هام جداً. يوم 25 مين دخل جراج مجلس الوزرة

**Dojuar** · 28-02-2011 02:23 PM

المشاركة الأصلية كتبت بواسطة tito17182

في الاول والله العظيم أنا مش بقوم الجيش على الشعب ولا الشعب على الجيش ولا أي حاجة
بس أرجوكم شوفو اللنك دة ويارات نتناقش عشان أنا معنديش أي تعليق ومش فاهم أي حاجة

موسى إلي في اللينك دة كان معايا في الجامعة دفعتي 2003 عين شمس حاسبات ومعلومات
وانسان موهذب جداً ومحترم جداً جداً جداً

ط§ظ„ط¬ظٹط´ ظˆ ط§ظ„ط´ط¹ط¨ ظٹط¯ ظˆط§ط.ط¯ط© ظˆ ظ„ظƒظ† ط¹ظ‚ظ„ ظˆ ظپظƒط± ظ…ط®طھظ„ظپظٹظ†. ظپظ‡ظ„ ظٹط³طھظ‚ظٹظ… ط§ظ„ط¬ط³ط¯طں « m o s e s s a u r u s

تدوينة تخوف

المشاركة الأصلية كتبت بواسطة dr-mohamed

انا كنت في التحرير ما بين 10 و 11 ونص
فيه قوات جيش عند الميدان من ناحية مجمع التحرير
فيه حوالي الف وخمسمائة الى الفين شخص في الميدان معظمهم في الصينية الموجودة وسط الميدان منهم ما لا يقل عن 500 بيشوفوا الوضع ايه في التحرير ومجموعة كبيرة من الباعة الجائلين لكل ما تتخيله خاصة الشاي والبطاطا والكسكسي والبليلة والتيشيرتات والاعلام والبندانات الخ الخ الخ الخ
ظابط جيش ماسك ميكروفون واتجه للموجودين وقال لو سمحتم يا جماعة بعد اذنكم فيه حظر تجول من 12 مساء الى صباحا وسيتم تطبيقه على الجميع حفاظا عليكم لو سمحتم روحوا وتعالوا بكرة الساعة 6 اقعدوا زي ما انتم عايزين
مش عايزين حد يدخل وسطكم ويتسبب في مشاكل لينا وليكم

اقسم بالله الظاب طاخد كم شتائم اقل واحدة منها بايقاف العضوية هنا ومجموعة منهم نزلت وقفت العريبات في الشارع وراح لهم مجموعة من الشرطة العسكرية اللى واقفين بينظموا المرور وحاولوا يقنعوهم يبعدوا عن الطريق
عند هذا الحد تركت الميدان ومشيت

كلام يطمن

**otefa** · 28-02-2011 02:33 PM

المشاركة الأصلية كتبت بواسطة adelseliem

مش مقتنع خالص بالكلام ده زيكم
ممكن حد يبعت على صفحة القوات المسلحه الموضوع ده ونشوف الرد ( معلش أصلى مليش فى الفيس بوك )
بس من عندى
مفيش ضابط واحد كبير أو صغير حيقول كلمة يحيا حسنى مبارك لأنهم زىهم زى الشعب

+1
الى صاحب الموضوع هههههه
بدل التكهنات مادام هو صحبك يبقى خليك أيجابي وقدم بلاغ في النيابة أو على موقع القوات المسلحة أضعف الأيمان وجاب نتيجة في موضوع الفيديو الفاسد بتاع مدير أمن البحيرة
أنما نتجنب أثارة البلبلة اليومين دول مش في مصلحة أي حد

**tito17182** · 28-02-2011 02:43 PM

المشاركة الأصلية كتبت بواسطة otefa

+1
الى صاحب الموضوع هههههه
بدل التكهنات مادام هو صحبك يبقى خليك أيجابي وقدم بلاغ في النيابة أو على موقع القوات المسلحة أضعف الأيمان وجاب نتيجة في موضوع الفيديو الفاسد بتاع مدير أمن البحيرة
أنما نتجنب أثارة البلبلة اليومين دول مش في مصلحة أي حد

