استطلاع رأي

**arakysolom** · 27-02-2011 01:33 PM

اريد من الزملاء الاعزاء بالمنتدي ابداء الرأي في مدي امكانية تغير اسعار السيارات في الفترة القادمة و بعد اكتشاف كم الفساد الذي احاط بالمصريين طوال العقود الماضية
هل الاسعار حتبقي طبيعية و مفيهاش استغلال التوكيلات لسياسة تسعيير السيارات و بالتالي الاسعار حتقل
ام ان زيادة المرتبات لبعض الفئات و ضخ الاموال في البلد حيخلي التضخم يزيد و بالتالي المستوي العام للأسعار يزيد
وما هي الفترة المتوقعه لحدوث التغيير
ارجو فتح باب المناقشة و تبادل الآراء

**احمد فهمى** · 27-02-2011 03:22 PM

للأسف مفيش حاجه متوقعه بس اكيد لو الجنيه قيمته نزلت العربيات هتغلى دى الزيرو اما المستعمل مش عارف ايه وضعه بس بلدك المتحكمين فى سعر المستعمل التجار والأشاعات وسمعة ل شركه والله المستعان

**arakysolom** · 28-02-2011 08:08 AM

شكرا جزيلا علي الرد للسادة الافاضل أحمد فهمى و The DieSel و منتظر باقي الاراء

**abdalah_hashem** · 28-02-2011 09:22 AM

صدر قرار امبارح من رئيس الوزرا بمنع استيراد السيارات وبعض السلع الاخرى زى قطع الغيار والموبيليات والماكينات وحاجات كتيرة كدة
طبعا ماعدا الصفقات اللى تمت الاتفاق عليها قبل القرار دة ميطلع نتيجة ان السوق فية حاجات تكفى لشهور من المنتجات دية

ومن كدة اتوقع ان سعر السيارات الموجودة هيغلى شوية الفترة اللى جاية نتيجة التضخم اللى هيحصل وكمان السلع دية كدة بعد كام شهر هتلاقيها قلت شوية فتغلى تانى وبعد متستقر البلد ويمسكها رئيس محدد خلال سنة او اتنين الاسعار هتنزل لطبيعتها تانى

زياريت ينظروا لاسعار الجمارك بقى بس طبعا دوة مش قبل 3 سنين على القل على ما البلد تسترد عافيتها تانى

**arakysolom** · 02-03-2011 08:08 AM

المشاركة الأصلية كتبت بواسطة abodi55

صدر قرار امبارح من رئيس الوزرا بمنع استيراد السيارات وبعض السلع الاخرى زى قطع الغيار والموبيليات والماكينات وحاجات كتيرة كدة
طبعا ماعدا الصفقات اللى تمت الاتفاق عليها قبل القرار دة ميطلع نتيجة ان السوق فية حاجات تكفى لشهور من المنتجات دية

ومن كدة اتوقع ان سعر السيارات الموجودة هيغلى شوية الفترة اللى جاية نتيجة التضخم اللى هيحصل وكمان السلع دية كدة بعد كام شهر هتلاقيها قلت شوية فتغلى تانى وبعد متستقر البلد ويمسكها رئيس محدد خلال سنة او اتنين الاسعار هتنزل لطبيعتها تانى

زياريت ينظروا لاسعار الجمارك بقى بس طبعا دوة مش قبل 3 سنين على القل على ما البلد تسترد عافيتها تانى

ما شاء الله عليك تحليل اكتر من ممتاز ربنا يباركلك