أنا مع التفسير الاول و الدليل انهم بيولولوا من اول يوم مظاهرات , يا جماعة مفيش فايدة ! الخطاب التانى ! يا جماعة الراجل قال هيمشى كمان 6 اشهر و احنا عارفين انه صادق و طول عمره بقاله معانا 30 سنة صادق جدااااا جدااااا !! يا جماعة اهو عمل اجتماع مجلس وزراء و اجتماع مع قادة الجيش مش هيمشى و هيسيب الناس فى الشارع وقفتوا حالنا الله يخرب بيوتكو !!!! (التنحى) يا جماعة اهو مشى عايزين ايه تانى كفاية كدا خلينا نشتغل و نبص لقدام !!!! يا جماعة ارحمونا عايزين شفيق يمشى ليه بس دا راجل كويس و جايب وزير داخلية جميل كلنا شوفناه على التليفزيون و وزير بترول رائع بمعنى الكلمة و وزير العدل سابه علشان ميوقفش حال البلد و وزير الخارجية الجميل برده و اساسا هو كان جايب نص الوزارة هما هما اللى قبل ميارك بس شالهم علشان خاف يزعل الناس مش علشان المظاهرات خالص و عرض على رشيد بس رجع فى كلامه اول ما سمع علطول ان رشيد عليه ملفات فساد!!! يا جماعة رموز الفساد هتتحاسب اديكو شوفتوا كام واحد اهو و صورهملكوا 6000 مرة فى السجن الباقى هيجوا قريب نصبر بس 5 -10 سنين كدا 50 سنة بالكتير و كله هيتمسك !!! يا جماعة نسيب الناس تشتغل و نشوف و ميدان التحرير موجود بلاش وقف الحال !! يا جماعة شركات الموبايل عاملين عرض 30% تخفيض على الbb أعتقد اللى ينزل بعد كدا يستحق .... !!!
صح و لا ايه؟؟
المفضلات