الموضوع: توكيل دايوو بالاسكندرية

بعد تجربة للتوكيلين الموجودين بالاسكندرية (الصفوة - ابو الفتوح بشارع كلية الطب محطة الرمل)
اتضح الاتى : كل صيانة للثلاث شهور بالصفوة كانوا بيغيروا الزيت والفلتر مهما كان عدد الكيلو مترات (Mobil XHP) حتى لو كنت عامل 1000 ك
فى صيانة السنة الصفوة قالوا لى انهم حيغيروا الفلاتر (بنزين وهواء) وبوجيهات مع انى عامل 11000 ك مش عشرين
فرحت ابو الفتوح فعملوا صيانة عادية ومغيروش اى حاجة حتى الزيت لقوا انى عامل 2000ك فقاللى المهندس نغيره المرة الجاية ده غير انهم نظفوا الفلاتر
بس هما عندهم حاجة واحدة انك لازم تحجز للصيانة بالتليفون قبلها بثلاث ايام على الاقل وانا شايف انه مش عيب
ده غير انهم فى فى الصفوة علشان يربطوا الاستبليزر خدوا 35 جنيه مصنعية اضافية غير مصنعية الصيانة
اما فى ابو الفتوح فربطوا العفشة كلها وادونى ميعاد لاستلام السيارة فسبتها ورجعت يادوب دفعت ومشيت

كله علشان ده الاصل اللى تبع ابو الفتوح مباشرة وعلى الاصل دور وامشى