الموضوع: انا مذهول : اوامر مبارك للجيش : ... " و الله مفيش فرق بينة و القذافي "

لينا واحد قريبنا من بعيد لواء جيش معروف بقربة من احد اكبر اعضاء المجلس العسكري
و قال للوالد المفاجأة اللي فضلت فاتح بقي مش عارف اقول اية

قال الاوامر جاءت للمشير طنطاوي من مبارك مباشرة و قالة بعد نزول الجيش بضرب المتظاهرين و تفريقهم وقال بالحرف :
انزل خلصوني من العيال دول

و قال ان الدليل ان اول خطاب لية كان عكس ما الناس متصورة

فقال ان طنطاوي رفض استخدام القوة فتعرض للشتيمة من مبارك و الراجل بيقول و العهدة علي الراوي ان مبارك قالة : انت كنت ..... في رجلي و كنت و كنت
فقال طنطاوي كأنة مسمعش حاجة و قالة لازم تتنحي يا ريس لان الوضع دة مينفعش خدلوا كلمتين تانيين و رفض

و بيقول انة متنحاش و ان الجيش كتب خطاب التنحي قام بعتلهم شخصية معروفة في القصر و قال الرئيس رفض الكلام دة

قال " و دي اخطر ما قال " ان عمر سليمان قرأ التنحي بأمر من القوات المسلحة مش من امر من الرئيس مبارك .

انا الراجل خلص من هنا و انا فضلت فاتح بقي من هنا و مستغرب لان الراجل دة انا بثق فية و الكلام اللي قالة غريب ... حسني اللي حارب اسرائيل في 73 كان عايز يحارب شعبة سنة 2011 و نقول ان القذافي مجنون ؟؟؟؟؟....

الله يعني مبارك لا كان خايف علي شعبة و لا كان عايز يصلح اللي باظ و لا ... و لا ....

كان بردو متشبث بالسلطة لحد اخر حظة في حياتة حتي لو علي جثث شعبة


و الناس عايزة تعمل مسيرة رد الجميل هههههههههه

محدش هينزل معايا نرد الجميل يا جماعة ؟؟؟؟؟
نرد جميل الناس اللي ماتت بالاكل المسرطن و لا اللي ماتو في العبارة و لا اللي بيموتوا كل يوم من الجوع و لا جميل الفساد اللي بقي للركب و لا جميل سرقة البلد علي البحري و لا ...... الجميل اللي كان هيعملهولنا بعد المظاهرات

ههههههههههه جمايلك كترت يا ريس و مش عارفين نردهالك

حد نازل معايا مظاهرة " رد جمايل الرئيس " ؟؟؟؟؟

معلش يا جماعة علي التطويل لان انا بجد مش مسدأ انة نسخة من القذافي اوي كدة

سمعت برده الحوار ده بعد التنحي ( ان الرئيس قال انا لم اتنحي عن الرئاسة ولم اعرف او اصدق اصلا علي قرار التنحي اللي ذاعه عمر سليمان ). فطلعت حقيقة.

بس الحمد لله ان المشير قل بأصله معاه والا كان يشيل جمايله ويخلصو فعلا من العيال دول وساعتها كانت هتبقي ليبيا المصرية.