كتالوج ثورات, (حقا, انكم زعماء أغبياء)
السلام عليكم و رحمة الله و بركاته
أنا لما تابعت الأحداث فى تونس و بعدها فى مصر و حاليا فى ليبيا, لقيت أن السيناريو ده بيحصل بالمللى:
1- احتجاجات من مختلف طوائف الشعب الثائر و مختلف الأعمار مع الأغلبية للشباب و تستمر هذه الاحتجاجات من 2 - 3 أسابيع.
2- تبدأ بالتصدى لها بالشرطة و التى تستمر من 3-5 أيام و تنسحب مع نزول القوات المسلحة و التى دائما ما تكون فى صف الشعب الثائر .
3- خلال هذه الفترة يكون هناك مابين 3-4 خطابات للرئيس اللى هيتخلع و التى تبدأ دائما بالتهديد و الوعيد و الحديث عن الأجندات الخارجية و الأقلية المندسة ثم تنتهى بالتوسل و التذلل و الدموع و التى لا تنطلى على الشعب الثائر اطلاقا !!!!!
4- خلال هذه الفترة, يحاول أنصار الرئيس اللى هيتخلع دائما احداث حالة من الانفلات الأمنى و التى تفشل دائما لوجود تضامن من فئات الشعب.
الكلام ده حصل بالمللى فى تونس و مصر و بيحصل بالمللى فى ليبيا و على الرغم من ذلك:
الزعماء اللى لسه عليهم الدور, قاعدين مابيعملوش حاجة و مستنيين الثورة تحصل عشان يبدأوا يعملوا و ماحدش من الأغبيا دول فكر أنه يبدأ بأى حاجة من الاصلاحات الجادة و الفعالة و السليمة كمحاسبة الفاسدين من أصحاب السلطة -غير شيل الحكومات و تعيين الحكومات و توزيع الدنانير عالشعب و ما الى ذلك- بحيث أنه يكسر (النظرية أو التمرين المشهور) ده و يتفادى أن الثورة تحصل عنده, كوووووووووووووووله مستنى الثورة تحصل الأول , عالم أغبيا و الله .
و امعانا فى الغباء, جه الأهبل ابن الأهبل بتاع اليمن و بنفس الطريقة المفقوسة و المهروشة بتاع مبارك, اللى لما مبارك طلع و قالها, النهاس, قالتله, روح يا أهبل العب بعيد, الكلام ده مايكلش معانا, أن بتاع اليمن بدأ بالحديث عن :
1- الأجندات الخارجية .
2- الجماعات المندسة .
و برضه عشان الشعب اليمنى يرد عليه الرد الأتوماتيكى الروتينى المعروف فى مثل هذه المواقف و هو, روح العب بعيد, الكلام ده مش علينا يا روح الروح.
طاب, أما أنت يا أهبل عارف, أنهم هيردوا عليك الرد ده, بتقووووووووووله ليه يا أهبل.
على الرغم من أن الكلام ده بالظظظظظظظظظظبط اتقال من زين العابدين و من مبارك و أثبت فشله, الا أنه لازم يجرب برضه, أهوه بياخد فرصته, من حقه برضه .
بس القذافى كان مميز جدا بصراجة, حاول يجرب حبوب الهلوسة, بس برضه الشعب رد عليه بنفس الرد الأتوماتيكى الروتينى المعروف اياه !!!!
طاب, احنا كشعوب عربية ثائرة بنتبع الكتالوج ده لأنه أثبت نجاجه فى خلع الرؤساء الفاسدين اللى عاوزين ضرب البلغة القديمة:B4_388:, طاب و هما كزعماء عرب فاسدين و هيتخلعوا, بيتبعوا الكتالوج ده ليه؟؟؟!!!:_Alshmokh08[1]:
مش دى غباوة و لا اييييييييييييييه :_Alshmokh08[1]::_Alshmokh08[1]:.
و عجبى و آسف جدا جدا للاطالة يا جماعة .
