الحقوااااااااااا
شفيق لغى استيراد المواتير وقطع الغيارالسيارات والاتلاجات والاجهزة الكهربائية الخ الخ الخ
عرض للطباعة
الحقوااااااااااا
شفيق لغى استيراد المواتير وقطع الغيارالسيارات والاتلاجات والاجهزة الكهربائية الخ الخ الخ
منين الخبر دا ؟؟؟
فين المصدر بتاع الخبر دة دى تبقى كارثة احنا عايشين على قطع الغيار الاستيراد لانها انظف من الجديد و احسن
لا لجعل مصر تلم زبالة أوروبا
بنستورد ماتور مستعمل و طالع عين أهله ليه ما نرخص الجمارك على الجديد
بنستورد الشاشات الcrt بتاعت الكوبيوتر و نجيبها مصر ب 100 جنيه عشان أوروبا مش عارفه تعملها إعادة تصنيع لضررها البيئي
بنستورد أجهزة مستعمله ليه
يمكن حيعملولنا فقاعه زي اليابان ويحسنوا المنتج المصري والناس غصب عنها لما متلاقيش غيره وبجوده عاليه تشتريه
دا في حاله ان الخبر صح
بس عموما يا خبر بفلوس
ياترى ايه مصدر هذه المعلومات
ولو فرضنا المعلومات دى صحيحة هل نحن لدينا صناعة وطنية لتوفر البديل لهذه الاشياء؟
مع احترامى شئ غير منطقى
عموما الفريق شفيق بيفقد رصيده لدى الشعب يوم بعد يوم
للاسف انا كنت من المؤيدين له ولكن الان لا اشعر باى نوع من التعاطف معه تماما
السلام عليكم و رحمة الله و بركاته
هو سيادتك متأكد من الخبر
حضرتك قصدك على أحمد شفيق و لا شفيق مين بالظبط
و هو ايه اللى فكر شفيق بالقطع الاستيراد؟؟؟؟
على فكرة
أنا مش بالع الخير
يعني لما يوقف إستيراد السلع الكهربائية ..أو قطع غيار السيارات
طيب ليه يعني
هما دول إلي كانوا بينافسوا الصناعات الوطنية يعني؟؟؟
وبعدين قطع غيار السيارات دي بالذات .. بتوفر قطع غيار أصلية ...أفضل من الجديد الصيني أو التايواني
يبقا يلغيها ليه؟؟؟
وإستيراد الأجهزة الكهربائية ...ماهي دي شاملة الموبايلات والاب توبات ..وأجهزة كهربائية كتير مش متوفرة في مصر أساسا
ربنا يستر ويطلع الخبر فشنك
المصدر ؟
ع فكرة يا جماعة انا لسة من شوية سامع الخبر دة ع برنامج الحياة اليوم
والقرار دة بحجة ان اللى موجود فى السوق هيغطى الطلب لمدة 6 شهور
يعنى القرار دة مؤقت
وبكدة كل واحد عندة حاجة هيبيعها بضعف التمن والسوق السودة تشتغل
انا لما دورت علي الخبر علي جوجل مطلعليش الا الخبر بتاعك في المنتدي
فياريت تجيب لينك لاصل الخبر بدل ما يتبعت فيك تقارير بترويج الاشاعات
وليه منشوفهاش من وجهة النظر التانيه أن الموضوع مش منتج محلى أو مستورد
الموضوع أن الأحتياطى الموجود من العمله الصعبه فى البنك المركزى خلال الفتره دى يكون توجيهها لأستيراد الغذاء ولأدويه والضروريات أفضل ما تخلص على العربيات والأجهزه الكهربائيه وخلافه لأن الموارد من العمله الصعبه مع ضرب السياحه والأستثمار وخلافه قلت جدا جدا
اللى عايز يستورد حاجه بيفتح أعتماد بالدولار أو اليورو
يعنى بيسحب عمله صعبه من البلد
زى ما أنا أوجه الدخل بتاعى الفتره دى للضروريات وبلاش أغير العربيه أو أروح شرم الشيخ أو أو أو
أنا شايفه قرار صحيح لفتره مؤقته
ده حصل فعلا و ده بسبب ان فى كذا رجل اعمال بيهربو الفلوس عن طريق انه يروح لشركة برة و يعمل معاهم عقد وهمى و ليكن استيراد ياميش رمضان ب خمسة مليون دولار مثلا و العقد يتعمل و طبعا دى مش شركة ياميش ولا البلد دى حتى فيها ياميش و يبعت الفلوس على الشركة اللى برة بتاخد مصلحتها و بيتحط الباقى فى حسابه فى البنك برة و تانى يوم صفقة وهمية تانية و هكذا هكذا
و ده انا جبته من شركة بتعامل معاها اخو صاحبها اتقبض عليه فى الموضوع ده و مثال ياميش رمضان ده اللى هو عملوا فعلا مش من تأليفى
شفيق عمل كدة و لغا كل ده و ساب بس الاجهزة الطبية و مش عارف ايه تانى كدة انما الباقى لا و ده مؤقتا لحد ما هيظبطوا حالهم كدة
هو لغى حاجه اكيد فى بديل وماينفعش يكون مافيش بديل ولا احنا بس عرفنا اللى اتلغى ومعرفناش البديل ليييييييييييييييييييييييي ييه ياريت اللى عنده خبر تفصيل يقول ياجماعه لو تكرمتم . شكرا
الكلام ده سمعته في التلفزيون فعلا بس مش فاكر قناه ايه
انا موافق يلغوا قطع الغيار الاستيراد
بس
ينزل مواصفات قياسية مصرية لقطع الغيار الجديدة
السلام عليكم و رحمة الله و بركاته
الحكاية مش حكاية المواصفات المصرية و الحاجات دى, الحاجات دى جميلة جدا, بس اللى هيحصل بكره, أن كووووووووووووووول الحاجات الاستيراد اللى كانت بقرش هتبقى بعشرة.
