المستشار ممدوح مرعي وزير العدل، وقررت اللجنة الاكتفاء بتغريم عامر مبلغ 47 قرشا عن كل متر بالتقسيط لمدة 5 سنوات، وهو ما يعني أن تكلفة المتر الواحد بالغرامة لم تزد على 50 قرشا.
وأشار تقرير الجهاز المركزي للمحاسبات إلى أنه سبق تغريم رجل أعمال بمحافظة السويس ألفي جنيه عن كل متر أرض كان يجب استصلاحها، لكنه أقام مبان عليها، وهو ما يعني أنه في حال معاملة سليمان عامر بالمثل فإن الدولة يكون لها مستحقات مالية قدرها 5 مليارات جنيه.
ورفع المستشار جودت الملط رئيس الجهاز، تقريرا للرئيس المخلوع مبارك عن هذه الوقائع، لكنه رفض إبلاغ النائب العام، وبعد رحيل مبارك بادر الملط بإبلاغ النائب العام، الذي طلب تحريات الرقابة الإدارية وأكدت صحة الواقعة ورفعت تقريرها إلى المشير محمد طنطاوي رئيس المجلس الأعلى للقوات المسلحة، ومن المتوقع أن يصل التقرير خلال ساعات لنيابة الأموال العامة العليا.
منع ممدوح مرعي من السفر بعد المظاهرات واعتصامات التحرير وكذلك منع مبارك وعائلته من السفر وتجميد اموالهم
وده شئ يثبت وللاسف ان التظاهر هو الي يحقق المطالب مع إن المفروض إن المطالب العادلة تحقق من غير الحاجة للاعتصامات
ولا حول لا قوة إلا بالله
أنا لا قلت واضحة ولا مش واضحة من أول مشاركاتي لأن فعليا لست مع تطبيقها بالصورة الحرفية الأهم المضمون عندك الثوار في ليبيا هاينجحو في خلع القذافي ونظامه أنما أشك أن ثورتهم هاتنجح في أستبداله بنظام فعال(للأسف توقعي بقوات أمريكية أو حفظ سلام)
نجاح ثوار وفشل الثورة وربنا يخيب ظني
فيه خطوط عريضة كتيرة سواء داخليا أو دوليا لايمكن المساس بها حتى لو تطور الموضوع لصدام .....على سبيل المثال وليس الحصر معاهدة السلام
المظاهرات تستمر أو لا تستمر لن تصل لأكثر من المعقول في محددات زي ماذكرت.......وأوضح برده أنا مع الثورة ولكني لست مع أستمرار المظاهرات والأعتصامات في الوقت الحاضر بالمرة ولا جمعة ولا أي يوم
ممكن بعد أسبوعين لو في قصور ما منهم تنزل مظاهرة غير كده !
تحياتي
شكله مصر
امرنا لله
نرجع لموضوع للاذكياء فقط
(مشاركات dr-mohamed كلها عقل وحكمة حد يشاركنى الرأى
وهذا بعض منها
خلاص نفضل في مظاهرات كل يوم ان لم تكن مليونية تبقي فئوية وبلاش نشتغل اليوم (18 فبراير)
هما صفحتين اللى كان ليهم دور كبير جدا الاولى صفحة 25 يناير يوم الثورة والتانية شبكة رصد ودي ظهرت بعد بداية التحركات
الاتنين الادمن فيهم مش بيوافق من امس غير على التعليقات المؤيدة ليه واي تعليقات ضده خصوصا ممن شاركوا في لامظاهرات من البداية بيمنع تعليقهم على الصفحة
شبكة رصد ما زالت مستمر في الكذب واخر كذبة ليهم ان فيه 20 عربية امن مركزي اتحركوا من قسم الدرب الاحمر
الغبي ميعرفش ان القسم ده من الاقسام اللى اتحرقت في الثورة وان مفيش قوات امن مركزي داخل القاهرة حاليا في سيارات الامن المركزي ولما اعضاء من الدرب الاحمر كدبوه وقالوا انهم جنب القسم وان محصلش الكلام ده الادمن مقدرش يرد عليهم
معظم الشباب اللى اشتركت في المظاهرات من بدايتها دلوقت رافضين الاستمرار فيها اليوم (18 فبراير)
جايبين احمد ماهر من حركة 6 ابريل والبنت اللى اسمها اسماء محفوظ وواحد اسمه محمد عادل من شباب المتظاهرين زي ما كتبوا
