وصلنا لأخر حاجة اننا وصلنا للفندق وطبعا مش عايز اقولكم اننا اتفتشنا بتاع 48463 مرة عشان بس ندخل والمصيبة في التالي ..
احنا في اليوم ده نازلين من بيوتنا كلها عشان نعمل حاجة اسمها جسات ارضية في الموقع يعني ها نحفر في الموقع وناخد جسات ويتم تحليلها في المعامل لبيان مدى صلابة الأرض والذي منه .. وشوية شغل مساحة كده على الماشي مع انه مفيش حد فينا مهندس مساحة بس اهي بترزق .. المهم فجايبين معانا التالي .
1-ميزان قامة
2-ميزان
3-توتال استيشن ماركة توبكون واعتقد اللي بيشتغل في الموضوع ده ها يعرف انا بتكلم عن ايه بالزبط وسعر الجهاز ده كام ..
المهم ندخل على الكمين من هنا يفتشونا ويفتشوا كل حاجة ويجيوا لحد الجهاز ويفضل كل واحد يبص لزميلوا كده كأنهم مسكوا اجهزة رصد مواقع حساسة في البلد .. و انا ساكت .. اصل مش ممكن في حياتك كلها مشوفتش واحد في الشارع بيبص في كامريا صافرة وفيه واحد في آخر الشارع ماسك عصاية طويلة والعيال في الشارع مستلمتهومش ولكن دول واضح انهم معدوش بالحتة دي .. واصلا شكل الجهاز كالتالي .
الحهاز بصورته بعلبته .. وفي الأيام السوداء اللي احنا فيها دي يتشك فيك شك الـحرامي والله العظيم ..
وشرحنا وهزرنا ودحكنا وعملنا كل حاجة ودخلنا في الآخر لحد ما وصلنا للفندق ..
نزلنا ودخلنا اللوبي اللي الحقيقة كان عامل زي بيت لأشباح مفيش فيه كائن حي واحد فسألنا على الناس اللي جينلهم قالولنا انه الأستاذ ادفيلنر في البار وباقي الناس ما تزال فوق وكلمناهم على الداخلي وقالوا نازلين :D سعد قالي متيجي نقعد في البار نفطر ونشرب شاي على ما الناس يجهزوا فوافقتوا ..
يالله بينا
ندخل نبص نلاقي التالي ..
الحج آدفلنر لابس بدلة وقاعد بيشرب لحد ما راحت منه خالص ... روحت مميل على سعد وبقولوا قابل يا عم الراجل بيسكرلك يا حج ... سعد قالي بس كده احنا روحنا في داهية هيا ناقصة الله يخربيتوا .. صبحنا عليه وهزرنا معاه .. والراجل يا عالم زي الجن !!!!!!!! دنا شايف قداموا ما لا يقل عن 6 زجاجات !!! وده والله لو اديتلوا بندقية رش ونيشان ها يجيبهوملك كلهم !!!!! وده ولا اتهزت في دماغوا شعراية !!! قعد يدحك ويهزر على انه مصر بلد الأمن والأمان وانه هوة اللي طلب انه ينزل مصر عشان يتفرج وبرضوا يشتغل والجو ده .. لحد ما جه البارتيندر وسأل تشربوا ايه .....
انا :واحد قهوة زيادة
سعد:سحلب باللبن
يا عم سحلب ايه اللي ها تشربوا دلوقتي ..
يا عم ده السحلب ده هوة المشروب الرسمي لينا في الشتاء اللخ يخربيتك سحلب على الصبح كده دنتا ها تشرب فيه بتاع 15 يوم .. فطرنا وقعدين مستنين لحد ما ادفلنر استأذن (غالبا الشرب ها يشتغل عليه بقا وها يبهدل اللي ....)قام وقاعدين بنتابع التلفزيون احنا والمصايب اللي بتحصل في التلفزيون ولسة اصلا معاد حظر التجول مترفعش لكن على مين (المصري مصري)اتحادكم تجيبولي مصري مخرقش حظر التجول على الأقل بساعتين لحد دلوقتي ... التلفزيون يفضل يهاتي يا عالم حظر التجول الساعة 6 والشعب كلو الساعة 8 لسة في الشارع .. !!!!!
