مشكلة في حزام الأمان

**monarch** · 27-02-2011 06:13 PM

السلام عليكم

عندي مشكلة في الساجا متعلقة بحزام الأمان وذلك عندما يكون مشدود واضغط القابس لإعادته لمكانه فيعود بشكل بطيئ حتى احيانا بكون مضطر ارجعو لمكانو يدويا ، واكثر من 3 مرات حطيتها ملاحظة في التوكيل لكن في االمرة الأولى قالوا أنه بحاجة لتنظيف من العلبة التحتانية يلي فيها (الراسور) ولما استلمت العربية لقيت المشكلة هي هي لم يتغير شي والمرة الثانية بقوا يتهربوا ويقولو ا دا طبيعي علشان استعمال الحزام جهة السائق أكثر من الجهة عند المرافق ومهندس الصيانة اتملص من الموضوع وبقا يقول أن الأمر طبيعي مادام أن الحزام يعود لمكانه حتى لوكان بشكل بطيئ وأن مالهاش تأثير إلا اني أجد أن هناك مشكلة بالفعل وأبقى مضطر لزحزحة الحزام ليعود إلى مكانه
وفكرت أني اراسل شركة بروتون واتقدم بشكوى عالتوكيل عشان الموضوع دا عاملي قلق وبحس أن في التوكيل بستهبلو الناس ومش عارفين حاجة في السيارة. فمن يعرف طريقة مراسلة الشركة الأم يدلني على الطريقة وله من الشاكرين.

**mido_soliman** · 28-02-2011 11:10 AM

روح التوكيل وطالب بتغييرة لانة مع الوقت حيبوظ فعلا

**monarch** · 28-02-2011 06:53 PM

شكرا للرد استاذ ميدو لكن راجعت التوكيل 3 مرات مش راضيين يبدلوه ، ومهندس الصيانة قال الوضع طبيعي والحزام ما يلزمه تبديل.

**eng_Amr** · 01-03-2011 03:09 PM

نفس الكلام حصل معايا بالظبط وكل مرة يقولى يعمل بشكل طبيعى لحد ماعديت ال 60 الف ؟؟؟؟؟؟!!!!

دلوقتى مابقاش تقريبا يرجع لوحده.
متسيبش الموضوع وقولهم انك عايز الحزام يرجع زى اى حزام طبيعى لما تفكه. وحاول تدخل للمهندس امر لو ماحدش عبرك

**gebreel** · 01-03-2011 03:17 PM

حقك يتغير تماما

**m_marmoush** · 03-03-2011 08:01 PM

المشاركة الأصلية كتبت بواسطة amr_haggag

كان عندي نفس المشكلة واكنشفت في الأخر ان الحامل اللي جنب كتف السواق هو السبب لأنه بيتراكم عليه اوساخ وبيعوق حركة الحزام.
لو عايز تتأكد شد الحزام فبل الحامل من البكرة مباشرة وشوف بيرجع طبيعي ولا لأ.
بالنسبة لتنظيفها انا نضغنها ب فوم متعدد الاستخدام وبقيت ممتازة بس بترجع تاني ولازم تنضفها على فترات.
جرب وقلنا وصلت لإيه؟؟

+ 11111

**spiderloking** · 03-03-2011 08:59 PM

المشاركة الأصلية كتبت بواسطة amr_haggag

كان عندي نفس المشكلة واكنشفت في الأخر ان الحامل اللي جنب كتف السواق هو السبب لأنه بيتراكم عليه اوساخ وبيعوق حركة الحزام.
لو عايز تتأكد شد الحزام فبل الحامل من البكرة مباشرة وشوف بيرجع طبيعي ولا لأ.
بالنسبة لتنظيفها انا نضغنها ب فوم متعدد الاستخدام وبقيت ممتازة بس بترجع تاني ولازم تنضفها على فترات.
جرب وقلنا وصلت لإيه؟؟

الكلام ده صح جدا يا جماعه فعلا الحزام في الاول كان كويس جدا دلوقتي بيرجع ببطء و ده نتيجه للاتربه و الاوساخ اللي بتتجمع في الحامل بتاع الحزام اللي جنب السواق علي طول و ده ممكن يتنضف و هيرجع زي ما كان ان شاء الله الموضوع مش مستاهل مشاكل مع التوكيل يا جماعه خلوا المشاكل لحاجات اهم و اكبر هههههههه

**monarch** · 04-03-2011 03:42 AM

كلامك صحيح يا كبير يا عمر المشكلة طلعت من الحامل شفت عليه زي الشحم الأسود ودا يعيق حركة الحزام ، لكن ما نوع الفوم يعني ايه افضل نوع للاستخدام؟؟؟

**Ahmed.Ali** · 04-03-2011 02:55 PM

انا عندي نفس المشكله و فعلا طلع في زي شحم علي الحامل و حاولت انضفه بالمفتاح علي قد ما قدرت بس لسه زي ما هو ايه الحل
بس للعلم شديت الحزام من الحته الي تحت التوكه دي رجع علي طول يعني العيب منها 100%

الموضوع: مشكلة في حزام الأمان

LinkBack

أدوات الموضوع

عرض

-

-

-

-

-

المواضيع المتشابهه

لمبة حزام الأمان

حزام الأمان

لمبة حزام الأمان

حزام الأمان مبيردش مكانه

مين بيصلح حزام الأمان

الكلمات الدلالية لهذا الموضوع

المفضلات

المفضلات

ضوابط المشاركة