انا عايز اعرف دول في التحرير ولا في مدينة الانتاج الاعلامي
وبيلحقوا يروحوا بيوتهم ويغيروا باالبس النضيف الشيك اللى بيظهروا بيه ازاي
اولها الافندي احمد ماهر بيقول ان كلام رئيس الوزراء والنائب مش عاجبهم واستفزهم اكتر وانهم مصممين على الاستمرار
وكلهم دماغهم متبرمجة على اللى فيها وان الكل عدو ليهم
ومحمد عادل اعترف ان الناس العادية في وسط البلد بتهاجمهم ورافضاهم ولتتحسر على الوضع في وسط البلد (3 فبراير)
الكلام ده كتبته في مشاركات عديدة اليوم لكن اردت ان اجمعه تقريبا في موضوع مستقل
وقبل ان يبدا احدهم باتهامات الخيانة والعمالة للامن او انى من الاستسلاميين او من المضحوك عليهم من اعلام انس الفقي
اقول لكم جميعا قبل ان تعلقوا ارجعوا لمشاركاتي في الموضوع المكتوب عن مظاهرات 25 يناير حتي تعرفوا موقفي المبدئي واني ضد التوريث واستمرار الرئيس مبارك الي الابد والان ابدا بتوضيح رايي:
شاركت في مظاهرات يوم 25 و 26 و 28 وهناك الكثير مما يرويه كل مما عما حدث في هذا اليوم لكن السبت كنت اصبت بشدة في قدمي يوم الجمعة ولم اتبين ذلك الا بعد عودتي للمنزل ولم استطع الخروج مرة اخري بجانب بعض المتاعب الصحية بسبب السكر وكميةالغاز التي استنشقتها على مدار ايام متتالية
وجاء بيان الرئيس ليحقق بعض المطالب ثم جاء بيانه بالامس ليحقق اكثر مما كان يحلم به اولئك الذين خرجوا يوم 25 يناير
وعشت يوم الرعب الكبير لكل المصريين يوم السبت حيث وقف الجميع الاطفال والطلاب والمحامين والمدرسين والاطباء ودكاترة الجامعات جميعا في الشوارع مسلحين بالسكاكين والشوم والعصي دفاعا عن بيوتهم
ليلة رعب واحدة قلبت حياتنا
فما بالنا لو استمر الحال على ما هو عليه ارضاء لمعتصمي ميدان التحرير من المتهورين والمعاندين
هل سنبقي كل ايامنا ننام لنرتاح وليالينا نقف في الشوارع ؟
هل سنصبح عراق اخري
ناهيكم عن ان كثير من اعضاء اللجان الشعبية خاصة في المناطق الشعبية او القريبة من العشوائيات هم انفسهم من الصيع والبقلطجية لاذين ما ان تنفذ اموالهم لعدم وجود عمل سيتحولون هم انفسهم الى بلطجية ويحصلون الاتاوات ويصبحون مصدر جديد للرعب وهو ما بدا بالفعل في فيصل
الكثبر يوجه اتهامات بأن الشرطةهي التي تركت الميدان وتركت الاقسام والسجون بتعليمات عليا
ورغم ان ذلك محل تحقيق الان من النيابة العسكرية الا اني اؤكد في حدود علمي ان ذلك غير صحيح لاختلاف التوقيتات التي تم فيها ذلك وفي رايي المتواضع
ان السجون تم الهجوم عليها من الخارج من جانب اهالي المساجين بجانب اشخاص مجهولين والكثير من رجال الشرطة دافع عن السجون لكن مع شغب المساجين من الداخل والهجوم من الخارج ونفاذ ذخيرتهم قتل بعضهم وهرب الباقين
الاقسام تم سحب قوتها الاساسية لقمع المظاهرات فانتهزها اهالى المحبوسين من بلطجية ومجرمين في الهجوم على الاقصام بدليل ان القاهرة بها 36 قسم احترق 15 وبقي 21 يعملون واول قسم سقط كان تقريبا قسم مصر القديمة القريب من الجيارة ومصر القديمة وذلك يوم 28 الساعة 4 العصر واخر قسم كان بولاق الدكرور يوم الاحد 30 يناير الساعة 3 العصر
بالنسبة لخطاب الرئيس واستمرار المحتجين حتي الان في التحرير وما جري اليوم
