تغيير البطارية

**hany2** · 28-02-2011 02:46 AM

السلام عليكم
أنقل لكم تجربتي مع البطارية :)
أنا معايا لانوس موديل 2008 شهر 8. يعني بقالها حوالي سنتين ونصف. البطارية كانت ما فيهاش أي مشكلة. لحد من كام يوم جيت أدورها مش بتنطق خالص. المهم روحت لكهربائي غير المية اللي فيها كلها ومشيت بيها مشوار وبعدين جيت أدورها تاني لقيتها نايمة برضه، فاتصلت بالكهربائي قالي انها عاوزة تتغير. وبعدين روحت لكهربائي كان جنبي واشتريت بطارية جديدة جافة 70 سعودي مش فاكر اسمها :) تمنها 430 وياخد البطارية القديمة. على حسب كلامه إن البطارية ال 70 أحسن من 55. وإن الجافة أفضل لأنها مش بتحتاج صيانة.
بس لي سؤال هل سنتين ونصف هو العمر الافتراضي فعلا للبطارية؟ لأن الميكانيكي قالي إنها بتعيش من سنتين ونص لتلات سنين.
وهل السعر بتاعها كده كويس؟
وهل في علامات تدل على بدء ضعف البطارية الجافة؟
شكرا للرد من الجميع

**ahmed_mido1889** · 28-02-2011 03:02 AM

البطاريه بتبقي حظوظ ممكن تقعد معاك 5 سنين كمان حسب استهلاكها
بس المعروف عن معظم البطاريات مجرد ان الضمان يخلص ابتدي خاف منها

**abdalah_hashem** · 28-02-2011 05:35 AM

بص البطاريات دية بتبقى حسب التساهيل يعنى ممكن واحد تعيش معاة 3 سنين واحد تانى اربعة واحد تالت 2 سنتين يعنى حظوظ
هو ممكن تكون الجافة اسهل من حيث ان مفيش صيانة كل شوية ولا تزويد ماية ولا بتاع و بتعيش اكثر شوية من السائلة

**karimfahmy99** · 28-02-2011 05:54 AM

شوف يا اخى الفاضل . زى الاخوة ما قالوا هى حظوظ بس الحد الادنى سنة و نص . بالنسبة للسعر كويس اما عن ال 55 و ال 70 فدا يرجعلك و حسب ما انت حاطط من كماليات هل تحتاج الى امبير اعلى ام لا

**Ahmed Nasser** · 28-02-2011 10:56 AM

السعر كويس عشان انا كنت جايب واحدة كورى 55 امبير بـ 410

**swimmer25** · 28-02-2011 11:52 AM

ايه ده...أنا فاكر إني كنت جايب ac delco السعودي ب 330 جنيه
ما علينا..البطارية الجافة بيبقي فيها لمبة ...لما تكون خضراء يبقي البطارية تمام..أي الوان تانية يبقي إما محتاجة شحن أو قربت تبوظ...بيبقي كتوب جنب اللمبة

سنتين ونص حلو جدا علي البطارية وربنا يباركلك في الجديدة..

بعد كده لما تشتري بطارية تاخد بالك أن يكون تاريخ إنتاجها جديد