أنا هكلمو فعلاً عشان نشوف موضوع البلاغ دة ممكن
ولو ممكن هنقول إيه وينفع أصلاً ولا ماينفعش أنا كمان إن شاء الله هعرف منو لما راح الشرطة العسكرية حكلهم ولا لأ
وكمان إيه كان رد فعلهم

**otefa** · 28-02-2011 02:48 PM

الله ينور عليك هو ده عين العقل وطمنا يابيه

**khaled_sabry** · 28-02-2011 02:48 PM

طيب لمصلحة مين الكلام اللى قاله موسى
و يعنى لما موسى افندى حيقوله هو قصده ايه و لا عااوز ايه اصلا

ياجماعه الجيش كان مساندنا من اول الثوره و من اهم اسباب نجاحها ولو كان انقلب علينا مش بعيد كنت تلاقى المعارك فى الشوارع لغاية دلوقتى و مبارك قاعد فى الحكم و نبقى زى ليبيا ... تقوم تقولى بعد كده كان بيخلوكم تقولو ياحيا مبارك .. و بعد ما اتنحى كمان
انتو بتهرجو و لا ايه
وكمان طلعت مقوله ان اللى حصل ده كان بضغط من الداخليه على الجيش علشان يوقعو الناس فى الجيش و الجيش يخلع و الداخليه تستفرد بالشعب زى زمان
خاصه انه بالفعل كان فيه بلطجيه مندسين فى الميدان علشان يولعو الاحداث

الخلاصه احنا لو خسرنا الجيش يبقى حتبقى فوضى بجد اللى بشر بيها مبارك ... لأن الجيش هى اخر جهه نظاميه ممكن تسيطر على البلد لو راحت مافيش جهه تانيه خلاص

**zouba92** · 28-02-2011 02:52 PM

المشاركة الأصلية كتبت بواسطة m.mostafa80

بص انا مش هكدبك فى اللى قلته
ولو دا حصل فى جراج مجلس الوزراء
يبقى اللى ورى الموضوع ده احمد شفيق
حتى لو بعض افراد الجيش اللى الله اعلم أذا كانو فعلا من رجال الجيش ولا من رجال الحرس الجمهورى ولا من رجال امن الدوله المتخفيين فى زى الجيش
فكون دا يحصل يبقى حصل بمعرفه احمد شفيق اللى الناس بتنادى بأقالته
وبالرغم من انى كنت من الناس اللى بتنادى بالهدؤ والستقرار وترك الحكومه تعمل مع تفتيح الأعيون عليها
لكن للأسف بعض التصريحات لأحمد شفيق والأجراءات
بدأت انضم للناس اللى بتؤيد رحيل احمد شفيق
ودا مش بناء على اتهامات باطله
ولكن بناء على تصريحاته فى البدايه عن البنبون والهايد بارك
ثم الدخول فى حوار هابط حول راتب محمود سعد بعد رفضه عمل لقاء معه
ثم اسلوبه فى الرد على بعض الصحفيين نفس الأسلوب المقذذ بتاع النظام القديم
ثم منع بعض المعارضين من الظهور فى التليفزيون حتى لو هيتهموك بالباطل اطلع انت بالمستندات ورد عليهم كذبهم لكن بمجرد منعهم والسلام دا بيدينى الدافع بأنى اصدق ما يقال عنه
انا رجل شريف اسيب اللى يقول يقول واطلع بمستنداتى انفى كل الأتهامات وارد عليها عشان مسيبش الأمر يختلط على الناس ويبقم فى حيره
وخصوصا بعد المقال المنقول على لسان كمال الشاذلى قبل حدوث كل هذه الأحداث عن ان البديل فى حاله عدم تمرير التوريس ان يبقى احمد شفيق هو البديل
كدا فعلا بدأت اشك ان فى طبخه بتتسبك فى المطبخ
وحسبى الله ونعم الوكيل فى كل طاغى يرى انه لا يمكن انيترك مقعده ويتسبب فى تشكك الناس فى بعضهم ومهاجمه بعضهم البعض

