عرض للطباعة
انا معايا نوبيرا 1 موديل 97 بعانى مع العفشة بغير جلب المقصات كل 6 شهور بجيب الجلب الكورى
واخر مرة مغير الجلب والبطحات والبارات الداخلية والخارجية وكاوتشات الميزان وعامل شغل العفشة مضبوط
وعلى الرغم من ده كله لسه فى صوت طقطقة فى العربية من تحت
حد يفيدنى ويقولى اعمل ايه مع ان قواعد الماتور حالتهم كويسة
ياريت حد يفدنا عشان موضوع العفشة بتاعت النوبيرا ده مهم اوى وناس كتيير بتاعى منه
وشكرا لحسن التعوان
اللون الاحمر مخصص لاستخدام الادارة فقط
مشرف القسم
ياريت يا جماعة حد يرد علينا قوللى اعمل ايه
شكرا للادارة ومشرف القسم واسفآ لعدم معرفتى بموضوع الخطوط
المفروض انك تجيب جلب اسبانى مش كورى
المقصات ايه اخبارها والمساعدين عاملين كام كيلو
وضح اكتر صوت الطقطقة جى منين
وبيظهر امتا
صوت الطقطة بيظهر فى المطبات والمساعدين الامام حلتهم كويسة
المساعدين عاملين كام كيلو
ممكن يكون الطقطقة من المساعدين
لو صوت الطقة غير منتظم "طك طك" مرة ومرة لاء دي من اتياش الأتزان اللي هما العصاية الميلة من المساعد الي الصرة لما بتبوش بتعمل صوت طقة
صوت المساعد "بوب بوب" ده عادي في المطبات بس لما يعلي يبقي المساعد بدأ يجيب اخرة تكشف علية وعلامة تلفة يكون اويل سيل المساعد خلص و بيجيب زيت ساعتها لازم تغير المساعدين فورا
انا كانت عندى الطقطقة دى مع المطبات وصوت تزييق مع لف الدركسيون.. وطلع انه بيض المقص... عربيتى لانوس
شكرآ الف شكر على الرد يا استاذ/ موكو وياريت من وقت للتانى نتكلم مع بعض عشان نتبادل الاراء وخصوصآ ان معاك نوبيرا 97 زى اللى معايا
شكرآ للاهتمامك
اخوك ابراهم من القاهرة - المعادى
بسم الله الرحمن الرحيم
راجع المقصات بتاعت العربية والزوايا
بس انا كان ليه استفسار هو انه الصوت ده زى ماحضرتك بتقول طقة طقة من وقت للتانى فى المطبات اللى خفيفة مش الصناعية او الثقيلة والله وانا بعانى معاه من اول ماشتريت العربية لدرجة انى فكرت ابيعها عشان استريح من الصوت ده بس ممكن كلامك مضبوط عموما انا هروح للعفشجى واقوله النهاردة وهشوف اعمل ايه وابلغك وشكرآ للاهتمامك