الموضوع شكله عاوز ثوره تانيه

**A7MED_PHARMA** · 28-02-2011 02:12 AM

المشاركة الأصلية كتبت بواسطة zeyad1810

راى الشخصى فى اللى بيحصل
حكومة الحزب الوطنى لسة بتحكم مصر والجيش لية ايد فى الموضوع لان سكوتة حتى الان غير مطمئن ابدا ويعنى انة شريك
لانة لو فعلا خايف ع البلد كان غير حكومة الحزب فورا بس هو بيدافع عنها مش عارف لية وكل شوية اصبروا علينا يعنى اللى غير رئيس مصر مش قادر يغير حكومة ؟؟؟؟ ازاى دى؟؟
الداخلية بتنفذ اللى الحزب مخططة وهو اثارة الفوضى فى الشارع ودة واضح لكل الناس بعد ما طلعوا الحرامية من السجون وبعدين يقولك احنا خايفين نتدخل ومخلين الناس تعيش فى رعب طب ما يقعدوا فى بيوتهم احسن دة ايام اللجان الشعبية الحرامية كانت متلجمة ومش بتعرف تعمل حاجة لما الناس وقفت تحرس بيوتها

احساسى ان شفيق هو الوجة القادم للحزب فى انتخابات الرئاسة وبكدة يركبوا ويدلدلوا رجليهم تانى

ماعتقدش
الجيش بيحاول يفرض السلطة على الأرض
يعني
مش كل عشرين واحد عاوزين حاجة ...الجيش يعملهالهم
وإلا هتبقا هيصة
يعني الجيش (إلي في الشارع)بيحاول يفرض الأمن
والجيش(مجلس القيادة) .. ماشي في دوره ..لكن ببطء مستفز لا يتوافق مع رغبات الناس
الناس كلهااااااااااااا..عاوزة تصجى الصبح تلاقي حسني إتحاكم ..وكل الشلة الوسخة إتحاكمت ..والحكومة إتشالت..وفلوسنا رجعت ..وكل حاجة تمام
طبعا ده خيال
كل ده هيحصل(إن شاء الله) بس واحدة واحدة

**devilishtigers** · 28-02-2011 02:16 AM

المشاركة الأصلية كتبت بواسطة smartchoice

الحل الوحيد ان الجيش يبطل مياعة و مسخرة و طبطبة و يعلن الأحكام العرفية و يشد البلد شدة محترمة لحد ما يلموا ال 11,000 سجين الهاربانيين و الأمن يرجع للشارع تانى و أى حد ينزل بعض الساعة 12 يتاخد علطول محاكمة عسكرية و يشوفوا الناس دى بتنيل أية
بدل حظر التجول المايع اللى ملوش أى معنى و الناس كلها مالية الشوارع عادى
و كمان الجيش يمنع منعا باتا لأى مظاهرات فئوية بالقوة
و ده الحل الوحيد اللى هيرجع سيادة القانون و بعدين لما يبقوا يتنيلوا يعملوا أنتخابات رئاسية و شعب و شورى و الأمن يستتب الناس تبقى تنزل بقى تتظاهر و تعمل أعتصامات و يتفسحوا فى التحرير براحتهم

+999999999999999999999999999999999999
هو دا الحل والله الجيش عمال يطبطب
والشرطة لازم تنزل بقوة مع البلطجية وكل واحد ياخد حقه بالقانوووووووووون
ومش شرط البلطجي هو اللي شايل سلاح وبيخوف الناس
البلطجي اللي بيمشي فالشارع معاكس ومش همه
اللي واقف يبيع مخدلاات عيني عينك
واللي واقف في ميدان العتبة بيبيع المطوة ب 30 جنيه والعيال بقت شيلاها
و..........و..............و..............