ما علينا لقينا كارولين وكريستينا وصلم وسعد بيزق كتفي وبيقول "العاشق في نور النبي يصلي عليه " !!!!!!!!!
انتا في مولد يا حبيبي ايه اللي انتا بتقولوا ده !!! لسة بلف اشوفوا بيتكلم عن ايه .. لقيت الناس وصلم وجهازين
فبيقولوا
GOOD morning
سعد راح رادد عليهم
Morning good
الله يخربيتك بتقول ايه يا اهبل انتا .. بيقولي اخرس اتا خالص انتا ايش فهمك في الإنجليزي
!!!! هيا بتقولي
السلام عليكم
انا قولتلهلوا
وعليكم السلام ..
يا نور النبي !!!!!!!!!!! يا تفسيراتــــــــــــــــــ ـــــــــــــــــــــــــ ــــــــــــــك جبتها منين دي يا عم المفتي ..
ولسة ها ادور رحت بإيدي لايش كباية السحلب على سعد :D :D :D :D :D
لكم ان تتخيلوا الراجل واقف لابس شيك جدا ودلوق عليه سحلب (ابيض) هدوموا كلها .. بس للصراحة هوة كان فيه شوية قرفة غيروا من طعموا :D :D :D
ولقينا الحج ادفلنر نازل علينا وتقربا نزل بوشوا في جردل كريم !!!!!!!!!!!!!!!! ايه اللي انتا عاملوا ده !!!! قال اصلوا قرأ في كتاب انه حرارة مصر تكاد تحرق الجلد فهوة مستعد وداهن وشوا بالكريم !!!!!
تعاليلي ياما !!! بقالي 5 سنين في الشغلانة دي مغسلتش وشي حتى عشان يقولي حطيت كريم !!!!!!
وكان تعليقوا الجميل اني راجل عملي لا تهمني المظاهر بدليل اني جي الشغل بشورت وده دليل على قمة الإتاجية والعمل في شركتنا (اه لو كان يعرف اللي فيها ) ههههههه قالك الإنتاجية والعمل ..
اتحركنا من الفندق وتوجهنا على الموقع ... الموقع موجود في التجمع الخامس .. وافضل طريق كان من وجهة نظري ناخد مساكن شيراتون من الخلف وبعدين نطلع على كبري الكيلو 4.5 وبعدين على مدينة نصر ومن ورا ندخل على من الحي السابع على طريق المدافن ونطلع على التجمع من هناك على اساس انه أأمن طريق وفيه ناس ومش ها نبقى لوحدنا .. ماشي تمام والحمد لله وماشيين والدنيا سالكة والعملية في النملية .. لحد ما وصلنا في شارع ذاكر حسين بالحي السابع بمدينة نصر ....
الشارع متوقف تماما تماما .. ويا ترى ما السبب
وصلنا الى شركة امبي وكم من الناس رهيــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــب وغير طبيعي وكلوا ماسك ورق وبيكتب !! كلو ماسك ورق وبيكتب اللهم صلي على النبي ايه كل الورق ده .. والحج ادفيلنر راح مطلع الكام وعمال بيصور !!!! وسعيد جدا انا عايز اقوله الله يخربيتك البلد بتولع وانتا بتصور .. خش جوا منك لله ..
ومشينا لقدام شوية لحد بقا ما الطريق وقف علني بيمشي 5 متر كل ثلث ساعة ..... الله واكبر لحد بقى ما وصلنا بالضبط امام مركز وهيئة الطاقة الذرية الموجود في الحي السابع في شارع ذاكر حسين بعد شركة امبي للخدمات البترولية .. وايــــــــــــــــــــــ ــــــــــه امم امم امم امم امم والناس واقفة وناس قاعدة على الأرض وناس نايمة على الطريق !!!! يا خبر اسود هوة الوضع وصل للدرجة دي ..
