السلام عليكم
محتاج استشارة منكم
العربية بتاعتي بتتاخر في الدوارة الصبح ولازم اكرك لها عشان تدور وكنت قبل كدة سلكت الكربراتير وكانت بدور من اول تكة دلوقتي بدات ترجع تتاخر في الدوراة وانا باستخدم بنزين 80 هل لية علاقة ولو استخدمت 90 الموضوع حينتهي؟
وشكرا
ملهاش علاقة بنوع البنزين
أنا كنت بستخدم بنزين80 وغيرت ل90 ومازلت مستمر عليه لأنه فقط فرق معايا في السحب
لكن موضوع الدوارة هذا لازم كل مدة كدة تنظف الكربراتير علشان البنزين بتاعنا ميتوصاش في شوائب كثير
انا عربيتي فيفوريت زي بتاعتك وموضوع الدواره الصبح ده كان محيرني وغيرت الاسبراتير والاسلاك بتاعة البوجيهات والبوجيهات وحطيت بنزين 95 وغيرت طرمبة البنزين ونظفت الكابربراتير وبرده موضوع الدواره الصبح ده في تاخير
بس طبعا اداء العربيه ارتفع جدا
واحد قالي غير جلد رداخ الكاربراتير غيرته نفس الحكايه
غيرت الفلاتر نفس الحكايه
وعارف الموضوع ظبط ازاي
مظبطش الا لما عملت تعديل بسيط كده ركبت طرمبة بنزين كهربائيه يابانيه رخيصه مش غاليه وتوصيلها سهل جدا لاقصى حد
دلوقتي الصبح افتح الكونتاكت الطرمبه تملا الكاربراتير بنزين وتكه واحده يا معلم العربيه بتدور لا سحر ولاا شعوذه
وبعدين خفت لحسن فتح الكونتاكت فتره طويله يشرق العربيه سبت الكونتاكت فاتح 5 دقايق والعربيه برده دارت من اول تكه
يعني العهربيه مبتشرقش
وكمان احتفظت بطرمبة البنزين الميكانيكيه بوصلاتها في مكانها عشان لو حصل اي عطل لا قدر الله في الطرمبه يبقى عندي طرمبه استبن
ونسيت اقولك اني شغلت السخان بتاع الكاربراتير اللي بيسخن العربيه الصبح ده برده ليه دور رائع في الموضوع بتاع الدواره الصبح وفي بعض الناس تقولك اعطله عشان اوزفر بنزين زي صاحب عربيتي الاولاني
ولو عاوز اي استفسار اخر انا تحت امرك انا قعدت شهر عشان اوصل للنتيجه دي
شكرا للاخ الصيداح و الاخ tejani للاهتمام وجزاكم الله خيرا
بالنسبة للاخ tejani عندي كام استفسار
طرمبة البنزين الكهربائية اللياباني نوعها اية وجبتها منين وبكام؟ ومين اللي بيركبها كهربائي ولا ميكانيكي؟
انت بتقول وكمان احتفظت بطرمبة البنزين الميكانيكيه بوصلاتها في مكانها افهم من كدة انها لسة راكبة في مكانها وضيفت الطرمبة الكهربائية؟
بالنسبة لسخان الكربراتير اعرف منين هو شغال ولا لاء وهل لية تاثير على سخونة العربية لو شغلتة ؟
معلش اني بتعبك معايا بالاسئلة الكتير وجزاك الله كل خير
انا تحت امرك يا باشا
الطرمبه اسمها طرمبه كهربائيه خارجيه ماركةhkt
ده موقع الشركه بتاعها وفي صورتها
HKT homepage
اشترتها من التوفيقيه ب 175 بالفصال من محل كبير من التوفيقيه بس مش فاكر المحل انا قلتله عاوز طرمبه خارجيه
قالي عندجي طرمبه ياني وحفور عليها japan
تركيب الطرمبه بسيط جدا الميكانيكي هو اللي ركبها بس عشان انا مكنتش عاوز اوسخ ايدي :)
في خرطوم جاي من التنك داخل في الطرمبه الاصليه بتفصله وتركبه في داخل الطرمبه الكهرباء
وفي خرطوم داخل فلتر الكاربراتير بتفصله وتوصله في خارج الطرمبه الكهرباء
وثبت الطرمبه بمسمارين 10 في البطاحه الشمال بس حط تحتها كاوتشتين عشان متعملش صوت ارتدادي مع الحديد
الكهرباء بقه توصيلها سهل جدا هم سلكتين سلكه على موجب الموبينه وسلكه ارضي مع اي مسمار في صاج العربيه مثلا مسمار البطاحه
بالنسبه للطرمبه القديمه هي راكبه في مكانها بخراطيمها بس سديت الداخل بتاعها بمسمار عشان متعملش صوت لانها بتبقى شغاله مع الموتور لكن خراطيمها متوصله بحيث ان لو التانيه عطلت اوصلها الخراطيم تشتغل عادي
