انا شارى السيارة من شهرين ومن يومها الكربارتير مش مظبط الماتور حاسس ان فى رعشة ومش مظبوط المهم كل شوية الميكانيكى يعلى ويوطى فيه ويعالج مفيش فايدى الحل ايه ... ولا ابيعها ولا انتحر واريح نفسى ههههه؟؟؟
انا شارى السيارة من شهرين ومن يومها الكربارتير مش مظبط الماتور حاسس ان فى رعشة ومش مظبوط المهم كل شوية الميكانيكى يعلى ويوطى فيه ويعالج مفيش فايدى الحل ايه ... ولا ابيعها ولا انتحر واريح نفسى ههههه؟؟؟
لو الكاربراتير باظ و متأكد أنة باظ غيرة و اشترى كاربراتير أستيراد ممكن سعرة يكون فى حدود 500 جنية و حا يظبط العربية لان الكاربراتير فية جزء أسمة ((( جفرنر )))) دة مش بيتصلح و مش بيتباع لوحدة .
http://img826.imageshack.us/img826/5527/f0000990.jpg
على فكرة على المنتدى هنا فية رابطة لملاك التمبرا 3 أجزاء
http://www.nilemotors.net/Nile/189802-a-320.html
يعنى لازم تاخدلك لفة معتبرة لحد ما تلاقى حد محترم وممكن المحترم ميكنش محترف المهم انك فى الاخر حتشوف ايام زى قرن الخروب لحد ما تلاقى حد يحللك مشكلتك ويطلع محترم فى زمن قل فيه المحترمين فربنا يسهل واشوف اخرتها ايه مع العم كربراتير ده
يا هشام واحد اعرفه جابلى كربراتير بيقلى احدث المهم رحنا للميكانيكى ولقينا ان الى هو جايبه احدث على كلامه من الى راكب بس فيه تغيرات وتعديلات والهواية مش حتركب لازم تتعدل مكان الربط بتاعها المهم هو بيقنعنى وبيقول للصنايعى ركب بس وانا حعدل الباقى انا بصراحة اتنرفزت انا مش بحب العك والتعديلات دى فانصحنى اجيب واحد شكل الى راكب بظبط ولا اقبل بالتعديلات دى مع عدم اقتناعى وهو الكربراتير ده بيتجاب بالموديل نفس الى راكب ولا فى العموم ممكن يتركب واحد تانى ويتعدل افيدنى لانى بدات افقد عقلى والمستعمل ازاى اعرف انه مش بايظ او ردىء هو كمان والجديد ان وجد ده بيكون احسن ولا استعمال الخارج افضل ؟؟؟؟؟
حضرتك لو عايز الحل النهائى ممكن تروح عند مركز الصفا للكربراتير الناس هناك ممتازة وهتجيبلك المفيد والتكلفة max 85 جنيه
مركز الصفا عند جسر السويس قدام محل الشبراوى فى نهاية شارع بنزينة كالتكس
حضرتك انا أعرف واحد بتاع كربراتير ...ما شاء الله جامد جدا هوا فى عين شمس الغربية عند محطة مترو الأنفاق لو عاوز نمرتو ابقى قولى
الصفا مش بيصلح هوا بيظبط بس
والله يا اخى انا حريح دماغى واروح اشترى واحد استعمال خارج ولو اضمن ان الجديد احن حشتريه لانى متاكد ان الصنايعيه كلهم حراميين ومعندهمش ضمير حيحطلى فيه المفك ويقعد يلعب شوية و ادفع يا معلم مفيش احسن من شيل وحط وخلصت ولا ايه رايك انا من دمنهور بحيرة فالاقرب لى طبعا الفراهدة فى اليكس وانا عندى صديق بيشتغل فى استعمال الخارج بس وحياتك انا مضمنش ابويا الله يرحمه مش صديقى الناس بات نصابيين عينى عينك ... مات الضمير والصلاة عليه فى عمر مكرم بعد صلاة الظهر الله يرحمه
انت كده بعيد
بس الراجل ده نضيف فعلا أنا مجربه هوا بيفك الربراتير و فى 4 بيشتغلوا فيه بالدور و بعدين يظبطهولك فى العربية
عموما ربنا معاك
الله يكرمك وشكرا جزيلا للاهتمام لا مش بعيد والله البلد كلها تتلف فى ساعات بس انا بقول الافرب ليه اليكس لانى بينى وبنها نص ساعه جنبنا علطول ولو بتصلح حاجة لازم يكون الى عملها جنبك لانك اكيد حترجعله ده قانون النصب فى مصر تروح تصلح وتعمل خمسين اعادة كشف لحد اما تزهق او ربنا يسهل وياخد اى الطرفين لفض الاشتباك الادبى بينهما معلش انا اصلى كاتب ساخر وتقريبا بسخر من نفسى لو ملقتش حاجة اسخلر منها وطبعا السخرية متنفس العقلاء ... شكرا جزيلا وانا ان شاء الله نويت والنية لله انى اركب الناقة واروح اشترى كربراتير استعمال خارج و ربنا يجبنى باسلامة ادعولى