وبقينا احنا اول صف قدام الناس وهنا الناس راحت قاعدة وحالفين ما فيه حد ها يعدي غير لما حد ينصاع لأوامرهم .. يا جدعان مالكم بس وهوة احنا مين اصلا عشان نحل لكم مشاكلكم يا عالم الله يكرمكم ورانا اشغال عايزين نلحقها .. ومفيش راح سعد دايس على الكلاكس ومعلق ايدوا عليه والناس بتبص كأنهم ها يبلعونا .. يا عم بس
يا حببي بس ..
وده العند اللي عندوا مفيش ..
لحد ما واحد راح جي مخبط على الإزاز ..وقايل ( عنتوا مش عا تعدوا ) ومحدش يسألني ليه كمية حرف الـ ع دي في كلاموا بس هوة طريقة كلامو كده بعد ما لميت من الكلام اللي عرفت افهموا .. وهددنا اننا لو مبطلناش ازعاج ها يكسروا العربية على اللي فيها .. :D انا طبعا ركبي مش بتخبط انا ركبي بتشخلل .. انا ايه اللي كان نزلني من بيتنا يوم الجمعة من اساوا انا كان مالي ومال الهم ده يا ربي ..
وفي نفس البق راح الحج آدفيلنر نازل وفاتح الباب وماسك الكام وبيجري على المتظاهرين عايز يتصور معاهم .. :D :D :D الله يخربيتك بتعمل ايه الدنيا والعة وناس مش لاقية تاكل وانتا نازل تتصور بشورتك ده ارجع يا عم الله يهدك .. والناس شافت الأجنبي من هنا ونبسطوا قوي قالك اخيرا صوتنا وصل للإذاعات الأجنبية ... وانا وسعد مش قادرين نمسك نفسنا من الدحك ده شارب وضايع ومش دريان بنفسوا اصلا اذاعات اجنبية ايه .. ورحنا نازلين لامين الدور ومعلش يا جماعة الراجل عايز يساعدكم لكن انتم بالطريقة دي بتخلوا الناس الأجانب تاخد عننا فكرة بطالة بالصوت العالي وخبط الراس ف يالحيط مهو مش بالطريقة دي ومعلش وي وي لحد ما اقنعناهم وراح واحد قايل لأ الناس دي لو مشيت محدش ها يسأل فينا !!!!!!!!!!!
على اساس اننا احنا كنا بنسأل اصلا :D :D :D :D وراح ماسك سعد وبيقولوا كالتالي ..
يا بيه احنا مش بناخد فلوس احنا انخد ملاليم .. دي اسمها هيئة الطاقة الذرية يعني عليا النعمة لو مستجبتوش لمطالبنا المفاعل اللي جوة ده احنا ها نفجره ونفجر البلد كلها ... هههههههههههههههههه
انا وقعت على نفسي من الدحك !!!!!!!!!! الله هوة مفاعل الضبعة اتنفذ في مدينة نصر بالسرعة دي دي ههههههههههه يالله هوة برضوا الناس كانت مستتقلة مواصلات الضبعة قالوا يعملوها في مدينة نصر على اسا ميكروباص من اول مكرم ها ينزل قدام باب المفاعل في جنيه :D :D :D
انا هنا عرفت الحكومة معينة الراجل ده ازاي عشان كده لازم يبقى بيحتج مفاعل ايه يا ابو مفاعل انتا هههههههههه مصر كلها مفيش فيها مفاعل واحد غير كله نظام محاكات لحد دلوقتي وانتا مفهمينك انك واقف جنب مفاعل ... طيب يا حبيبي انتا زي الفل خليك واقف كده وهما ان شاء الله ان حققولك حاجة ابقى تعالا قابلني :D :D
وفتحولنا الطريق واتحركنا والحمد لله وبحمد الله وسلامته وصلنا الموقع ساملين في التجمع الخامس .. وكان المفروض يا جماعة بس كده للتبسيط على حضراتكم انه احنا جيين نعمل حاجة اسمها اختبار الـ SPT
والصورة دي ها تفهكم انهي اختبار احنا بنعمل .. احنا بنحط سيخ كبير جدا بقطر معلوم في الأرض وننزل عليه بيوزن 67 كيلو وحدش يسأل ليه بالذات 67 كيلو عشان ده المكافئ له بالباوند الإنجليزي .. وبيترفع وبنزل من ارتفاع معلوم ونشوف السيخ ده ها ينزل متر في الأرض بعد كام ضربة وبكده نعرف حاجات كتير جدا صلابة الأرض وحساسياتها والكلام ده كلو ..
