حد جاب هيونداي i30

**cheetos_892005** · 12-03-2011 07:59 PM

المشاركة الأصلية كتبت بواسطة formulator

أستاااااااااااااااذ وربنا ... أيه الـTelepathy ده؟؟! فرق المشاركة دقيقتين..!!

أنت قولت كتيييييييييييييير من اللى عاوز أقوله..!

أعلى فئة منها بـ 135 ألف ... فاكس طبعا؟؟؟..!!
المشكلة أن الفئة دى صعبة عليهم أوى: ميجان III, برافو120, 308 وممكن أسترا وفوكس هاتش...! i30 مين بقى؟؟!

أصلا الفئة دى: جرى, ثبات, أمان, هاندلينج, style و خامات نظيفة, صاج قوى ووزن, وكمان تكنولوجى عالية وABS, EBD وايرباجز وجنوط std... كل الحاجات دى بتنزل أستاندرد فـ العربيات دى...

مش غبور عاملها options

وشايل حاجات زى قضبان الحماية الجانبية (بتاع الـEuro.NCap) ويقولك أوروبى..؟؟!!!

تهريج طبعا..!

**ann1** · 13-03-2011 10:43 AM

انتو دمرتو العربية خالص يعني العربية مافيهاش ميزة شكلي هختلف مع صاحب الشغل

**ann1** · 13-03-2011 10:48 AM

طيب بسعر 127 الف اقدر اجيب اية هاتش باك ؟

**CryptonX** · 13-03-2011 11:20 AM

بصراحة انا شايف العربية ممتازة

انا جربتها كذا مرة .. بس الهايلاين .. عيبها الوحيد فعلا كان في راي انها واطية جدا و بتحك فعلا في اي حاجة ! انما غير كدة كنت معجب بيها جدا خصوصا انها صاحبها جايبها مستعملة مش زيرو و فرقت معاه كتير في الفوس .

انما 135 و الارقام دي كتير عليها الصراحة ..

130 الف و هاتشباك حتضظر تضحي ...

ياتركب فئة اقل (اقل حجما ) و اوروبي اقل بس محترمة و اعلى فئة ....

بدون ترتيب معين :

فيات بونتو ايفو pkg2 ( عيبها الوحيد محرك صغير .. لو عايز تجري انساها بس هي اشيك و انضف الهاتشباكات الاوروبية في مصر و ارخصهم تقريبا) 110 الف

سيات ابيزا 1.4 129950

فولكس فاجن بولو 1.4 ( معنديش معلوماات كتير عنها بس بصراحة "مستغليها " شوية )

فورد فييستا 1.4 ( عربية تحفة بمعنى الكلمة ) من 119 الى 123

سكودا فابيا 125 ( الفابيا و البولو الابيزا كلهم ولاد عم .. يعني نقي الشكل و الباقي كله متشابه :) :) 130 الف

فئة اكبر اوروبي بس مش اعلى فئة ( بس انا شخصيا بكره الفرنساوي ... )

ميجان 3 هاتشب - 135 الف

ستروين c4 - 126 الف ( لا احبذ نهائيا )

---------------------------------

ياتركب فئة اكبر بس كوري او ياباني و كماليات متوسطة ...

سوبارو امبريزا 1.5 129 الف الى 139

كيا سيراتو هاتشباك 120 - 127 - 137 اعلى فئة

سوزوكي sx4 - نيسان تيدا ( و اعتقد دول يبقوا اخر اختيارتك )

----------

انا لو منك ... حفكر في المجيان 3 لو مش بتخاف من الفرنساوي .. يليها الامبريزا او
اي سيارة اصغر من فيات - سيات - الخ الخ ..

**LanCeLoT** · 15-03-2011 04:01 PM

انا العربيه معايا بقالها سنه و نص ..
العربيه عمليه .. وانا شايفها ظريفه
واسعه من جوه .. ودي ميزه مش هتلاقيها في كتير من المنافسين
هيا هيا الالنترا فبالتالي ما فيش مشاكل في توافر قطع الغيار وسعرها زيها
وعلى الرغم من ان توكيل غبور سمعته وحشه بس انا شخصيا ما واجهتش معاها اللي يخليني محتاج اكتر من مراكز الصيانه العاديه
واللي ميزتها انها منتشره و كتير
شخصيا عاجبني شكلها
ثباتها مش بطال وخصوصا لو ركبتلها جنوط .. استهلاكها للبنزين متزسط يعني في حدود من 7-8 ليتر لكل 100 كم
خاماتها الداخليه مش بطاله
التسارع بتاعها جميل و عاجبني و بيخلصني من مواقف كتير
شنطتها انا شايفها مش صغيره يعني تعتبر كويسه لاسره صغيره
يعيبها عفشتها ناشفه شويه .. وان كانت بقت افضل معايا بعد ما قللت ضغط الكاوتش ل 30
لما تركبي 4 او 5 لازم تاخدي بالك من المطبات فعلا لانها بتحك
كماليتها قليله وكمان لاني جايب اول فئه في الاوتوماتيك
وعموما ربنا يباركلك في اللي هتجيبيه

