ده لو عربية مركونة 7 سنين، كان التيل مشش
عرض للطباعة
ده لو عربية مركونة 7 سنين، كان التيل مشش
انا معايا رينو كليو 2003 التيل الاصلى اعد معايا 5 سنوات وكان لسه فيه
العربية مش مركونة ولا حاجة وماشية475الف كيلو وياريت الردود تكون أكثر احتراما
يا اختي الفاضلة..
انت اضايقتي بطريقة زائدة عن الحد لمجرد استغراب الاعضاء لكلامك...
الخلاف في الرأي لا يفسد للود قضية ....دة اولا..
ثانيا ..ما حدش تعامل معاكي باي طريقة غير مهذبة...يعني انتي ايلي واخدة الامور بحساسية مفرطة شوية...
الحكاية ..ودة ممكن تحسية لو قرأتي اغلب مواضيع الاعضاء والرد عليها...ان في بعض الاعضاء بيرد بطريقة ساخرة او تهكمية ...لو حس ان كاتب الموضوع خرج عن الموضوعية..او بيقول كلام ..بعيد شوية عن الواقع...ودة مش معناة انة بيسخر من كاتب الموضوع لا سمح الله ...وانما سخريتة موجهه للموضوع نفسة ...للتوبيك مش للكاتب التوبيك...
وبعدين احنا جميعا هنا ..اخوات..وبنحاول نساعد بعض في نقل المعرفة المكتسبة لكل واحد فينا ...بامانة وبحيادية..علشان الناس كلها تستفيد....مش بنحاول ندافع عن عربية بيعنها او نبرر اختياراتنا....العملية كلها نقل خبرة ...ونقل معرفة يمكن تفيد واحد تاني...
من باب الدال علي الخير كفاعلة...ومن باب تفريج الكرب علي الناس..ومساعدة لوجة الله...
انا مقدر انك متضايقة ...بس دة علشان انتي لسة جديدة معانا...وممكن تقري وتابعي مداخلات الاعضاء حتي اخواتنا من الجنس اللطيف...بيتمتعوا بنفس روح الدعابة والتهكم...من غير جرح في شخص الكاتب....يعني نوع من النقد..بس علي قد حال ايلي بينقد..
ارجو انك ما تزعليش مننا ..ومن اي عضو....واهلا بيكي معانا في المنتدي ...ويسعدنا انك تنقلي خبرتك ومعلوماتك ...بس حاولي تنقليها في شكل موضح من غير غموض ...وما تبخليش علينا بتفاصيل...لو الموضوع محتاج تفصيل...
ياريت بقي تقوليلنا العربية قطعت المسافة دي كلها في سبع سنبن بس ولا دي مسافة الكيلومتر بتاع العربية من ساعة ما كانت علي الزيرو...
احب برضة اوضحلك لية الناس كلها مستغربة من حكاية التيل ايلي ممكن يقعد 7 سنين...
التيل عبارة عن مادة مصنعه من اللدائن الكربونية...يعني بمرور الوقت ومن غير حتي استخدام بيحصلها نوع من انواع التحلل الذاتي...(ممكن تلاقية بيشقق او بيشرخ) ..طبعا احنا او ايلي مش مقتنع بالفكرة...مش بيكدبك...بس اغلب انواع التيل ما بتعشي اكتر من 30 او 40 الف كم بالكتير قوووووي....ومش مهم بقي حكاية السنين دي...يعني الكيلو متر اهم كمعيار لعمر قطعه الغيار....لان ممكن واحد يعمل ال30 الف دول في 3 شهور...وممكن واحد يعملهم في 3 سنين...
تجربة شخصية :
تويوتا كورولا 1994 - من الزيرو - 1300 سي سي اوتوماتيك كاملة . - 85 الف جنيه ( الله يرحم ايام الدولار ابو 3.14 جنيه ) .
بعناها سنة 2004 - كانت عاملة 90 الف كم - ب 75 الف جنيه ( خسارة 10 الاف جنيه في 10 سنين .. يعني مكسب اصلا ) .
كل ما تم تغييره بالسيرة :
- صيانات دورية
- كاوتش بعد 40.000
- بطارية بعد 60.000
- تيل فرامل بعد 65.000
العربية موقتش يوم واحد .. ولحد يوم مابعناها .. و سيارة كانت فوق فوق فوق الممتازة ! و لم نجد شكوى واحدة ! واحدة بس مفيششششششش !
-----
تجربة شخصية :
هوندا اكورد موديل 92 - مش فاكر الموتور - شراء سنة 92 زيرو في السعودية
اعتقد 65 الف ريال سعودي .
- بعد الاستلام بنصف ساعة السيارة عطلت في شارع الاربعين .
اتضح مش عارف سنسور ايه بابظ و اتغير .
- 15.000 كم تغيير بطارية و مساعدين امامين
- 25.000 كومبيوتر الرحلات مع السلامة
- 35.000 تغيير ماكينات الزجاج-
- 40.000 تغيير علبة التروس الاوتماتيك بالكامللللللللل !
1994 تم بيع السيارة ب 10 الاف ريال و هي زي الفابريكة !
--------
دي تجارب شخصية بس مش اكتر ...
قال تويوتا سيئة !
يا جماعة يا ريت منعلقش على اللي حصل علشان الموضوع ميكبرش
ويتفرع لخلافات جانبية.
يا ريت بس الأخوة الأعضاء اللى شايفين انى غلطان يشوفوا اصرار العضوة على الغلط
http://www.nilemotors.net/Nile/showthread.php?t=21202
اللى يقبلها على نفسه هو حر، بس انا مااقبلهاش ابدا
1300 فى الكورولا الأوتوماتيك كويسين بس مش جامدين
فى المانيوال حلوين
كذلك الياريس
عايزها مريحه هاتها أوتوماتيك
عايزها جرى وشد وحرق هاتها مانيوال