خطاب الرئيس امس تضمن نقاط محددة هي:
1- احكام محكمة النقض بخصوص عضوية مجلس الشعب والشوري تنفذ فورا
وهي كفيلة بقلب الموازين في مجلس الشعب تحديدا وجعل المعارضة تحظي بمقاعد كثيرة جدا
2- تعديل المواد 76 و 78 من الدستور
وللقائلين بانه لم يتكلم عن المادة 88 الخاصة بالاشراف القضائي الرد عليهم بسيط يمكن لثلث اعضاء مجلس الشعب طلب تعديل اي مادة من الدستور وبذلك يمكن لاعضاء مجلس الشعب المصحح عضوياتهم تعديل ما يريدون
اما من يطالبون بحل المجلسين واقامة انتخابات فكارثة لان انتخابات الان تعني حرب اهلية بين مؤيدي المرشحين
اما عدم اجراء انتخابات فكيف سيتم اجراء التعديلات التشريعية والدستورية المطلوبة ؟؟؟؟؟
3- محاربة الفساد وتقديم الفاسدين والمسؤلين عن الانفلات الامن للجهات الرقابية والقضائية لمحاسبتهم
وهم ما بدا اليوم بالاعلان عن ان النيابة العسكرية بدات التحقيق في احداث الانفلات الامني
4- انتهاء التوريث للابد وعدم الترشح مرة اخري
وهو ما لا يستطيع الرئيس التراجع عنه بعد ما حدث وما حدث سيكون درس لكل من يتولي الحكم فيما بعد
وللاخوة المطالبين برحيله الفوري هل سترضون بعمر سليمان بديلا ام ستطالبونه اولا بمحاكمة مبارك واعدامه فإن رفض وجهت له الاتهامات بالخيانة والعمالة لاسرائيل كما قال البعض اليوم ؟؟
وان رحل من هو البديل المطروح حاليا في هذه اللحظات العصيبة ؟؟؟؟؟؟؟؟؟
ايمن نور : مزور من نعومة اظافره وكبار السن يذكرون حين ادعي وهو محرر في جريدة الوفد حين قام بالاتفاق مع احد الاشخاص وصوره في منزله بعد ان قام بعمل علامات في جسده بعملة معدينة وادعي انه صور المعذبين في امن الدولة وتم حبسه وقتها للتزوير
وكبار السن يذكرون كيف كان يجلس تحت قدمي فؤاد سراج الدين باشا يلحس قدميه حين كانت مصلحته معه
ولن اتكلم عن ايمن نور الحديث لان الكثيرين يعرفونه
البرادعي : عميل امريكا ورجلها الذي وصلت به الى منصب مدير وكالة الطاقة الذرية ومنحته جايزة نوبل من صمت على اتهام العراق بل واتهمها بانها لديها اسلحة محظورة وعرضها للتفتيش
من اتهم مصر بان لديها سلاح نووري واخضعها للتفتيش
من لم يفتح فمه بكلمة عن اسرائيل
من قبل التكريم من سنوات قليلة فقط من مبارك ومنجه قلادة النيل اعلى وسام في مصر
الاخوان : ومن ادراكم انهم اقل ديكتاتورية من مبارك في عز جبروته ؟ اسئلوا النقابيين خاصة المحامين عما فعله الاخوان حين وصلوا للسيطرة على النقابات وعن رحلات الحج والمصايف المجانية والعلاج المجاني للاعضاء من الاخوان وحرمان الاخرين من اي شئ
ثم هل وصل الاخوان للحكم هل سيتقبل مسيحيي مصر ذلك بصدر رحب ؟ اذا كنا في عصر مبارك وكانوا يجأرون بالشكوي دوما بالاضطهاد فما بالنا اذا تولي الاخوان الحكم ؟
هل سنصبح سودان اخري ويتم تقسيمها تحت اشراف دولي كما حدث في السودان في ظل حكومة اسلامية ؟
هل ترضي ان يتولي هؤلاء ممن يتفاوضون الان مع السفيرة الامريكية على اسلوب الحكم ان يتولوا الحكم ؟؟؟؟؟؟؟؟؟ ثم يعيبون على مبارك انه يتفاوض مع الامريكان ؟؟؟؟؟ على القل هو رئيس الدولة ويتفاوض باسم الدولة وليس جماعة معارضة تتفق على كيفية تولي الحكم بالاتفاق مع الامريكان
هل نتبع قناة الجزيرة ؟؟؟؟؟؟؟
