هل دي صدفة و لا تقليد و لا إتجهات تصميمية جديدة

**ahmedfd** · 06-04-2008 02:08 PM

أنا بلاحظ بض التشابه في التفاصيل في سيارات نفس الفئة.... يعني مثلاً مش ملاحظين إن السيارات الجديدة زي الكورولا و اللانسر و السيفيك و الإلنترا و السوزوكي SX4 و السيراتو و غيرهم كله بقى دلوقتي بالفوانيس المسحوبة ...
هتقولوا عادي؟؟؟ ماشي طب خدوا بقى عندوكو:
- الجنوط بتبدأ من 15 بوصة و الكاوتش أقل حاجة 195/65/15
- مسامير العجل 5 بدل 4 في الموديلات الأقدم
- أكرة الباب بتفتح زي المرسيدس
- التابلوه أصبح الكونسول الأوسط واخد معاه جزء التكييف و الكاسيت منفصل عن جزء العدادات (بإستثناء السيفيك الدنيا كلها داخلة في بعض :)) يعني كأن التابلوه بالكامل أصبح 3 أجزاء غير الموديلات الأقدم شوية كان التابلوه بالعدادات بالجزء الأوسط حته واحدة.
- كلهم عصاية الأوتوماتيك فيهم stepgate مش مجرى واحدة عدلة (حتى الكورولا الـ MMT).

حد لاحظ الكلام ده و أيه تعليقكم؟

و شكراً.

**Mzeid** · 06-04-2008 02:22 PM

لأ دة بس صدفة لأن كل شركة بتصمم بمفردها العربيات الخاصة بيها و في أثناء التجارب بيغطزها بالأسود زي ما بتشوف علشان التجسس الصناعي و التشابه الللي بينهم دة نتيجة لأنهم من فئة واحدة و متنساش إنهم من منطقة واحدة - جنوب شرق آسيا - يعني تفكيرهم واحد . :):):):)

**محمد ابراهيم 1** · 06-04-2008 06:52 PM

ده توارد خواطر

**magomago** · 06-04-2008 07:11 PM

أظن ان الحاجات أكبر من اننا نخمن واحنا قاعدين مكانا
لان فى مافيا وقرصنة ومع سهولة الاتصالات ممكن تصميم يتنقل بسهولة وفى ثانية
يعنى زى موضة الملابس ...تلاقى فى سنة جميع بيوت الازياء منزلة فساتين فوق الركبة أو بدون أكمام
الموضوع كبير

**SEATLOVER** · 06-04-2008 07:15 PM

دى كلها لها علاقة بتقارير بتيجى من قسم المبيعات للمصمم بتحتوى على توصيات بالحلول دى مع اعطاء فرصة لبعض الاقتراحات الجديدة (افتكاسات) و تجربتها و خصوصاً على الموديلات التى لم تحقق الاقبال المتوقع لها فى الماضى او بعض الموديلات الجديدة كلياً حتى لا تدخل فى نطاق مقارنة مع قريناتها فى نفس السعر و لآعطاء صفة متميزة لها نسبياً ... وهذا لا يعنى تكملة نفس الموديل بنفس الطريقة فى الموديلات القادمة ..و لكن بتكون عملية (جس نبض) فقط وإذا نجحت بتستمر فى الموديل دة .. وبالتالى بتنتشر و بتصبح ظاهرة قد تستمر لبعض الوقت و منها ما يستمر لفترات طويلة .

**BomBom** · 06-04-2008 08:50 PM

على فكرة مش كل الشركات بتصمم الشكل الخارجي لسياراتها ، في بعضها بتديه لشركات تصميم تانية و اغلبها ايطالي علشان يصمموا لها موديلاتها المختلفة. و يمكن يكون ده سبب في التشابه في بعض الاحيان.

**eng_mkhalaf** · 06-04-2008 09:25 PM

لا يا جماعة أنتم لو تلاحظو هتلقوا كل كام سنة فى نقلة نوعية على مستوى العالم سواء فى التصميم الخارجة أو الداخلى - يعنى بس لحقبة 1960 وبعدها 1970 إلى أخرة كل فترة هتلاقوا تطور معين وبيبداء فى موديل وبعد كدة بيمر على جميع الموديلات

**جمال** · 07-04-2008 01:44 AM

اعتقد ان سبب التشابه هو برامج الكمبيوتر و التى تستخدم للتصميم لانها نفس البرامج او على الاقل متشابهه و بالتالى تعطى حلول متشابهه

**ahmedfd** · 07-04-2008 08:57 AM

بس يا جماعة فيه تفاصيل صغيرة غريبة جداً زي موضوع الخمس مسامير في الجنوط ده... ده غايظني جداً على فكرة... يعني في الكورولا و اللانسر و المازدا 3 و السيفيك و الأنترا و السيراتو كلهم صحيوا فجأة و حطوا 5 مسامير في العجلة في الموديل الجديد رغم إن القديم كان 4 مسامير عادي جداً؟.. أنا عارف إنها حاجة صغيرة.. بس الإتفاق عليها بين كل المتنافسين غريب قوي.

الموضوع: هل دي صدفة و لا تقليد و لا إتجهات تصميمية جديدة

LinkBack

أدوات الموضوع

عرض

-

-

-

-

المواضيع المتشابهه

فيات برافو إكستريم التجريبية...تحفة تصميمية من الطراز الأول!

رب صدفة خير من الف ميعاد

رب صدفة خير من ألف ميعاد...

هل هذه الصورة صدفة

رب صدفة خير ان شاء الله...

الكلمات الدلالية لهذا الموضوع

المفضلات

المفضلات

ضوابط المشاركة