وصلنا لقينا المقاول والعمال وكلو جاهز للإختبار والمعدات جاهزة والأرض زي الفل ومهلبية على قول سعد وجاهزة للإختبار ..
اول ما وصلنا ونزلنا لقيت الخبراء كلهم راحوا طالعين من هدومهم بكل ما تحمل الكلمة من معنى ومش ها اقدر اقول ايه اللي حصل عشان الموضوع ميبقاش بيحمل ايحاءات اخرى ولكن يكفي انا اقول انه في عمراة في ظهر الأرض وعمارتين على الجناب فيهم عمال الـ 3 عماير دول في اليوم ده محدش بنا طوبة فيهم ولا حتى رما قراونة ولا حتى زلطة واحدة اتحركت فيهم العمال قعدوا يشربوا الشاي ويتفرجوا ايه اللي بيحصل :D :D :D اجانب اجانب ...!!!!!!!!!!!!!!! حسبي الله ونعمل وكيل في اللي كان السبب .. يا رب اشوف فيه يوم على الفرجة اللي كنا فيها اليوم ده يا ربي ..
وعم ادفيلنر بكريموا بشورتوا بسلاطاته بكاميرتوا رايح جي في الموقع عمال بيتنطط رايح جي والكام شغالة صورة ورا صورة صورة ورا صورة هههههههههه والعمال عمالين بيتريقوا عليه وهوة في قمة السعادة فاكرهم بيرحبوا بيه وعمال يدي في توجيهات ليهم وهما ولا سأليــــــــــــن فيه من اساسوا لأنهم بصراحة المجال ده من الإختبارات صدقوني الخبرة بتلعب دور اهم من العلم بكتير جدا يعني الناس دي حافظة مش فاهمة .....
المهم ورفعنا الوزن لأول مرة
وسعد ادى الأمر ببدء الطرق وحساب الزمن ..
واول ما الوزن نزل على السيخ
ديـــــــــــــــــــــــ ـــــــــــــــــــــــــ ـــــــــــــــــــــــــ ـــــــب انفجار بصوت مدوي ..
وكفاية كده ها اسيب الباقي للمرة الجاية عشان كل واحد يتوقع ايه اللي حصل ومحرقش عليكم اللي حصل لأنو اللي حصل ميتحكيش والله :D :D
كل واحد يتوقع ويقول ايه اللي حصل ..
وبالنسبة للأستاذ دياب طلباتك اوامر يا دياب بيـــــــــــــه خصوصا وانهم لسة شغالين بنظام العبيد في روسيا هناك ههههههه يعني نبعت نجيب الجواري والرقيق الأبيض هناك عامل سبوبة حلوة وعال قوي :D :D ننزلهم مصر ونقول دول من الـ BBC وكل لقاء معاهم بـ 10 جنيه وانا ماسك فرع القاهرة واعتقد شنوري بيه وحضرتك ها تقوموا بفرع الأسكندرية ونشتغل بقا وننمي المشاريع الصح .. هههههه يالله اهو بنقلب عيشنا :D