بالنسبه للسخان تعرف انه شغال ازاي
لما تدور العربيه وهي بارده خالص العربيه بتدور وتعلى واحده واحده لغايه لما يبقىالار بي ام على 1
لغايه لما العربيه تسخن والحاراه تبقى عند اول علامه يرجع مؤشر الاربي ام على اللي انت ظبطه على عليه في السلانسيه انا مثلا ظبطه على 700
وده لو مششغال هتضطر تدوس بنزين شويه تسخن العربيه لغايه لما تسخن وبعدين هتظبط معالك وده بتاع الكاربراتير اللي شغلهولي كان ممسوك بسلكه رباط عشان ميشتغلش
ويا رب اكون افدتك
الاخ الكريم tejani
انا بصراحة مش عارف اشكرك ازاي على اهتمامك وحسن ردك وشرحك وربنا يجزيك كل خير
بس حتقل عليك تاني
ابتدي بتنضيف الكربراتير واجرب واشوف النتيجة ولا اشغل السخان بس ولا طرمبة البنزين الكهربا تكفي عن كل دة؟
وهل اكمل ببنزين 80 عادي؟
اخر سؤال سخان الكربراتير بيزود حرارة الماتور اقصد بيزود السخونة ولا ملوش تاثير؟
شغل السخان وركب الطرمبه
متنضفش الكاربراتير لو مش بيهبب البوجيهات
السخان مش بسخن العربيه قصدي يعني مش بيزود الحراره
محستش بفرق من 95 لل 80 غير في السحب بس
متعرفش بقه وش الفانوس الامامي بيتباع لوحده ولا لا عشان واحد ابن حلال كسرهولي
اشكرك اخي الكريم tejani
على اهتمامك وسرعة ردك وربنا ان شاء الله يجعلة في ميزان حسناتك
بالنسبة لوش الفانوس الامامي معنديش فكرة بس ححاول اعرف وارد عليك انا كنت اشتريت وش فانوس خلفي مصري 10 جنية وكان والتشيكي جنية 25 من عند السيد صلاح السيد
انا بقى عملت العكس .... اشتريت العربية مو95 بس كان مسقطلها مو 98 او 2000 مش فاكر المهم الموتور دا طلمبته فى تانك البنزين بس تانك مو95 مافيهوش مكان للطلمبة المهم الموتور كان شغال على طلمبة كهربا و كانت صينى و انا ماشى بالعربية فجأة بطلت منى الميكانيكى عرف ان العيب من الطلمبة و غيرتها و ركبت hkt اليابانى قعدت يا دوب شهرين و دخل الصيف حيث الحرارة الشديدة لانها بتسخن جامد و بقت تقطع شوية و تشتغل شوية رحت لميكانيكى خبير فى اسكودا و اقترح عليا تعديل فى الموتور بفتح مكان للطلمبة العادة فى الموتور عند الخراط بعد حل المكنة كلها و قد كان من ساعتها العربية الحمد لله زى الفل و كلفى التعديل دا حوالى 450 جنداقتباس:
المشاركة الأصلية كتبت بواسطة tejani
يا جماعه دي اول مشاركه ليه حد يرد عليا ارجوكم
انا امبارح دوست علي البنزين دوسه ثم دورت وانا شايل رجلي من علي البنزين وفضلت دايره لكن بعد حولي 3 دقائق بطلت لوحدها
جيت ادور تاني مش عايزه ابدا
دوست بنزين تاني وادور لا مش عايزه كذا مره
روحت جبت الميكانيكي قالي الكهربا 100 100 وتقريبا العربيه شرقت مني طلع بنزين ببقه وحاطه في العمه مدارتش برده
راح جابلي بوجيهات مستعمله من قبل وحطهم بعد كده دارت عادي لاكن برده صوتها بقا هاديي اكنها هتقف المهم وفصلي كمان باب كده في العمه بحتة خشبه قالي عشان متعملش معاك تاني كده
مشيت بيها بقت تنتش مني علي الهادي اوي بس اول وتاني الهادي بتاعهم بس اتعكننت وادايقت وخفت اوي والله لربنا يستر ناس اصحابي بيقوللي دا كان البنزين بيخلص وبدا يسحب من الوساخه
لاكن انا مشيت بيها حبه حلوين قبل ما احط بنزين تاني
وناس تانيه قالوا لا البوجيهات اللي ركبها مش حلوه هاتلها بوجيهات 3 شمعه
انتوا رايكوا ايه ؟
وكمان حسيت بحاجه تانيه ان العربيه بقت خفيفه اوي يعني الدوسه علي الدوسات بقت خفيفه حسيت كمان ان الدريكسيون بقا خفيف اوي اكنه بور مش عارف ليه ؟
ارجوكم الحقوني وردو عليا