بص يا باشا أنا من القاهرة و الحاجات دى موجودة فى وكالة البلح أو عزبة شلبى . لو حا تروح عزبة شلبى نقولك محلات أحنا فى رابطة التمبرا بنتعامل معاهم و عارفينهم و ممكن جدا تركبة و أنت داخل العزبة و تجرب و لو فية مشكلة بيغرة لك عادى جدا . او تروح بورسعيد و تجيبة من هناك و تجرب و أنت هناك هو حا ياخد ربع ساعة بالكتير فى الفك ولازم تجيب زى الى راكب بالظبط افضل و حا تلاقى كتير جدا
الله يكرمك يا هشام انا كنت اليوم فى الفراهدة وقلبت الدنيا ملقتش منه و فيه جديد بيقلى بيركب للتمبرا والشاهين بس تركى هو صينى بس بيدلعوه وبيقلوله يا تركى المهم عامل 650 بس شكله ورق تحس انه لو ركب فى العربية حيبوظ بعد يومين شكلها حترسى على القاهرة او بورسعيد مع انه مشوار ليه بس شىء لابد منه انا امبارح شحنت التكيف وطبعا اول مشسغله الماكينة تبطل لان الماتور واطى لازم يكون عالى ولو عالى الماكينة مش حتفصل حكاية كل ده من تحت راس الكربراتير المهم لو امكن من سيتك ارقام تليفونات حد بيشتغل فيهم فى القاهرة بيع استعمال خارج بدل مروح المشوار ده كله على الفاضى وكمان لو امكن الاسعار الا انا بتخض من الاسعار فلازم تمهيد وشكرا جزيلا
ممكن بعد اذنك بما انك بتفهم عنى انا اصلا دى اول عربية ليه ومعرفش الفرق بين العربية ووابور الجاز فلو تعرف تسالى عن الجديد الاصلى يعمل كام والاستيراد ده يعمل كام وفين بظبط ويكون هذا كرم فائض منك عشان اروح علطول على حد يكون متخصص احنا هنا فى دمنهور تقريبا مفيش تمبرا كتير والاحسن طبعا انى اروح لحد بيفهم فيها وعارف القصة كلهاغ بدل ملسه واحد يجرب فيه واللله المستعان الا انا بجد منم يوم مجبتها و مفيش حاجة قرفانى الا الكربراتير ده يعنى يرضيك انتحر عشان كربراتير والله انا بلف النهارده من ضيقى قلت منا كنت فى حالى راكب التاكسيات زى الباشا ايه بهدلنى بس والف على زيط ومعيط ونطاط الحيط وكل واحد يلعبلى حواجبه شوية ويقلى فوت علينا بكره يا سيد يرضيك اباه بعد العمر ده كله سيد .. يلا سلام مؤقت وشكرا جزيلا
طبعا أحنا فى الرابطة بنتعامل مع محلين تقريبا بصورة مستديمة و عارفين معظم أعضاء الرابطة كمان ههههههههههه يعنى فى الامان و ركبة هناك و جربة حا أبعتلك تيليفوناتهم و حا تلاقى أرقامهم على الرابطة فى الصفحة 2 أو 3 تقريبا فى الجزء الثالثاقتباس:
المشاركة الأصلية كتبت بواسطة man_faraway
شكرا يا هشام انا كلمت فاروق وربنا يسهل اروحله فى اقرب فرصة وربنا يجعلها اخر الاحزان ههههههه وشكرا ليك على الاهتمام وان شاء الله لو فى جديد اكيد حتكون اول من يعلم
نا عايز اعرف مكان مركز الصفا للكربيراتير بالظبط
انا من النزهة الجديده اروحله ازاي
كل اللي انا محتاجه اظبط مش تصليح ولا حاجه فياريت حد يدلني على مكانه بالظبط
تحياتي
و الله ما ردتش على المشاركة لانى ما اعرفهوش و الله اسف مش عارف أفيدك فى المعلومة بصراحةاقتباس:
المشاركة الأصلية كتبت بواسطة hm414
ولا يهمك ياعزيزياقتباس:
المشاركة الأصلية كتبت بواسطة heshamzaky
امبارح نزلت للعربية وشمرت واكتشفت ان المشكله كانت في ظبط الاسبيراتير وتم التعامل والحمد لله
تحياتي ليك
الحمد لله جت بسيطة و الف شكر ليك و مبروكاقتباس:
المشاركة الأصلية كتبت بواسطة hm414