**ann1** · 16-03-2011 12:39 PM

المشاركة الأصلية كتبت بواسطة LanCeLoT

انا العربيه معايا بقالها سنه و نص ..
العربيه عمليه .. وانا شايفها ظريفه
واسعه من جوه .. ودي ميزه مش هتلاقيها في كتير من المنافسين
هيا هيا الالنترا فبالتالي ما فيش مشاكل في توافر قطع الغيار وسعرها زيها
وعلى الرغم من ان توكيل غبور سمعته وحشه بس انا شخصيا ما واجهتش معاها اللي يخليني محتاج اكتر من مراكز الصيانه العاديه
واللي ميزتها انها منتشره و كتير
شخصيا عاجبني شكلها
ثباتها مش بطال وخصوصا لو ركبتلها جنوط .. استهلاكها للبنزين متزسط يعني في حدود من 7-8 ليتر لكل 100 كم
خاماتها الداخليه مش بطاله
التسارع بتاعها جميل و عاجبني و بيخلصني من مواقف كتير
شنطتها انا شايفها مش صغيره يعني تعتبر كويسه لاسره صغيره
يعيبها عفشتها ناشفه شويه .. وان كانت بقت افضل معايا بعد ما قللت ضغط الكاوتش ل 30
لما تركبي 4 او 5 لازم تاخدي بالك من المطبات فعلا لانها بتحك
كماليتها قليله وكمان لاني جايب اول فئه في الاوتوماتيك
وعموما ربنا يباركلك في اللي هتجيبيه

يعني انا مش اقلق منها الا لو كنت مركبة بس 4 او 5 افراد لكن غير كدة مش هتحك وموضوع العفشة في ناس بتقول بعد شوية من استخدمها بتبقى احسن محستش بكدة خالص
كمان سؤال محيرني الثلاجة اللي فيها دي يعني هي بتحفظ فعلا الحاجة من انها تسيح ولا بس لما بتشغل التكيف بتاخد درجة حرارة التكيف
وكمان عرفت انها حتى اعلى فئة مش فيها usb طب هو ينفع يتركب ولا لاء اسفة لو طولت في الاسئلة

**MAG2010** · 17-03-2011 09:27 AM

الاعزاء
انا معايا عربيتي من سنه ونص تقريبا وهي نفس i30 بس دي اطول شويهوشنطتها اكبر بس هي نفس الماتور والعفشه وانا عامل بيها 40 الف كيلو وماشتكتش منها ابدا ولا في اي موشكله بالنسبه ليا وارشحها لاي حد يحب يجبه.
علي فكرها بالنسبه للثبات العربيه ثابته جدا انا بجري علي 190-140 وباخد الملفات علي السريع وعمري ماحسيت انها بتعوم او اي حاجه.

**LanCeLoT** · 17-03-2011 05:46 PM

المشاركة الأصلية كتبت بواسطة ann1

يعني انا مش اقلق منها الا لو كنت مركبة بس 4 او 5 افراد لكن غير كدة مش هتحك وموضوع العفشة في ناس بتقول بعد شوية من استخدمها بتبقى احسن محستش بكدة خالص
كمان سؤال محيرني الثلاجة اللي فيها دي يعني هي بتحفظ فعلا الحاجة من انها تسيح ولا بس لما بتشغل التكيف بتاخد درجة حرارة التكيف
وكمان عرفت انها حتى اعلى فئة مش فيها usb طب هو ينفع يتركب ولا لاء اسفة لو طولت في الاسئلة

اه ما بتحكش الا لو مركبه 4 حجمهم كبير او خمسه .. ولو خدتي بالك تخدي المطب بالراحه مش هتحك ان شاء الله

هيا مش تلاجه هي فتحه للتكييف جوه ال glove box يعني فعلا مش بتسييح حاجه تحطيها جواه لانها بتاخد درجة تبريد التكييف

العفشه بتنعم طبعا بعد شويه .. انا اول ما جبتها كنت مدايق من موضوع العفشه ده بس بعد مده لاقيتها بتنعم .. كمان دي ضريبه بسيطه للثبات