أنا مع الرأى دا جدا بس أنا من الاول عايزة أحمد شفيق يمشى

**tito17182** · 28-02-2011 03:10 PM

المشاركة الأصلية كتبت بواسطة khaled_sabry

طيب لمصلحة مين الكلام اللى قاله موسى
و يعنى لما موسى افندى حيقوله هو قصده ايه و لا عااوز ايه اصلا

ياجماعه الجيش كان مساندنا من اول الثوره و من اهم اسباب نجاحها ولو كان انقلب علينا مش بعيد كنت تلاقى المعارك فى الشوارع لغاية دلوقتى و مبارك قاعد فى الحكم و نبقى زى ليبيا ... تقوم تقولى بعد كده كان بيخلوكم تقولو ياحيا مبارك .. و بعد ما اتنحى كمان
انتو بتهرجو و لا ايه
وكمان طلعت مقوله ان اللى حصل ده كان بضغط من الداخليه على الجيش علشان يوقعو الناس فى الجيش و الجيش يخلع و الداخليه تستفرد بالشعب زى زمان
خاصه انه بالفعل كان فيه بلطجيه مندسين فى الميدان علشان يولعو الاحداث

الخلاصه احنا لو خسرنا الجيش يبقى حتبقى فوضى بجد اللى بشر بيها مبارك ... لأن الجيش هى اخر جهه نظاميه ممكن تسيطر على البلد لو راحت مافيش جهه تانيه خلاص

أنا حاسس إن حاضرتك مقرتش الكلام كويس
محدش فينا ضد الجيش ولا بيشتم في الجيش
لأن الجيش هو الحاجة الوحيدة إلي ممكن تخلينا نحقق كل إلي احنا عايزينو
الرجل بيقول إلي حصل
وأنا قولت الكلام دة 10000000000 مرة أرجوكم إلي هيكتب حاجة يقرأ الكلام كله كويس الاول

**yascro** · 28-02-2011 05:47 PM

المشاركة الأصلية كتبت بواسطة tlrsiap

الى صاحب الموضوع
انا شامم ريحة امن الدولة في القصة

نقس الريحه انا شاممها

**mostafabakry** · 28-02-2011 06:30 PM

انا ليا رأي مستند علي مبدأ لكل قاعدة شواذ

الجيش كمؤسسة فاكيد اغلبيته نضيفة و اكيد فيه ناس مش محترمة و طبعا لازم يكون ليهم رد فعل بيعبر عن وجهة نظرهم و معاكس للأغلبية و لكنه غير مؤثر ان شاء الله

يعني انا اقصد انه ممكن كام ظابط علي كام صف ظابط معقدين نفسيا و مش فاهمين اللي بيحصل و بيعبروا عن وجهة نظرهم الشخصية

زي ما فيه ناس في الشعب لسه بتقول ان حسني مبارك راجل مش وحش و ان اللي حصل للبلد دا مش منه هو و دا من الحاشية اللي حواليه و هو كويس بس يمشي اللي حواليه
و انهم لو خيروا دلوقتي ما بين رجوع حسني مبارك و ما بين تعيين ريس جديد حيقولوا لك لأ حسني يرجع و عفا الله عما سلف
و اهو اتعلم الدرس و هيصلح اخضاؤه
بنسبة كبيرة الظباط دي بتفكر بنفس الطريقة دي و خصوصا و انت بتقول انهم صغيرين مش كبار يعني ممكن يكون مضحوك عليهم او مثلا اولاد ناس كانت مستفيده من حكم مبارك لمصر و طبعا دلوقتي هما هيخسروا من خلع مبارك و من غيظهم بيطلعوا اللي جواهم في الناس