الموضوع: بوادر تدعوا للقلق من التلاعب بالثورة فلنتيقظ جميعاً دون تسرع ولنتحلى بالصبر الواعي

المشاركة الأصلية كتبت بواسطة ahmed1981

مجرد طلب بالترقب والملاحظة الشديدة حتى لا يتم خداعنا وتنويمنا وليس تحريضاً على الجيش الوطني

المشاركة الأصلية كتبت بواسطة ahmed1981

فهو حتى الآن يسير في الطريق الصحيح ولكن بسرعة بطيئة وأظن أنه متوقف

لماذا بدأت أحس أن الجيش بدأ يعاملنا بطريقة الرئيس المطرود حسني مبارك

أحمد شفيق بدأ يتفرعن ويوقف مذيعين ويبقي على وزراء من أذناب مبارك
وشفيق نفسه ذيل من أذيال مبارك

رجاءاً من السادة المتفائلين جداً إستحضار بعض القلق

الوضع الآن محير

الجيش بدأ يعاملنا بنفس طريقة مبارك قولو اللي عايزين تقولوه بحرية وأنا هعمل اللي عايزه

لماذا هذه الإستماتة في الإبقاء على شفيق يا راجل
المفروض أن الثورة ملك الشعب والجيش إنحاز لها وليس إستولى عليها
وهو أمين عليها لينفذ مطالبها
والمطلوب إسقاط نظام مبارك
فلماذا يظل شفيق حبيب مبارك وأعوانه في الحكم ؟

لماذا لا يبعد الشكوك عنه

الجيش ليس أحمق فهو يمتلك جهاز كامل للتجسس والمخابرات والتحريات والتجسس يعمل أغلبه في الداخل
وهناك تقارير يومية تعرض

محاولة طناش مطالب الثورة سيؤدي لفقدان الثقة بالجيش

أهم مطلب الآن هو تغيير شفيق يا راجل وأذيال مبارك في الحكومة

ثانياً سجن رؤوس الفساد أمثال صفوت الشريف وزكريا عزمي وفتحي سرور ومحاكمتهم

ثالثا رفع الحصانة عن عائلة مبارك ومحاسبتهم كما الآخرين ومحاكمتهم

هذه الإجراءات هي التي ستؤكد أن الجيش لا يلعب بنا ولا يقرطسنا

أما محاولة إدعاء الصمم وعدم السماع لمطالب الثورة
وبعد ذلك بقليل شفيق يا راجل يبدأ في منع من يعارضوه من الظهور في التلفزيونات
والبداية بعمرو الليثي
ثم محمود سعد ومن تبعهم

لا أقول ذلك لأن هؤلاء المذيعين من رجال الثورة

ولكن لظهور سياسة تكميم الأفواه مرة أخرى وهي السياسة التي أقامت الثورة

بعد هذا القلق لا مجال إلا بالنزول لميدان التحرير وكذلك في المحافظات الأخرى النزول في ميادينها التحريرية في أيام الجمعة حتى لا نحدث أضرار بالعمل

وأفضل حل هو أن تكون المظاهرات يوم الجمعة من الصباح
ويتم مغادرة ميدان التحرير قبل الساعة 12 مساءاً
أي أن نخلي بأنفسنا الميدان قبل الساعة 12 مساءاً

وبذلك نمنع أي حجة من الجيش للتفريق بالقوة
ونمنع أيضاً حدوث إندساس من أمن الدولة الملاعين وسطنا بعد منتصف الليل

قد يكون بالفعل وهذا أمر شبه مؤكد ذيول النظام الملعون وأذنابه من كلاب أمن الدولة والبلطجية ورجال الحزب الواطي بدأوا في تجميع أنفسهم بطريقة جديدة وهي:

إفساد المظاهرات بالبلطجة والتحرشات
عمل إحتكاك بين المتظاهرين وبين الجيش

فلو حافظنا على النظام وحددنا وقت للإنصراف وهو قبل بداية حظر التجول سنمنعهم من تحويل المظاهرات لحرب بلطجة وتحرش وغير ذلك

ووقتها سنكون صاحيين لهم وسنكشفهم
فوجوههم معروفة تحس فيها بمسحة الإجرام واللعنة

وسنستطيع القبض عليهم وتسليمهم للجيش

وسننتظر ستجابة واضحة من الجيش لمطالب الثورة
أما لو زاد الأمر واتضح ان الجيش يخوننا سننزل جمعة غضب جديدة مثل جمعة غضب 28 يناير ولن نرجع لبيوتنا إلا بعد تنفيذ جميع المطالب ونحن في الإعتصام

وبإذن الله أتوقع بأنه سيتخذ الجيش خطوات جادة لمنع الغضب العام وهذا ما أتمناه من الله تعالى