و الموتور الاستيراد اللى ب 4000 جنيه, هيبقى ب 10000 و 11000 جنيه .
و نقيس على كده بأه و لما الحاجة الاستيراد تغلى, بالتبعية الحاجة الجديدة هى كمان هتغلى أيا كانت بلد منشأها, لأنى مثلا, لو عايز أجيب فانوس استيراد ب 100 جنيه و الصينى ب 150 جنيه و أنا كنت بجيب الاستيراد عشان أحسن أو أرخص أو أيا كان السبب, لما الاستيراد يبقى ب 300 جنيه, يبقى بالتبعية, الصينى هيبقى ب 400 جنيه مثلا و هلما جرة و هكذا .
المفروض لو الراجل اللى لغى الاستيراد للمستعمل ده بيفكر كويس, يلغى الجمارك على قطع غيار السيارات و على السيارات الجديدة ( الغير مستعملة ) .
ده العدل بأه و لا ايييييييييييييييه .
و ماحدش يقول الفلوس و الاقتصاد و الموارد بتاع البلد و الكلام ده, البلد فيها فلوس كتير أوى و فيها موارد بالهبل و قناة السويس و الذهب و الغاز و البترول و السياحة اللى هتيجى و كوووووووووووووول الحاجات دى, خلى بالكم, أنا ماجيبتش سيرة الفلوس اللى الحرامية ولاد الكلب سرقوها و هربوا بيها لبره, أنا بتكلم على الجديد, يعنى احنا ولاد النهاردة, مش ولاد امبارح .
نفى الاتحاد العام للغرف التجارية ما تردد من مزاعم تضمنتها منشورات وشائعات مغرضة حول تنفيذ لجنة المتابعة بالاتحاد لقرار مختلق عن رئيس الوزراء د. أحمد شفيق بفرض قيود على استيراد وتصدير عدد من السلع.
قال رئيس الاتحاد أحمد الوكيل "إن ما ورد فى هذه المنشورات ليس له أساس من الصحة والمنسوب صدورها إلى لجنة المتابعة والتنسيق بالاتحاد والتى تضمنت تنفيذ قرار مختلق عن شفيق فيما يخص وزارة التجارة الخارجية بشأن فرض قيود على استيراد عدد من السلع الهندسية والكهربائية وغيرها، وقيود على تصدير المواد الغذائية والزراعية بالمخالفة للحقيقة".
وأكد عدم صحة صدور أى قرارات من مجلس الوزراء فى هذا الخصوص، مشيرا إلى أنه لا توجد أصلا لجنة للمتابعة والتنسيق بالاتحاد، كما أن الاتحاد لا يصدر بيانات توزع بالشارع.
وأوضح الوكيل أن ما يصدر عن الاتحاد من بيانات يتم من خلال القنوات الشرعية وهى الغرف التجارية بالمحافظات أو من خلال وسائل الإعلام.