**Ahmed Anwer** · 28-02-2011 02:24 AM

يا جماعة الجيش خط أحمر

مش قدسية و لا ثقة و لا حتي ضعف من الشعب في مواجهة الجيش

بس عشان لو الجيش وقع كمان يبقي مع السلامة و مش الجيش اللي هيحارب الشعب

الجيش اللي هيحارب الجيش

الجيش طبيعته مختلفة عن الشرطة كأفراد

كلمة الجيش من الشعب مش جاية من فراغ ،،

ضباط و افراد الجيش مختلفين و متباينين منهم المثقف جدا و منهم المتدين و منهم اللي مالهوش في اي حاجة

زي الشعب يعني ،،

غير الشرطة ،، افراد الشرطة مختلفين و لكن في النهاية ليهم طابع و فكر عام واضح تماما ممكن لو شفته علي القهوة تعرفه حتي لو مش لابس ميري ،،، افراد الجيش لو قلعوا الميري مش هتعرف إنه في الجيش اساسا ،،

و لو قولتوا العقيدة العسكرية يعني نفذ الأوامر و خلااص

العقيدة العسكرية دي معمولة عشان الحرب يعني العدو واضح و مفيش مجال للنقاش

و دي مش الحالة الحالية

و أعتقد السبب الأكبر لوقوف الجيش حتي لو بتردد في صف الثورة

عدم ثقة القادة في سيطرتهم علي الجيش كافراد و ضباط

و عشان كده بقول أضغطوا عليه لكن متوجهوهوش و لا تتطاولوا عليه

**zeyad1810** · 28-02-2011 02:25 AM

المشاركة الأصلية كتبت بواسطة a7med_pharma

ماعتقدش
الجيش بيحاول يفرض السلطة على الأرض
يعني
مش كل عشرين واحد عاوزين حاجة ...الجيش يعملهالهم
وإلا هتبقا هيصة
يعني الجيش (إلي في الشارع)بيحاول يفرض الأمن
والجيش(مجلس القيادة) .. ماشي في دوره ..لكن ببطء مستفز لا يتوافق مع رغبات الناس
الناس كلهااااااااااااا..عاوزة تصجى الصبح تلاقي حسني إتحاكم ..وكل الشلة الوسخة إتحاكمت ..والحكومة إتشالت..وفلوسنا رجعت ..وكل حاجة تمام
طبعا ده خيال
كل ده هيحصل(إن شاء الله) بس واحدة واحدة

طب انا عاوز حد يقنعنى ببقاء هؤلاء حتى الان شفيق و وجدى وابو الغيط ومرعى ودى اصلا وزارات سيادية اللى كان بيختارها مبارك مش رئيس الوزارة يبقى قاعدين لية ؟؟؟ دول اول ناس تمشى معاة
زمان كانوا بقولوا دو مبارك لو مشى مصر هتخرب واسرائيل هتدخل من البر وامريكا من البحر والجو والكلام الاهبل بتاع الحزب الوطنى وذيولة على اساس ان مصر مافيهاش غيرة وحاليا نفس الكلام على شفيق ودة راجل كويس ومفيش زية ولو مشى الفوضى هتعم والبلطجية مالية الشوارع والداخلية نايمة فى العسل كلام اهبل علشان الناس تخاف
يعنى بقائهم لغرض ما ودة اللى مشككنى فى الجيش ودورة فى الموضوع انة يسهل وصول شفيق للحكم

**pro_samir** · 28-02-2011 03:28 AM

الناس كلها بتدور علي سلاح دلوقتي محدش في دماغه قصه الرخصه واسعاره غليت جدا ، أيام القلق واللجان الشعبيه في طنطا ظهر كميه سلاح رهيبه مع الأهالي طبنجات و ألي وشوت جن حاجات عجيبه ولولا كده يمكن مكانش حد عرف يلم البلطجيه المسلحين ، خليها تمشي كده لحد ما تتحل هنعمل ايه يعني !