هل تعلمون ان الجزيرة يملكها حاكم قطر الذي قام بانقلاب على ابوه ليطرده من الحكم ويجلس مكانه بالاتفاق مع الامريكان ؟
هل تعلمون ان قطر بها اكبر قاعدة امريكية خارج امريكا واوربا وهي قاعدة العديد الجوية ؟
هل تعلمون ان حاكم قطر قام من اعوام بطرد قبيلة بني مرة من حملة الجنسية القطرية كلهم خارج قطر ليلا دون ان يحملوا معهم حتي لبسهم او اموالهم ورماهم في الصحراء السعودية وسحب منهم الجنسية ورفض عودتهم حتي تفرقوا في دولالخليج لمجرد ان بعض الظباط القطريين من هذه القبيلة اتفقوا مع ابوه على اعادته للحكم ؟؟؟؟؟؟
هل هذه القناة هل التي ستوجهنا لما نفعل ؟؟؟؟؟؟؟
نعم انا ضد التليفزيون الرسيم لكن لن اترك عقلي لقناة الخنزيرة الحقيرة توجهني لحرب اهلية ضد ابناء بلدي مصر
من اجل مصر لا من اجل مبارك
فليبقي مبارك حتي نهاية هذه الدورة في نوفمبرالقادم ونري الاصلاحات في هذه الفترة فإن عاد عدنا
وان عاد عما قرره عدنا الي ميدان التحرير وهذه المرة لن تغادره الا جثثنا او جثته (2 فبراير)
قناة الخنزيرة كلاب وعميلة لاسرائيل وامريكا وشوف يا احمد هل هي فعلا بتجيب الحقيقة من يوم السبت ولا بتولع في البلد اكتر واكتر وشوف تمويلهم وليه مفيش كلب منهم يقدر يفتح بقه بكلمة على قطر وبعدين تعرف الديمقراطية عندهم معناها ايه ؟
اما التليفزيون المصري فمين فينا يقدر يختلف معاك انهم زبالة
اولا مش مؤيدين لمبارك وانما مؤيدين لانتقال سلمي للسطة ولاحظ انه بدا فعلا يحصل
وبعدين نرجع نصرخ ونقول الحقونا عايزين الامن
اذا كان بيت المحافظ اتحرق الامن هايحافظ علينا ازاي
هانفضل واقفين في الشوارع رافعين الشوم والسكاكين ايام واسابيع ومفيش شغل علشان نرضي شوية العيال اللى لسة قاعدين في التحرير ؟ (2 قبراير)
والله معاك حق يا ابو فرح
شوية العيال اللى قاعدين في التحرير بالكتير الاف وهيحرقوا بلد 80 مليون لانهم مش عارفين عايزين ايه او هايعملوا ايه غير لما يرجعوا للفيس بوك الاول
تخيل الفيس بوك هايحدد حياتنا على ايد الاطفال والمراهقين والصيع اللى منتظرين (2 فبراير)
معنى ذلك رفض كل من عمل في النظام السابق بما فيهم شخصيات محترمة مثل عمر سليمان او احمد شفيق او غيرهم لمجرد انهم عملوا في النظام السابق
اذن ناتي بجدد
من هم ؟
الاخوان ام الوفد ام الناصريين ام التجمع ؟؟؟؟؟
ام الشباب في التحرير الان التي تريد العودة للفيس بوك لتعرف ما ستفعل ؟؟؟؟؟؟
وهل اصبحنا كلنا اخوة ام اصبحنا اعداء في ميدان التحرير الان ؟؟؟؟؟ (2 فبراير)
وماذا تريد ان نفعل به ؟
نذبحه يوم عيد الاضحي فجرا حتي يرضي الهمج في ميدان التحرير الان ؟؟؟؟؟؟؟
واجساد الشهداء ال300 سبقتهم اجساد الف في العبارة ولم يفتح احد فمه بكلمة سواء معارضة او مؤيدين وذهب الجميع للاحتقال بكاس الامم
لماذا التفرقة الان ام ان من كانوا في العبارة صهاينة ؟؟؟؟؟ (2 فبراير)
يا اخي انا اتقي الله في البلد
اما من يصمون اذانهم ويرفضون كل شئ لمجرد انهم خرجوا ولا يعرفون ماذا يفعلون لو عادوا فاسف
البلد تحترق والكل يساهم في احراقها مؤيدين ومعارضين
ليرجع الجميع لبيوتهم الان انقاذا لمصر وليس لمبارك او غيره
وجودهم في التحرير خاصة بعد ما جري امس غلط غلط غلط غلط
وما جري من مشاجرات متبادلة كله غلط
ارجوكم ارحموا البلد