والله ولي التوفيق

المشاركة الأصلية كتبت بواسطة د.أبونضال

نفس الفئران تلعب في عبي

أكيد بعد السنين دى كلها لازم الكل يبقى قلقان على الثوره وتحقيق المطالب وعدم التفريط فى الحريه
وأنا شايف كاتب الموضوع بيقول كلمات مثل حاسس وقلقان وخايف ودى كلها مشاعر طبيعيه من أى واحد قلقان على البلد
وكلامك كويس لأنك بتقول فى الأخر :
( وسننتظر أستجابة واضحة من الجيش لمطالب الثورة
أما لو زاد الأمر واتضح ان الجيش يخوننا سننزل جمعة غضب جديدة مثل جمعة غضب 28 يناير )
أذن حضرتك ( فى تقديرى الشخصى ) بتفترض حسن النوايا فى قرارات الجيش ومنتظر الأفضل وده شئ كويس جدا
ولو أتضح أن الجيش بيخونك ( بمعنى الوضوح بالبرهان ) أستحاله هتكون فيه جمعه غضب زى 28 يناير -- لأن مهما كان عدد المتظاهرين فى 28 يناير هيكون صفر على الشمال فى حالة جمعة الخيانه لو جاز ليها التعبير --
كل واحد عنده قلق لكن بمستويات طبقا لرؤيته للوضع
أنا مثلا عارف أن مفيش ومش هيحصل ألتفاف من الجيش لأسباب كتيره جدا جدا
أبسطها جدا أن الجيش عباره عن أيه
عباره عن الشعب ومش كلمه مجازيه بس فعليه لأن كل ضباط وجنود الجيش هتلاقيهم قرايبك وجيرانك وكلهم ناس مثقفه وواعيه
مفيش فى الجيش عسكرى أمى ( لا يعرف القراءه والكتابه ) وكلهم فاهمين اللى بيحصل
كل ضباط الجيش من أول المشير طنطاوى لأصغر ضابط فاهمين اللى بيحصل ومقتنعين بيه تماما من قبل يوم 25 يناير وعايزين يحققوه
مطالب الثوره بيحققوها لكن بمنطق القوات المسلحه
يعنى حضرتك مثلا شفت واحده كويسه وعايز تتجوزها لما بتقول لأهلك هما بيبصوا على حاجات تانيه فىها وفى أسرتها ولما يقولولك موافقين مش بتتجوز فى أسبوع بيكون فيه ترتيب للبيت الأول
يعنى مش علشان أنت شايفها كويسه من وجهة نظرك هما قالوا أمين
ولما قالوا أمين بدأوا يجهزوك فى فتره مش فى أسبوع ولا أتنين
موضوع شفيق ممكن بعد كده الناس تكتشف أنه كان الأحسن للفتره دى وخصوصا أنه بياخد تعليماته من الجيش
و لو الجيش بيمشى بكلام الناس بدون دراسه ممكن يدخل على مواقع الأستفتاء على النت زى مصراوى مثلا ويقول الغالبيه عايزه شفيق ( أخر نسبه 56% ) بس ده مش صح
تفتكر واحد زى يحيى الجمل مثلا أشتروه علشان يوافق يكون فى حكومة شفيق
يعنى مثلا كل الناس عايزه رموز الفساد تتحاكم لكن الغالبيه أندهشت من وجود أسم رشيد فى القايمه وأنا نفسى قولت بس ده كويس جدا
أسماعيل الشاعر أتقبض عليه من حوالى 10 أيام ومن يومين بيتقال أنه كان سايق العربيه الدبلوماسيه
فيه أسماء محدش يعرفها أتقبض عليها ولما شفنا اللى عملوه قلنا كانوا فين دول من زمان
منطق القوات المسلحه هو العمل بهدوء وبدون تسرع للحصول على أفضل النتائج بعد دراسه وافيه
لكن كل ده بيتم بمنتهى السرعه والحزم منهم لكن للناس بيبان أنهم بيشتغلوا ببطء
هما بيبنوا نظام بلد وفيها ناس عايزه تهد

الجيش مبدأه أعطاء المهمه للشخص المناسب والتصرف حسب تقدير الموقف لأن فى الحرب قائد أى وحده مش هيقول وقف الضرب لغاية ما أسأل القياده نعمل أيه

الجمله السابقه شيل كلمة الجيش وحط الشعب وشيل كلمة الشخص المناسب وحط الجيش وشوف هتقراها أزاى
الشعب مبدأه أعطاء المهمه للجيش والتصرف حسب تقدير الموقف

يعنى طبعا نكون قلقانين ومترقبين بس بمبدأ ثقه فى الله أولا ثم القوات المسلحه والشعب ثانيا