وأهاب بتجار وصناع ومقدمى خدمات مصر الشرفاء عدم الانسياق وراء مثل هذه الشائعات المغرضة التى تستهدف الأضرار بمصالح البلاد فى هذه الظروف الراهنة.
http://www.youm7.com/News.asp?NewsID...D=24&IssueID=0
الخبر فعلا اذيع علي قناة الحياة اليوم ويشمل استيراد السيارات وقطع غيارها سواء جديد او مستعمل واجهزة التكييف وكماليات اخري كثيرة
الخبر شوفته بنفسي لكن ليس له تاكيد علي باقي القنوات الحوارية او الاخبارية او الجرائد
مش مصدق
هو هيوزع علينا زيرو ولا ايه
احنا بلد غلبانة ومضيعين مليارات
منهم لله ولاد التيييييييييييييييييييت
الخبر حقيقى انا لسه سامعه انهارده على المصريه
الراجل التييييييييييت
انا كنت عايز اجيب الارضية الشامواه الاصلي بتاعت العربية من بره عشان مش لاقيها هنا ..
السلام عليكم و رحمة الله و بركاته
تكونشى أووووشاعة, مطلعينها تجار الاستيراد, عشان يغلوا البووووضاعة ؟؟؟!!!
ازاااااااااي الكلام دة
سمعتة النهاردة وهو بيقول الخبر والقرار دوة بس هو قال هيوقف استيراد العربيات وقطع الغيار والموبيليا والاثاث وحبة حاجات تانية كدة لان السوق المحلى فية ما يكفى لشهور قدام
طبعا دوة باستثناء الصفقات اللى تم التعاقد عليها قبل صدور هذا القرار او الشحنات اللى غادرت بلادها عشان تيجى مصر
ودة علشان نوفر الموارد المالية للبلد لادخالها فى الحاجات الضرورية الهم دلوقتى
...................... منقول .................. اليوم السابع
تسببت الشائعات التى بثتها إحدى المواقع الإلكترونية مساء أمس، الأحد، فى بث القلق فى الأسواق، حيث تردد أن رئيس الوزراء أحمد شفيق يدرس حاليا إصدار قرارات تخص متابعة شئون التجارة الخارجية بمنع استيراد عدد من السلع حتى نهاية العام الحالى، ومنها قطع غيار السيارات، ومواد البناء والأجهزة الكهربائية، وغيرها من السلع التى برر فيها البيان المنشور أن حاجة السوق له ليست كبيرة، إضافة إلى وجود مخزون كافٍ وحتى لا نرهق البنوك فى فتح الاعتمادات المستندية خلال الظروف الراهنة التى تمر بها البلاد، وأن الأولوية للسلع الزراعية والغذائية.
حمدى النجار، رئيس شعبة المستوردين بغرفة القاهرة، أكد أن هذا الخبر عار تماما من الصحة وليس للبيان مصدر معلوم لمعرفته، وعليها خاطب المسئولون بالاتحاد العام الذى أصدر منشورا مساء أمس، الأحد، ينص على نفى الاتحاد العام للغرف التجارية ما تردد من مزاعم تضمنتها منشورات وشائعات مغرضة حول تنفيذ لجنة المتابعة بالاتحاد لقرار مختلق عن رئيس الوزراء د. أحمد شفيق بفرض قيود على استيراد وتصدير عدد من السلع.
وقال رئيس الاتحاد أحمد الوكيل: "إن ما ورد فى هذه المنشورات ليس له أساس من الصحة والمنسوب صدورها إلى لجنة المتابعة والتنسيق بالاتحاد التى تضمنت تنفيذ قرار مختلق عن شفيق فيما يخص متابعة وزارة التجارة الخارجية بشأن فرض قيود على استيراد عدد من السلع الهندسية والكهربائية وغيرها، وقيود على تصدير المواد الغذائية والزراعية بالمخالفة للحقيقة".
وأكد البيان عدم صحة صدور أى قرارات من مجلس الوزراء فى هذا الخصوص، مشيرا إلى أنه لا توجد أصلا لجنة للمتابعة والتنسيق بالاتحاد، كما أن الاتحاد لا يصدر بيانات توزع بالشارع.
وأوضح الوكيل أن ما يصدر عن الاتحاد من بيانات يتم من خلال القنوات الشرعية وهى الغرف التجارية بالمحافظات أو من خلال وسائل الإعلام.
وأهاب بتجار وصناع ومقدمى خدمات مصر الشرفاء عدم الانسياق وراء مثل هذه الشائعات المغرضة التى تستهدف الأضرار بمصالح البلاد فى هذه الظروف الراهنة.
يذكر أن البيان المغلوط والذى تم نشره باحدى المواقع الإلكترونية قد اطلعت "اليوم السابع" على نسخة منه مساء أمس، إلا أنه لتدقيق المعلومات لم يتم النشر، حيث إن البيان لم يعرف مصدره أو صحة معلوماته التى أدت إلى إرباك السوق المصرى أمس.
السلام عليكم ورحمة الله وبركاته
إنالله وإناإليه راجعون
اخربها كمــــــــــــــــــان اخربها
ماهولازم يكون له بصمة خراب
هو من أذيال النظام البائد