معظم الشرفاء ممن خرجوا يوم 25 يناير رجعوا لبيوتهم ومن بقي الان هم من ليس لديهم هدف ولا يعرفون ماذا يفعلون اذا عادوا وليس لديهم هدف او خطة
البلد تحترق
كلنا مرينا بيوم الرعب والخوف على بيوتنا واهلنا يوم السبت حيث السرقات والاصابات والقتل والاغتصاب ولا تقل لي انه من الحزب او الامن فالكل اشترك فيما جري
ارجوكم اتقوا الله في البلد جميعا وليعودا لبيوتهم (2 فبراير)
انا متاكد انك بتتريأ طبعا
لكن قول لي وماذا بعد البقاء في ميدان التحرير ؟
رحيل مبارك
وبعد ان يرحل هل سيعودوا لبيوتهم ؟
والله والله لن يعودوا الا بعد طلبات جديدة وكل ما ينفذ طلب يظهر طلب جديد ثم طلب جديد وهكذا
العناد والكبر والغرور والصلف والكبرياء لدي كثيرين ممن بقوا في التحرير اكبر بكثير مما عند النظام
ولو شفت اللى اسمها مها امبارح على الحياة وهي من المتظاهرين هتعرف بتكلم عن ايه
اما المتظاهرين المحترمين فرجعوا لبيوتهم فعلا (2 فبراير)
انت حر بالنسبة لنفسك وانك تقرر انهم يستاهلوا الموت او الاصابة علشانك او لا
لكن انا عن نفسي لا اريد ان يتحدث احد او يتخذ موقف بالنيابة عني
انا راقض لكل ما يجري بميدان التحرير من الطرفين
والملوم هم من اصروا على البقاء خاصة بعد بيان الامس
اما من يحرق الاخر او يضرب الاخر فيهم فما رايناه على كل الشاشات الطرفين بيضربوا بعض والطرفين بيتهموا بعض بالعمالة واجانب مالييين ميدان التحرير محدش يعرف بيعملوا ايه ولا مصلحتهم ايه ومتثوليش ان الاجانب كمان بيدافعوا عني (2 فبراير)
معاك في ان الجزيرة اكبر قناة عاملة تغطية لكن مش معاك ان كل المتصلين بيها محترمين فهي تختار من تتصل بهم او من تعطي لهم الميكروفون
وكذلك مش معاك ان كل اللى بيتصلوا بالقنوات الخاصة ام من رجال النظام او مدفوع لهم والا ينطبق نفس الكلام على الطرف الاخر
اما ان امريكا خايفة من الاخوان فزي ما اتصلت بمبارك كانت بتتصل بالاخوان والنهاردة كان فيه اجتماع بينهم وبين السفيرة الامريكية والامس مع البرادعي يعني كله بيدور على مصلحته (2 فبراير)
والله لو اعدموا مبارك بردو ما يسكتوا
دول عايزين البلد تحتل او تتقسم وتحصل السودان
دي خطة اكبر مننا وكتير مننا بيستخدم كاداة فيها
وشم هايسكتوا الا لما نحصل العراق او السودان (2 فبراير)
رديت عليك لكن الظاهر ردي مش عاجبك علشان كدة بتقول اني مرديتش
وبدين ايه بلاش اتشدق بمصلحة الوطن دي
يعني يا اما اتفق معاك ونخرب البلد سوا يا اما ابقي بتشدق بمصلحة الوطن
ايوة مصلحة الوطن دلوقت حالا في رجوع الجميع الي بيوتهم والا عايزين تبقي مجزرة من الطرفين
مصلحة الوطن في انتظار تنفيذه لبيانه والتزام عمر سليمان والا فميدان التحرير موجود مش هايطير
وايوة اللى لسة قاعدين في التحرير بيرفعوا طلباتهم ومش عارفين هما هايوصلوا لايه في النهاية
والشعب يريد اسقاط النظام يعني ايه ؟
اولا الهتاف مسروق من التوانسة
ثانيا لا يوجد ما يسمي باسقاط النظام والا البديل هو الفوضي يا ريت نفكر الاول بس شوية
الصحيح الشعب يريد اسقاط الحكومة اما النظام فلا يسقط والا نعود لعصر الفوضي وهو ما سنصل اليه ما دام الجالسين في التحرير لا يعملون العقل (2 فبراير)
ولو مبارك استقال الناس هتهدي ؟؟؟؟؟؟؟؟؟