المشكله ان الناس شايله من الشرطه ومن الصعب جدا منع الاحتكاك بينهم لأن مش كل الناس زي بعضها وبرضو مش كل الشرطه زي بعض و المحترم هيروح في الرجلين

والمصيبه ان كتير منهم مش عايزين يفوقو لنفسهم ، حتي في عز المعمه وهروب المساجين اخويا كان في لجنه شعبيه عند السجن كان في ظابط محترم وعساكر واقفين حراسه وهم واقفين معاهم ومحولين الطريق من ناحيه تانيه .. جاي ظابط تنك عايز يعدي وبيشاورلهم بتناكه يفتحو الطريق علشان يعدي !!! نزلوه وخدو منه البوكس عملو جوله أمنيه :) ! واحد زي ده هيتغير عمره ؟ مفتكرش

وعلي الناحيه التانيه بتوع النص نقل مثلا تلاقي اللي ماشي عكس في الميدان والظابط خايف منه بيكلمه بكل ذوق ورعب ومش قادر عليه ! والعسكري اللي عمال يشاور لما الاشاره تقفل والناس مش معبراه وماشيه ! برضو الناس دي هتتغير ازاي !

**dr-mohamed** · 28-02-2011 04:00 AM

المشاركة الأصلية كتبت بواسطة pro_samir

الناس كلها بتدور علي سلاح دلوقتي محدش في دماغه قصه الرخصه واسعاره غليت جدا ، أيام القلق واللجان الشعبيه في طنطا ظهر كميه سلاح رهيبه مع الأهالي طبنجات و ألي وشوت جن حاجات عجيبه ولولا كده يمكن مكانش حد عرف يلم البلطجيه المسلحين ، خليها تمشي كده لحد ما تتحل هنعمل ايه يعني !

المشكله ان الناس شايله من الشرطه ومن الصعب جدا منع الاحتكاك بينهم لأن مش كل الناس زي بعضها وبرضو مش كل الشرطه زي بعض و المحترم هيروح في الرجلين

والمصيبه ان كتير منهم مش عايزين يفوقو لنفسهم ، حتي في عز المعمه وهروب المساجين اخويا كان في لجنه شعبيه عند السجن كان في ظابط محترم وعساكر واقفين حراسه وهم واقفين معاهم ومحولين الطريق من ناحيه تانيه .. جاي ظابط تنك عايز يعدي وبيشاورلهم بتناكه يفتحو الطريق علشان يعدي !!! نزلوه وخدو منه البوكس عملو جوله أمنيه :) ! واحد زي ده هيتغير عمره ؟ مفتكرش

وعلي الناحيه التانيه بتوع النص نقل مثلا تلاقي اللي ماشي عكس في الميدان والظابط خايف منه بيكلمه بكل ذوق ورعب ومش قادر عليه ! والعسكري اللي عمال يشاور لما الاشاره تقفل والناس مش معبراه وماشيه ! برضو الناس دي هتتغير ازاي !

المصيبة بقة ان كل اللى انت قلته صح
حلها

**Samah AbdAllah** · 28-02-2011 04:39 AM

كل ظابط هرب من موقعه وتخلى عن قسمه قبل عمله
لا يستحق ان يعود للعمل والحياة بدونه اكيد افضل
والفاسدين منهم متغيروش وازدادوا قسوة وغرور ولحد انهاردة بيقولوا بطلوا غل وحقد
وبيدعوا عالشعب ومش ناويين يرجعوا لحد ما الدنيا تخرب
تأديب للناس

-

-

-

الموضوع: الموضوع شكله عاوز ثوره تانيه

LinkBack

أدوات الموضوع

عرض

-

-

-

-

المواضيع المتشابهه

عاوز اغير عدادات التابلوه بتاعة كورولا 78 بعدادات تانيه

جبت شكمانين ديفل و عاوز اركب الاتنين .. محتاج توصيلات تانيه ؟؟

موتور السفنتينا (127)... شكله عاوز عمرة

الكلمات الدلالية لهذا الموضوع

المفضلات

المفضلات

ضوابط المشاركة