مرور مدينة نصر (القاهرة الجديدة) و تجربة رائعة
السلام عليكم و رحمة الله و بركاته
انا حبيت اقولكم على تجربتي مع مرور القاهرة الجديدة عشان نرفع الروح المعنوية شوية
بجد و الله حاجة تفرح
انا امبارح طلعت رخصة قيادة خاصة في اقل من ساعة
من غير ما ادفع اي قهوة او شاي او اي نوع تاني من المشروبات
و الراجل بتاع الاستعلامات كان متعاون جدا و ملالى الورق بنفسه و كان ناقص يروح هوا يمتحن بدالى
طبعا الامتحان تافه جدا و مافيش امتحان كمبيوتر و اشارات
و الرخصة طلعت في اقل من ساعة
علما انى كنت رايح اسأل بس عن الاجراءات لكن زي مابقولكم الراجل بتاع الاستعلامات زي مايكون كان مستنيني
انا حبيت اقولكم بس عشان يعني زي ما فيه سلبيات كتير في كمان ايجابيات ممكن نلاقيها في اماكن كتيرة