والله ما هيحصل وهيقولوا لا لازم يتحاكم ويتعدم
ولو اتعدم هيقولوا لا مش كفاية لازم عمر سليمان يتعدم ماهو راجل النظام هو كمان الخ الخ الخ ومش هنخلص (2 فبراير)
قناة العبرية في نشرتها الاخبارية دلوقت الساعة 7 صباحا بتقول ان الاخوان المسلمين في الاسكندرية رفضوا المشاركة في صلاة العشاء مع المتظاهرين
واقاموا صلاة العشاء وحدهم خلف امام منهم خاص بهم وبعد الصلاة اقاموا الميكروفونات واطلقوا شعارات خاصة بهم ؟
هل هذا صحيح ؟؟؟؟
وبفرض كذبه الا يشكك ذلك في كل الاخبار التي تذيعها القناة ؟؟؟؟؟
وبفرض صحته الا يثير ذلك الكثير من الشكوك والتساؤلات ؟؟؟؟؟؟؟؟ (5 فبراير)
هلت حين علمت بطرد وائل غنيم اليوم من ميدان التحرير بعد صلاة الجمعة ومنعه من الصعود للمنصة لالقاء كلمة
وائل غنيم الذيكان حتي ايام مضت هو من اشعل شرارة الثورة ولعب الدور الابرز في التمهيد لها وكان بكائه مع مني الشاذلي مما دفع عشرات الالاف للنزول في الجمعة التالية تم منعه اليوم من التحدث واجباره على مغادرة ميدان التحرير لم اصدق الخبر وبحثت عنه في مصادر متعددة فوجدتها كلها تجمع على الحدث بعض القنوات قالت ان من طرده هم شباب التحرير الثوار وبعضها قالت ان من طرده هو حرس الشيخ القرضاوي
لن اتكلم عن وائل غنيم فكلكم تعرفونه ولكن اتكلم عما حدث اليوم لماذا منع وائل من الحديث ؟؟؟؟؟؟؟؟؟
هل منعه من الحديث وقد شارك في الثورة اكثر مما شارك غيره من امثال الكتاتني والقرضاوي وغيرهم اشارة خطر
هل هذا هو النموذج الديمقراطي الجديد
ألم أقل من أيام ان الحرية الان هي حرية رايي في ان اقول ما اريد والديمقراطية ان توافقني على رايي وغير ذلك أنت عميل وخائن ؟
هذا ما قيل اليوم لوائل في التحرير يا وائل يا جبان يا عميل الامريكان
هل لم يعرفوا الا اليوم حين اعتلى القرضاوي المنصة ان وائل عميل للامريكان
ام ان هذا نموذج التعامل في العصر القادم مع من يخالف الاخوة ؟؟؟؟؟؟؟
هناك مقال نشربجريدة الشروق اليوم الجمعة مترجم لكاتية ايرانية يا ريت تقراوه مهم جدا (18 فبراير)
سوء تفاهم ايه ان يطلع على المنصة كل من هب ودب ويطرد وائل غنيم
ولا هو ده الاسلوب الجديد نمنع اي حد يقول رايه ويبقي سوء تفاهم ؟؟؟؟؟؟ (18 فبراير)
اسمح ليا ختلف معاك يا كريم بيه
بداية سرقة الثورة من صانعها الحقيقي وهو الشعب المصري والقضاء على كل من ساهم بدور فعال فيها زي وائل مرة بتشويه السمعة ثم بعد ذلك بالمنع بالقوة ودورنا كلنا جاي (18 فبراير)
عارف يا خالد بيه والكارثة اننا شايف اننا بجد داخلين عليها بالوضع ده
او الاسوا داخلين على حرب بمعني الكلمة
ازيك يا دكتور احمد
الخوف ان اللى بيركبوا الموجة دول واللى فاهمين ان الثورة هي تدمير كل شئ هيغرقوا المركب باللى فيها
وزود دول كمان يا سيدي في اخر نصف ساعة بس
6:25 آلاف يحاصرون مقر محافظة كفر الشيخ ويدمرون مقر القوى العاملة بها
6:20 آلاف العمال في حلوان وكفر الدوار وكفر الزيات يتظاهرون ضد الحكومة
6:15 متظاهرون في منفلوط يوقفون حركة المرور في طريق مصر أسيوط الزراعي
6:10 بي بي سي: مظاهرة في ميدان الأربعين في السويس تطالب برحيل مبارك، وعمال 11 شركة يواصلون الاعتصام هناك بسبب تدهور أوضاعهم المادية (9 فبراير)
