الموضوع: خطير جدا وللنقاش.. من مذكرات الشاذلى : الرئيس القادم جمال او شفيق

المشاركة الأصلية كتبت بواسطة mohamed_mohsen

و الله يا جماعه في نفس الموضوع ده
أنا كنت بكلم خالي أيام الثوره
قاللي كلام شبيه
قاللي يعني لو واحد في الانتخابات طلع بكره و جاب مثلاً مليوم=ن جنيه ووزعهم علي الناس اللي عايزه تترشح كل واحد 50 جنيه
الناس مش هترشحه
بصراحه انا جالي إحباط
لازم تحصل ثوره في تفكير الناس

ده دور الرقابة على الانتخابات
رقابة داخلية ودولية
وممكن شعبية كمان ...... صور بالموبايل يا جدع وابعت
وبعدين سلطات الرئيس سيتم تقليصها بشكل واضح
والاهم ان اللي حصل للشلة القديمة انذار لمن سيأتي ..... شوف يا أخي ....... مبارك بقى عبرة لمن يعتبر ...... سبحان مغير الاحوال

المهم نحذر لعبة الاعلام لأني شايف ان محاولات السيطرة عليه شغالة , و ناجحة الى حد بعيد

المشاركة الأصلية كتبت بواسطة human12

حرق شفيق هو خطوه فى حرق عمرو موسى
الاتنين مستمدين قوتهم من النظام القديم

الرهان على سقوط شفيق هو رهان ان مافيش حد من القديم هيقدر ينط فى المركب

غير ان دلوقتى بين الاوساط الصغيره ابتدوا يتكلموا عن عمرو موسى بتجرأ
مين عمرو موسى
عمل ايه فى الجامعه العربيه
عمل ايه لمصر غير شويه مناوشات مع اسرائيل ولا تودى ولا تجيب

مع الوقت الكلام ده زى هيبقى كتير بيقولوه و هيتحرق شعبيا

يا باشا عمرو موسى اتنفى الى جامعة الدول العربية لما بدأ الناس تحبه في مصر لما كان وزير خارجية
علشان كدة اتنفى في مكان لا يمكن ان يفعل فيه اي شيء
يا أخي ده انت لو جبت ملاك نازل من السما مش ح يقدر يجمع نصف العرب على رأي واحد ولو حتى شيء شكلي ..... اي امين لجامعة الدول العربية في التوقيت ده يعتبر شخص مالوش لازمة ومش ح يقدر يعمل اي شئ
اللي بيخلي عمرو موسى هو المرشح الاقرب ان الامور تطورت بسرعة مذهلة
ماحدش لحق يستعد لأن محدش كان يحلم بان يبقى فيه انتخابات رئاسة اساسا
الاحزاب ..... في حالة افلاس سياسي من 30 سنة
الكفاءات الوطنية ....... كلها تم اجهاضها ( على الاقل اعلاميا ) بواسطة النظام السابق
لدرجة ان الناس بدأت تنادي بأحمد زويل اللي مالوش علاقة بالسياسة ومعاه جنسية امريكية ومستشار اوباما ...... لأن الناس ما تعرفش حد اساسا ..... ومش بعيد كمان الناس ينادو بترشيح لاعبين الكرة ..... لأنهم ما يعرفوش غيرهم
يبقى تفتكر الناس ح يختارو مين ......
الاختيار ده مش عشان هو الافضل....... بل علشان هو البديل الوحيد الذي يمكن اختياره نظرا للفراغ السياسي والحزبي
اعتقد ان بعد الفترة الاولى سيتم انتخاب شخص آخر
لكن دلوقت
مافيش بدائل متاحة ومعروفة للناس غيره ........ او عليهم اللجوء الى وجوة الحزب الوطني المندثر ....... او انتخاب شخص مجهول لقيادة مصر في هذه الفترة العصيبة

مفروض تفصيص تاريخ كل بني ادم يطلع كمان

عمرو موسى
مواقفه مؤخرا سيئة جدا
مواقفه من مبارك حتى بعد غورانه سيئة جدا

باختصار , عقلية لا تناسب الدولة المحترمة اللي نفسنا فيها