فيلم للمبدع علي الكسار
اكيد لسه فاكرين الفيلم واحداثه الكوميديه اللي بتدور حول راجل بسيط متأخر عليه ايجار وحيطرد من بيته وبيدور علي شغل علشان مبطردش هو ومراته والمصيبه حماته علي حد قوله هو كان محتاج 3 جنيه من بتوع زمااااااااااااااااااااااا ااااااااااااااااااااااااا اااااااااان
لنا هنا وقفه
يا عم عثمان لو انت عايش في زمنا ده ال 3 جنيه كانوا حيبقوا كام
زمان اشتغل في الفلم يجي 7 شغلانات دلوقت حد بسهوله يلاقي شغل
زمان مكنش فيه فلوس بس كان في بركه
زمان جدتي ربنا يديها الصحه ويحسن خاتمتها 97 سنه بتحكي قد ايه الجنيه كان بيشتري وكان الجنيه الورق بجنيه دهب
زمان كانت الدنيا رايقه مفيش تلوث الحياه علي طبيعتها
زمان اهل زمان كانت مشاكلهم بسيطه زيهم دلوقت كل واحد عنده تل من المشاكل
مفتكرش حد عاش زمان يحب انه يعيش في الوقت الحالي
المشكله مش بقت ازمه اسعار
جورج بوش لما زار السعوديه وقال من مصلحتم انكم ترفعوا سقف الانتاج وتقللوا سعر النفط
انا قولت ايه الاستهبال ده
لكن كان بيتكلم جد قوي ونفذ اللي قال عليه
بعد 11 سبتمبر الاسعار اتضاعفت
ودلوقت هما رفعوا اسعار كل حاجه وبقت عالكل وبما انهم اعلي دخول وان السلع الغذائيه لا تتعدي 5% من اجمالي انفاقهم فمش حتفرق الا مع الدول النايمه اللي احنا في مقدمتها اكبر مستورد في العالم للقمح يا فرحتي شباب خريج مش لاقي شغل وعندنا ارض ومياه ويد عامله عطلانه
رشيد محمد رشيد يطلع يقول ده مشكله عالميه ولازم تزودوا دخلكم طيب الموظف يزود دخلوا اذاي؟ يرتشي؟هل ده دعوه مفتوحه انه يزود دخله بأي شكل ؟
ارجع واقول مش مشكله زياده اسعار
المشكله في احتكار فئه قوت الشعب فئه مبتشبعش
مشكله اخلاقيه بقت فينا من الا مباله والسلبيه