ظرف حاجة ان لابي بي سي بتعيد لقاء مع الدكتور عصام العريان بيقول ان لابد من الوصول الي اهداف الثورة وحوارنا مع الحكومة يجب ان يكون حوار بين متكافئين بينما رفضوا من البداية المشاركة في 25 يناير واعلنوا عدم مشاركتهم فيها
انا عايز اعرف ازاي جماعة حوالى مليون شخص ان تتعامل مع الحكومة الشرعية على وجه التكافؤ ؟
المهم بص يا هشام بيه انا متوقع حتي لو نجحت الثورة الاسوا على الاقل لسنوات
اذا كانوا من دلوقت والاحزاب بتتخانق على التورتة والاخوان معاهم واقباط المهجر في شخص مايكل منير معاهم ومتظاهري 25 يناير معاهم وهم نفسهم كل واحد فيهم مش معترف بالتاني اي واحد يتكلم يطلع له اتنين يقولوا مش بيعبر عننا
واللى هايمسك الحكم من اي من السابقين او باقي المرشحين المحتملين هايحتاج وقت علشان يفهم اصول اللعبة وبعد ما يفهمها هايحتاج يظبط مستقبله بعد ما يترك السلطة اذا كانت هناك النية لتركها(9 فبراير)
دلوقت الرئيس تنحي فعلا
والسلطة في يد المجلس الاعلى للقوات المسلحة
والفريق عنان في التليفزيون يعني فيه بيان تانى من المجلس الاعلى للقوات المسلحة
مبروك على الجميع الاحكام العسكرية (11 فبراير)
معظمهم دلوقت الصيع والرعاع والعواطلية اللى لو روحوا من التحرير والامور استقرت بكرة هايحتاروا يعملوا ايه
انما الناس اللى عندها شغل واطفال واسرة ومتطلبات روحوا وبياكلوا في نفسهم علشان المستقبل (3 فبراير)
التليفزيون المصري مش زفت للدرجة دي امبارح واحد بيقول انه متصل من اليونان وبيهاجم النظام بعنف ومقفلوش عليه
والجزيرة اول ما عرفوا اني لامؤيد ولا معارض حاليا انتظر على الخط ومعاك ربنا والعداد شغال دولي قفلت مش هكدب عيلك مش هضيع فلوسي وانا مستني الجزيرة ومش هاتدخلنى هوا ابدا (3 فبراير)
الله ينور عليك
الكل عايز ياخد حتة من التورتة وان شاء الله البلد تولع
ارجو الجميع العودة لبيوتهم قبل ان يحترق البيت الذي يضمنا وياتي الاغراب ليطردونا منه او يزلونا فيه
ارجوكم ارجعوا لبيوتكم ولا تجعلونا نبكي اكثر مما بكينا اننا شاركنا من اول يوم (3 فبراير)
مهدي عاكف مرشد الاخوان اللى قال طظ في مصر
واللى قال ان ممكن افغاني يحكم مصر دلوقت عايز يتفاوض باسم مصر وكمان بيتأمر وبيرفض التفاوض (3 فبراير)
والله يا كنج نفس اللى عملته هو اللي انا عملته
ونفس رايك في كل شئ
وعايز الناس اللى في التحرير كلها تمشي بقة تعبنا وعايزين نشوف حل للوضع الماساوي اللى داخلين عليه اكتر مما كنا عليه
واللى في التحرير اما شباب صغير جدا زي الولاد اللي كانوا في المحور وعددهم 8 منهم 5 في الحزب الوطني علشان الرحلات يعني شباب عقلها لسة على قدها
بيقودهم جماعات من اصحاب المصالح من الاخوان للاحزاب كلها للبرادي لايمن نور الخ الخ الخ الخ
والنهاية حريق البلد واحتمال احتلالها او تقسيمها (3 فبراير)
ناس كتير جدا من اللى راحت المظاهرة ومن يوم 25 وكتير جدا يوم الجمعة كان معاهم مولوتوف واسلحة بيضاء وشفتهم بعيني وانت شفتهم في التغطية الاخبارية لما اترمت المولوتوف جوة المدرعة (3 فبراير)
ايه اللي بدات تجيب اللى جواك دي اتكلم معايا بطريقة عدلة يا اما متوجهش كلام ليا نهائي
واتحملوا نتيجة الانتخابات لما يسسكبها البرادعي اللي ميعرفش اي حاجة عن مصر ولما جه الجيزة يوم الجمعة وقف نص ساعة واول ما المظاهرة بدات هرب وراح التحرير يوم الخميس القي بيانه وبعدها ب5 دقايق قال تعبت وهرب
ولا الاخوان اللى بيتفاوضوا مع السفيرة الامريكية والمرشد بتاعهم متفرقش معاه مصر
وابقي اتحمل اي حادثة تحصل ضد المسيحيين في مصر ويطالبوا بالانفصال للهروب من حكم الاسلاميين والغرب كله هايقف معاهم ساعتها
انا مع مصر واللى مش عاجبه هو حر
مع بقاء مبارك لانتهاء فترته الحالية
مع القيام بتعديلات تشريعية ودستورية تضمن عدم سيطرة فصيل بعينه على كل شئ في الدول
واوع تصدق حكاية انتخابات حرة نزيهة دي على مستوي العالم كله مفيش حاجة اسمها انتخابات حرة نزيهة حتيفي امريكا نظام المندوبين والانتخاب على مرحلتين بيغير النتيجة الحقيقية (3 فبراير)
بصراحة انا تعبت لو حد عايز يكمل او يقرأ جميع مشاركات د محمد موجوده وموثقه)
الموضوع مش بتاعى للامانة
لكن لاحد الاخوة الزملاء من المنتدى
احد ابناء محافظة اسوان التى انجبت العقاد
فعلا المحافظة دى اهلها عندهم صبر عجيب و طولة بال
خلتنى ساعتها قولت ان الزميل صاحب الموضوع واخد PhD عن مواضيع الدكتور محمد
و انا لسه عند كلامى
سعو بعض
تقبلو تحياتى
بلاش لأن انا شايف العضو المذكور مصر على تحويل الأمور لصراعات شخصية من بدري اوي , مرورا بكل تلميحاته على الناس اللي بيسخنوا على النت بس (تقريبا الملايين اللي كانت بتنزل ما عندهمش نت) , و انا بصراحة مش عايز الموضوع يدخل في صراعات شخصية خالص
بتتكلم جد دون أمادو دي مشاركات ضد الثورة!!!!!!!!!!
لو هي دي مشاركات د محمد ألي بتتهموه بيها يبقى ياريت كمان دون أمادو تجيبلي مشاركاتي وأتحدى لو فيها أي حاجة ضد الثورة
تحياتي دون أمادو
عند كلامك مش عند كلامك انت حر لا يعنيني في شئ
اولا هذه المشاركات ليست من يوم 25 بل من بعد 29
يعين مش من اول يوم زي ما بتقول انت وغيرك
وصاحب الموضوع اسمه العضو النوبي
وارسل لي رسالة بعدها على الخاص لست في حل من ذكر ما جاء فيها لانها كانت خاصة ويمكنه هو الدخول وذكر الحوار بيننا حول هذا الموضوع
عندك حاجة من يوم 25 هاتها انت
العضو المذكور ده له اسم يا tlrsiap
ومن يصر على تحويل الامور لصراعات شخصية هو من يكذب كذبة ويصدقها
وكلامي عن الناس اللى بيسخنوا عن النت قلته وما زلت مصمم عليه وهم من يقولون انزلوا اتظاهروا وبعد كدة يقولوا مكناش فاضيين ونزلنا متاخرين
عندك ما يثبت ما ادعيته من اني ضد الثورة من اول يوم هاته
لا يوجد انت مطالب بالاعتذار
بيتهيئلى مشاركاتك طالعتهالك قبل كدة ...... وللتذكير
http://www.nilemotors.net/Nile/20265...post3873302556
بالنسبة لمشاركاتى انا ...... دى مشاركة ليا من يوم 27 يناير
http://www.nilemotors.net/Nile/19865...post3873258209
كلمة اخيرة البطولة ولا بالمشاركات ولا بالصوت العالى
مافيش حد بطل الثورة دى و ده سر عظمتها
كل واحد نزل اتظاهر ..... بطل
كل واحد دعا ربنا ينصر الثورة ..... بطل
كل واحد فضل مصلحة بلده على مصلحته الشخصية ...... بطل
كل اب ساب ابنه ينزل المظاهرات ...... بطل
كل واحد بكى على شهداء الثورة ..... بطل
كل واحد قال كلمة حق لوجه الله .... بطل
...................
اسف ..... فى ناس عمرها ما حتبقى ابطال